Putuputuraa no te taviniraa

Hebedoma o te 14 no Tenuare

Himene 41

10 mn: Parau faaara. Parau faaite e tano o Ta tatou taviniraa i te Basileia. Ma te faaohipa i te mau manaˈo tauturu o te api 8 o Ta tatou taviniraa i te Basileia no Titema 2007 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Tenuare e te Réveillez-vous! no Titema.

15 mn: “A faaohipa maitai i to oe taime i roto i te taviniraa.”a A uiui i te hoê taeae o te horoa ra i te hoê hiˈoraa maitai i roto i te faatereraa i te putuputuraa no te pororaa o te turai e o te faaitoito i te feia i amui mai. Eaha ta ˈna e rave no te faaineine i te poro e te pǔpǔ e no te faaohipa maitai i te taime i roto i te taviniraa?

20 mn: “Ei parau rapaauhia i te miti â ta outou.”b Ia hiˈopoahia te paratarafa 2, a taio i te Ioane 4:7-15, 39.

Himene 85

Hebedoma o te 21 no Tenuare

Himene 215

10 mn: Parau faaara. A faaite i te mau buka e pûpû i Fepuare, e a rave i te hoê faahiˈoraa. A faaitoito i te taatoaraa ia mataitai i te video Soigner sans transfuser—Besoins et droits du patient no te aparauraa e tupu i te Putuputuraa no te taviniraa o te 4 no Fepuare.

10 mn: Te faaohipa ra anei oe i te buka iti E hiˈopoa anaˈe i te mau Papai i te mau mahana atoa? Oreroraa parau e aparauraa e te feia e faaroo ra, niuhia i nia i te omuaraa parau o te buka iti E hiˈopoa anaˈe i te mau Papai i te mau mahana atoa—2008. A aparau no nia i te faufaaraa ia rave i te taime i te mau mahana atoa no te hiˈopoa i te irava bibilia e te tatararaa. A titau manihini i te feia e faaroo ra ia faataa i ta ratou i matau i te rave no te hiˈopoa i te irava e te mau maitai ta ratou i huti mai. E nehenehe e ani oioi hoê aore ra e piti faataaraa. A faataa poto i te irava matahiti 2008.

25 mn: “A faaite hua ˈtu i te parau apî maitai.”c (Par. 1-10) Na te tiaau no te taviniraa. A uiui hoê aore ra e piti taata poro o tei rave i te taviniraa pionie tauturu i te matahiti i mairi aˈenei noa ˈtu te hoê porotarama î maitai aore ra te maˈi i te pae tino. Mea nafea raua i nehenehe ai e rave i te reira? Eaha te mau oaoaraa ta raua i fanaˈo? A hiˈopoahia ˈi te paratarafa 7, a haamahitihiti i te porotarama no te mau putuputuraa no te pororaa i Mati, Eperera e Me.

Himene 177

Hebedoma o te 28 no Tenuare

Himene 52

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tenuare. A taio i te tapura faufaa moni e te mau haamauruururaa no te mau ô. Aparauraa e te feia e faaroo ra niuhia i nia i Te Pare Tiairaa o te 1 no Fepuare (wp08 01/01-F) e te Réveillez-vous! no Tenuare. Ua oti anaˈe te faataaraa poto o te vea taitahi, a ui i te feia e faaroo ra eaha te mau tumu parau o te nehenehe e faaara i te anaanatae o te taata o te tuhaa fenua e no te aha. A titau manihini i te feia i putuputu mai ia faahiti i te mau manaˈo taa maitai i roto i te mau tumu parau o ta ratou e opua ra e haamataratara. Eaha te uiraa e nehenehe e ui no te haamata i te hoê tauaparauraa? Eaha te irava i roto i te tumu parau e nehenehe e taio? Eaha te taairaa e vai ra i rotopu i te irava e te tumu parau? Ma te faaohipa i te tahi mau hohoˈa faaiteraa o te api 8 o Ta tatou taviniraa i te Basileia no Titema 2007, a faaite e nafea ia pûpû i te vea taitahi.

20 mn: “A faaite hua ˈtu i te parau apî maitai.”d (Par. 11-7) Mai te peu e te vai ra te mau titau-manihini-raa taa ê no te Oroa haamanaˈoraa, a opere atu i te tahi na te taatoaraa o te feia i putuputu mai a hiˈopoahia ˈi te paratarafa 14. A faahiti i te mau faanahoraa i ravehia i roto i te amuiraa no te opere i tera mau titau-manihini-raa i roto i te tuhaa fenua.

15 mn: “A tauturu i te mau piahi Bibilia ia riro ei feia poro i te parau apî maitai o te Basileia.”e Ia taimehia, a ani i te feia e faaroo ra ia tatara i te mau irava i faahitihia.

Himene 22

Hebedoma o te 4 no Fepuare

Himene 161

10 mn: Parau faaara. A hiˈopoa i te Pahonoraa i ta outou mau uiraa.

10 mn: Hinaaro o te amuiraa.

25 mn: “Te faanuu noa ra anei oe i te reira?” Na te hoê matahiapo. A haamata roa ˈtu i te aparauraa i nia i te video Besoins et droits du patient e te feia e faaroo ra, ma te faaohipa i te mau uiraa i roto i te tumu parau. A faaoti na roto i te taioraa i te paratarafa hopea e a faaitoito i te taatoaraa ia hiˈopoa maitai faahou i te mau tumu parau i faahitihia o Te Pare Tiairaa e o Ta tatou taviniraa i te Basileia. A faataa e nafea te taata taitahi o tei ore i na reira ˈtura e nehenehe ai e faaohipa i na tapura e piti e vai ra i te api hau o Ta tatou taviniraa i te Basileia no Novema 2006 no te rave i ta ˈna iho faaotiraa no nia i te mau tuhaa o te toto e te mau ravea rapaauraa e no te papai i ta ˈna mau faaotiraa i nia i te tareta Instructions médicales (DPA). E hinaaro paha te feia o tei faaî aˈena i ta ratou tareta Instructions médicales (DPA) e hiˈopoa faahou i ta ratou mau faaotiraa matamua e, mai te peu e e titauhia, e faaî i te hoê tareta apî.

Himene 4

[Nota i raro i te api]