Buka rairai apî e pûpû!
1. Eaha te pûpû atu i Novema, e eaha te fa o teie papai?
1 I ta tatou tairururaa mataeinaa 2009 “E ara!,” ua matara mai te buka rairai apî La Bible—Quel est son message? I Novema, e haamata te mau amuiraa na te ao atoa nei i te pûpû i te reira. E nafea te taata o ta tatou tuhaa fenua e faufaahia ˈi? Aita te rahiraa o te taata, te feia iho â râ e ere i te Kerisetiano, i ite maitai i te Bibilia. No reira teie buka rairai e faataa ˈi i te api 3 e ua faaineinehia te reira no te horoa i “te manaˈo rahi no nia i te Bibilia.”
2. E nafea ia pûpû i te buka rairai?
2 E nafea ia pûpû atu? E nehenehe tatou e parau: “Te hinaaro nei mâua e ite i to oe manaˈo no nia i teie parau. [A taio i te Timoteo 2, 3:16.] Mea rahi tei farii i teie manaˈo. No vetahi ê râ e buka maitai noa te Bibilia. E no oe? [A vaiiho i te taata ia pahono.] Noa ˈtu eaha ta tatou mau tiaturiraa faaroo, e tumu papu to tatou no te hiˈopoa i te Bibilia. [A taio i te paratarafa i muri noa iho i te upoo parau o te api 3.] A taio ai oe i te haapotoraa o te Bibilia i roto i teie buka rairai, e ite oe i te tahi mea anaanatae mau: Hoê anaˈe tumu parau e poroi rahi to te Bibilia.”
3. Eaha ˈtu â te parau, i te mau tuhaa fenua iho â râ e ere te taata i te Kerisetiano?
3 Teie te tahi atu â ravea, ia poro iho â râ tatou i te mau vahi e ere te taata i te Kerisetiano: “Te hinaaro nei mâua e ite i to oe manaˈo no nia i tei parauhia i roto i te mau Papai (aore ra buka moˈa). [A taio i te Salamo 37:11.] Ia manaˈo oe, mai te aha te huru o te fenua ia tupu teie parau tohu? [A vaiiho i te taata ia pahono.] Teie te hoê hiˈoraa o te tiaturiraa e te tamahanahanaraa ta te taata o te mau taˈere e faaroo atoa e nehenehe e fanaˈo mai roto mai i te Bibilia.” A taio i te paratarafa i muri noa iho i te upoo parau o te api 3, e a pûpû i te buka rairai.
4. E nafea ia faaohipa i te buka rairai no te haamata i te hoê haapiiraa?
4 A haamata i te hoê haapiiraa Bibilia: Ia hoˈi atu tatou, e haamanaˈo paha tatou i te taata i ta tatou i aparau na a tauaparau atu ai i nia hoê aore ra e piti paratarafa o te tumu parau i faahitihia aˈenei, ma te faaohipa i te mau uiraa o te tuhaa ta tatou i maiti. Aore ra no te faaite atu i te buka Bibilia haapii, e nehenehe tatou e taio e o ˈna i te api hopea o te buka rairai, e horoa ˈtu i te buka, e ui atu eaha te upoo parau ta ˈna e anaanatae ra, e e hiˈopoa hoê aore ra e piti paratarafa. Ia nehenehe ïa tatou paatoa e apiti hope i te pûpûraa o teie buka rairai i Novema!