Hoê titau-manihini-raa taa ê
1. Afea e haamata ˈi te opereraa i te mau titau-manihini-raa no te mau tairururaa i 2014?
1 Ia opua oe e faatupu i te tahi tamaaraa taa ê no to oe utuafare aore ra mau hoa, e titauhia te mau tutavaraa e te moni rahi. E oaoa oe i te titau manihini ia ratou, e ere anei? Hoê â huru no te tamaaraa pae varua e horoahia i ta tatou tairururaa mataeinaa e nunaa rau i 2014. E ohipa rahi tei ravehia no te faaineine i te reira. Toru hebedoma hou te tairururaa, e fanaˈoraa taa ê ta tatou e titau manihini i te mau taata ia haere mai. E nafea ia apiti i te reira ma te oaoa?
2. Eaha te turai ia tatou ia apiti rahi i te opereraa?
2 E mea faufaa ia feruri maite i te mau haamaitairaa ta tatou iho e fanaˈo i te mau tairururaa. E turai ïa te reira ia tatou ia apiti rahi i te opereraa. (Isa. 65:13, 14) E haamanaˈo atoa e e faahopearaa maitai te itehia. E haere mai te tahi mau taata ta tatou i titau manihini i te tairururaa. Noa ˈtu râ ehia rahiraa taata te tae mai, e haamaitai ta tatou mau tutavaraa ia Iehova e e pee ïa tatou i to ˈna maitai rahi.—Sal. 145:3, 7; Apo. 22:17.
3. E nafea ia opere i te mau titau-manihini-raa?
3 E vaiihohia anei te mau titau-manihini-raa i te mau fare aita e taata? E operehia anei na te vahi taata i roto i te tuhaa fenua a te amuiraa? Na te tino matahiapo taitahi e faaoti nafea ia opere i te reira. I te mau hopea hebedoma, ia tano, a pûpû atoa i te mau vea. Ia topa te Mahana maa matamua o te avaˈe i te taime o te opereraa, a haafaufaa i te titau-manihini-raa, eiaha râ te haamataraa i te mau haapiiraa Bibilia. Ia oti te opereraa, e oaoa tatou i te apitiraa i te reira ma te itoito! E oaoa atoa tatou no te mea ua titau-manihini-hia e rave rahi taata no te tamaaraa pae varua ta Iehova i horoa.