Ua tano anei ta te Bibilia e parau ra no nia i to Iesu oraraa?

Te pahonoraa a te Bibilia

A papai ai Luka no nia i to Iesu oraraa, ua parau o ˈna: “Ua tuatapapa vau i teie mau mea atoa . . . ia au i te tupuraa mau.”—Luka 1:3.

Te parau ra vetahi, i te mau matahiti 300 ua tauihia i te tahi taime te mau faatiaraa i roto i te mau evanelia papaihia e Mataio, Mareko, Luka e Ioane.

I te omuaraa o te mau matahiti 1900, ua itehia mai i Aiphiti te hoê tuhaa o te evanelia a Ioane parauhia te Papyrus Rylands 457. Ua tuuhia te reira i te vairaa buka John Rylands i Manchester, Beretane. Te tuhaa o te evanelia itehia o te Ioane 18:31-33, 37, 38, ta tatou ïa e nehenehe e ite i roto i te mau Bibilia o teie tau.

Tera te papai tahito roa ˈˈe tei itehia o te mau Papai Heleni Kerisetiano aore ra te Faufaa Apî. E rave rahi aivanaa e parau ra ua papaihia te reira i te area matahiti 125, tau 25 matahiti i muri iti noa ˈˈe i to Ioane papairaahia i ta ˈna evanelia. Aita tei papaihia i roto i te Papyrus Rylands i taa ê roa i tei itehia i roto i to muri nei papai.