“Ehia hora ta ˈu e tapao?”

Ua ui ê na anei oe i teie uiraa? Te vai ra te mau haamaramaramaraa i roto i te buka Organisés, api 86-87. I te tahi taime e horoahia te mau aratairaa hau, mai i roto i te Pahonoraa i ta outou mau uiraa o Ta tatou taviniraa i te Basileia no Tetepa 2008. I te mea e e tauiui te mau tupuraa, aita i horoahia te mau ture aveia rahi roa. E ere râ i te mea tano ia haamau te mau matahiapo aore ra vetahi ê i te mau aratairaa hau.

Mai te peu e e uiraa te hiti mai e aita e aratairaa i piahia ˈtura, e ui ïa te taata poro taitahi: Ua faaohipa anei au i tera taime no te taviniraa aore ra no te tahi atu ohipa? Eiaha to tatou manaˈo haava ia faahapa i ta tatou i tapao i nia i ta tatou tapura taviniraa. Ia oaoa râ tatou i te reira. (Ohi. 23:1) E ere ta tatou tapitapiraa matamua i te iteraa e nafea ia taio i te hora, e nafea râ ia faaohipa maitai i te reira ma te itoito i roto i te taviniraa.—Heb. 6:11.