“E parahi hau noa outou i roto i te taata atoa”
1. Ia riri mai te taata, e pee tatou i teihea aˈoraa Bibilia?
1 E mea au na te nunaa o Iehova te hau, e mea hau atoa ïa ta tatou taviniraa. (Isa. 52:7) A poro ai râ tatou, e riri mai te taata i te tahi taime. Eaha ïa te tauturu ia tatou ia parahi hau noa?—Roma 12:18.
2. No te aha mea faufaa ˈi ia feruri i te tupuraa o te taata?
2 A feruri na i te tupuraa o te taata: E riri mai te tahi no ta tatou pororaa, area te tahi atu no te mau tumu taa ê roa ïa. Aita paha tatou i haere atu i te taime au. E fifi paha to te taata fare. Noa ˈtu e ua riri mai o ˈna no ta tatou poroi, e haamanaˈo anaˈe e ua na reira oia no te mea ua haapourihia o ˈna. (Kor. 2, 4:4) Ma te feruri i to ratou tupuraa e parahi hau noa ˈi tatou. Eita atoa ïa tatou e inoino.—Mas. 19:11.
3. E nafea tatou e faatura ˈi i te taata fare?
3 A faatura ˈtu: E tiaturiraa ta te taata e rave rahi. (Kor. 2, 10:4) E tiamâraa to ratou e maiti i ta ratou e faaroo. Eita iho â tatou e hinaaro e faaino i te tiaturiraa a te tahi taata fare aore ra e haafaufaa ore ia ˈna. Ia ani mai oia ia hoˈi, e na reira anaˈe ma te faatura.
4. Eaha te auraa ei parau mǎrû ta tatou?
4 Ei parau mǎrû: Noa ˈtu e e faainohia mai, ei parau maitai e te mǎrû noa ta tatou. (Kol. 4:6; Pet. 1, 2:23) Mea hau aˈe ia imi ia tu te manaˈo i te tataˈu atu i te parau. E nehenehe paha tatou e ani mǎrû i te taata fare i te mau tumu e patoi mai ai oia. Ia ore râ oia e riri atu â, i tera taime, mea maitai aˈe ia vaiiho ia ˈna.—Mas. 9:7; 17:14.
5. Eaha te mau maitai ia parahi hau noa i roto i te taviniraa?
5 E haamanaˈo maitai paha te taata fare i to tatou huru a parahi hau noa ˈi tatou e e faaroo paha oia ia porohia ˈtu i te tahi atu taime. (Roma 12:20, 21) Noa ˈtu e te patoi ra oia, e riro mai râ paha o ˈna ei taeae no tatou i te hoê mahana. (Gal. 1:13, 14) Ia farii te taata fare i te parau mau aore ra eita, e faahanahanahia Iehova ia faaoromai e ia parahi hau noa tatou. E au-atoa-hia ïa ta tatou taviniraa.—Kor. 2, 6:3.