O Iesu anei te iˈoa o te Atua?

Te pahonoraa a te Bibilia

Ua parau Iesu no nia ia ˈna iho e “Tamaiti au na te Atua” aore ra te “Tamaiti a te Atua.” (Ioane 10:36; 11:4) Aita roa ˈtu Iesu i parau aˈenei o ˈna te Atua Manahope.

Hau atu â, ua pure Iesu i te Atua. (Mataio 26:39) E ua haapii oia i ta ˈna mau pǐpǐ mea nafea ia pure, ma te parau: “To matou Metua i te raˈi, ia moˈa to oe iˈoa.”—Mataio 6:9.

Ua faaite Iesu i te iˈoa o te Atua a faahitihia ˈi i te hoê irava papaihia i roto i te Faufaa Tahito, a na ô ai: “A faaroo mai, e Iseraela, o Iehova to tatou Atua, hoê anaˈe ïa Iehova.”—Mareko 12:29; Deuteronomi 6:4.