O vai ta ˈu e titau manihini?

I te mau matahiti atoa, te tutava ra tatou i te titau manihini i te taata o te tuhaa fenua i te Oroa haamanaˈoraa. Aita tatou i matau i te rahiraa o ratou. E te feia ïa ta tatou i matau? Mea ohie aˈe paha no ratou ia haere mai na tatou anaˈe e titau manihini atu. (yb08-F 12 par. 1; 14 par. 1) O vai te taata ta oe e nehenehe e titau manihini?

• Te mau fetii

• Te mau hoa ohipa aore ra hoa haapiiraa

• Te mau taata tapiri

• Te mau farerei-faahou-raa e te feia tei haapii aore ra o te tamau ra i te haapii i te Bibilia

Hau atu â, e titau manihini te mau matahiapo i te mau taeae e tuahine tei faaea i te poro. Eaha te rave, mai te peu aita te hoê taata ta oe i matau e faaea i roto i ta oe tuhaa fenua? E nehenehe oe e ite i te hora e te vahi e tupu ai te Oroa haamanaˈoraa i to ˈna vahi nohoraa, ma te haere i nia i te api omuaraa o te reni natirara jw.org. A pata i nia i te tuhaa NO NIA IA MATOU e i nia “Oroa haamanaˈoraa.” A faaineine ai oe ia oe iho no te Oroa haamanaˈoraa no teie matahiti, a feruri o vai te taata ta oe e titau manihini e a titau manihini ia ratou.