E nafea ia faaohipa Faaroo i te Atua?

Ua faaineinehia te buka rairai Faaroo i te Atua no te haapii i te pue parau mau Bibilia i te feia mea fifi no ratou ia taa i tei papaihia. Hoê haapiiraa, e piti ïa api, e fatata e hohoˈa anaˈe to roto. Na te tahi mau tapao iti oeoe e faaite eaha te hohoˈa e hiˈopoa i muri iho.

Hoê â mau hohoˈa to roto i te buka rairai Faaroo i te Atua no te ora e a muri noa ˈtu. Mea rahi aˈe râ te papai i roto. E nehenehe atoa te mau piahi mea ite rii i te taio e haapii i roto i tera buka rairai. Pinepine te feia poro i te rave i tera buka rairai no te faatere i te haapiiraa. Area ta ratou mau piahi, e rave ïa te Faaroo i te Atua. Te vai ra hau atu â haamaramaramaraa i roto i te mau tumu parau tarenihia. E nehenehe e tauaparau no nia i te reira, tei te aravihi noa o te piahi.

E nehenehe e pûpû i na piti buka rairai i te mau taime atoa, noa ˈtu e ere tera te pûpûraa o te avaˈe. Ia faatere oe i te haapiiraa Bibilia, a faaohipa i te mau hohoˈa no te faatia i te mau aamu Bibilia. A tuu i te uiraa no te haaferuri i te piahi e ia papu ia oe e te taa ra ia ˈna te haapiiraa. A taio e a hiˈopoa i te mau irava i raro mai i te api. Ia hope te buka rairai i te hiˈopoahia, a faahaere ia ˈna i roto i te buka Eaha ta te Bibilia e haapii mau ra? aore ra Eaha ta te Bibilia e haapii mai? ia nehenehe te piahi e tapae roa i te bapetizoraa.