Ua rahi te ino na te ao nei: Eaha ta te Bibilia e parau ra?

Ua uˈana roa te ohipa ino i Haïti. Mai tera atoa i Afirika apatoa, i Mehiko e i te tahi atu mau fenua i te pae apatoa no Marite. Na te mau vahi atoa e ere mea uˈana roa te ohipa ino, e riaria te taata ia faaroo ratou e ua eiâhia aore ra ua vavahihia i ǒ vera ma.

Eaha ta te Bibilia e parau ra no nia i te ino e tupu nei na te ao nei?

Ta te Bibilia i tohu

Ua tohu te Bibilia e tapao te ino o “te anotau hopea o te ao nei.” (Mataio 24:3) A faataa ˈi oia i te mau tuhaa rau o taua tapao ra, teie ta Iesu Mesia i parau:

• “No te rahi o te ino, e iti roa mai te here o te rahiraa.”—Mataio 24:12.

Ua tohu atoa te Bibilia e “i te mau mahana hopea . . . e haavî ore [te taata] ia ratou iho, e iria, e au ore i te maitai.” (Timoteo 2, 3:1-5) Tera atoa te tumu i rahi ai te ino i teie mahana.

Teie râ, te vai ra te tiaturiraa e faaorehia te ino. Ua fatata te reira i te tupu, na te Bibilia hoi e fafau mai ra.

• “Tau taime â, e aita faahou te feia ino. E hiˈo oe i to ratou vahi, eita râ oe e ite ia ratou i reira. E fatu râ te feia mǎrû i te fenua, e e au roa ratou i te rahi o te hau.”—Salamo 37:10, 11.

No te ite atu â eaha ta te Bibilia e haapii ra e no te aha oe e nehenehe ai e tiaturi e te tupu ra iho â ta te Bibilia i tohu, a hiˈopoa i teie mau tumu parau:

“Te hoê tiaturiraa papu no te hoê oraraa maitai aˈe”

“Eaha te tapao o ‘te mau mahana hopea’ aore ra o ‘te taime faataahia o te hopea’?”

“Ua tohu anei te Bibilia i nia i te huru feruriraa e haaraa o te mau taata i teie mahana?”