E haamata te titau-manihini-raa no te Oroa haamanaˈoraa i te 22 no Mati

I teie matahiti, e haamata te titau-manihini-raa no te Oroa haamanaˈoraa i te 22 no Mati. Te faaitoitohia ra te taatoaraa ia apiti rahi i te reira. I te hopea hebedoma, ia tano anaˈe, e pûpû atoa tatou i te mau vea apî. I te Mahana maa matamua no Eperera, e opere na mua tatou i te mau titau-manihini-raa eita râ e haamata i te haapiiraa Bibilia. Ia farerei râ tatou i te tahi taata e anaanatae ra, e nehenehe paha tatou e haamata i te haapiiraa Bibilia. E nehenehe te tiaau no te taviniraa e faaoti ia operehia te mau titau-manihini-raa i te vahi taata. E tauturu ïa te reira i te amuiraa ia poro i e rave rahi atu â taata. A tapao i teie nei o vai ta oe e titau manihini: te mau taata ta oe i matau, fetii, hoa ohipa, hoa haapiiraa e te feia ta oe e hoˈi ra e farerei. A horoa ˈtu i te titau-manihini-raa ia haamata anaˈe te opereraa. Te tiaturi nei matou e rave rahi te tae mai no te haamanaˈo i na faaiteraa mau e piti o te here.—Ioa. 3:16; 15:13.