Ua ineine oe no te poro ma te faanaho ore?
1. Eaha te hiˈoraa e faaite ra i te manuïaraa o te pororaa faanaho-ore-hia?
1 E nehenehe te pororaa faanaho-ore-hia e manuïa maitai. E rave rahi hiˈoraa o te reira i roto i te Bibilia. (Ioa. 4:7-15) E nafea ia faaineine no tera huru pororaa?
2. E nafea to tatou faaneheneheraa e tauturu ai ia tatou ia horoa i te faaiteraa?
2 Faaneheneheraa: Ia haapao maitai noa tatou i to tatou faaneheneheraa, e tia ia tatou ia tufa i to tatou faaroo na vetahi ê. (Tim. 1, 2:9, 10) Ia huru ê noa ˈtu tatou, eita paha ïa tatou e hinaaro e horoa i te faaiteraa. Mai te peu râ e mea mâ tatou e te faeta maitai, e uiui paha ïa te taata. Ei hiˈoraa, te parahi ra te tahi nau Ite faaipoipo faeta maitai i pihai iho i te hoê tane Mahometa a ratere ai ratou. Ua ani atu tera taata e e Kerisetiano anei raua. Ua tupu atura te hoê aparauraa Bibilia e toru hora.
3. Ma te pee ia Iesu, mea nafea oe i te haamataraa i te aparau?
3 A haamata i te aparau: Ia Iesu i farerei i te vahine Samaria i te apoo pape a Iakoba, ua haamata oia i te aparau ma te ani noa ˈtu maa pape e inu. E nehenehe atoa tatou e haamata i te aparau ma te tuu atu i te hoê manaˈo poto aore ra te hoê uiraa ohie. Noa ˈtu e e taiâ tatou i te tahi taime, e “itoito” tatou maoti ta Iehova tauturu.—Tes. 1, 2:2.
4. E nafea ia faaineine no te pororaa ma te faanaho ore?
4 A imi i te ravea: Mea rahi tei manuïa i te poro ma te faanaho ore. A hiˈo faahou i to oe tupuraa. A manaˈo i te feia ta oe e farerei i te mau mahana atoa. A rave i te mau papai e tano e te hoê Bibilia nainai. A hiˈo maite e a anaanatae atu i te taata. Ia manaˈo oioi oe i te mau tupuraa ta oe paha e farerei i tera mahana, e ineine ïa oe i te horoa i te hoê faaiteraa maitai.—Phil. 1:12-14; Pet. 1, 3:15.
5. No te aha e mea tia ˈi ia faaineine no te pororaa faanaho-ore-hia?
5 E piti tumu maitai ta tatou no te faaohipa i te mau taime no te poro ma te faanaho ore, te here i te Atua e i te taata-tupu. (Mat. 22:37-39) No te ru o te ohipa pororaa, e mea tia ia faaineine no te pororaa faanaho-ore-hia. Ia ineine ïa tatou i te faaohipa i te mau taime tano atoa no te poro i te evanelia o te Basileia i teie nei â.—Roma 10:13, 14; Tim. 2, 4:2.