Pahonoraa i ta outou mau uiraa

◼ E tano anei ia faanaho i te mau hoo-mama-raa aore ra i te haaputu i te moni no te tauturu i te amuiraa?

Mea matauhia na te mau faanahoraa faaroo te faatupuraa i te mau tamaaraa, hoohooraa, oroa . . . no te haaputu i te moni. E nehenehe vetahi e manaˈo e no te hoê tumu maitai, tera râ e huru taparuraa te reira. Eita te mau Ite no Iehova e imi ia noaa mai te turu i te pae moni ma tera ravea.

I roto i te piti o te numera no Atete 1879, teie ta Te Pare Tiairaa (Beretane) e faahiti ra no nia i to tatou farii ore i te pee i te mau ekalesia e taparu ra i te turu i te pae moni: “Te tiaturi nei matou e, o IEHOVA te turu o ‘Te Pare Tiairaa no Ziona,’ e ia na reira oia, eita roa ˈtu te reira e ani e e titau i te turu a te mau taata. Ia parau Tei parau e: ‘Na ˈu atoa te auro, na ˈu te ario o te mau mouˈa ra,’ eita oia e horoa faahou mai i te mau taoˈa e au, e taa ïa ia matou e ua tae i te taime no te faaore i te neneiraa.”

Te tamau nei tatou i te pee i teie faaueraa tumu o te mau Papai: “E horoa te taata atoa i ta ˈna i opua i roto i to ˈna aau; eiaha ma te nounou, e mai te mea e no te titau: o te taata horoa noa hoi ta te Atua e hinaaro.” (Kor. 2, 9:7) E ite te feia e ô horoa noa ta ratou i te mau afata i faanahohia no te reira i roto i te mau Piha a te Basileia. (Arii 2, 12:9) Eita tatou e rave i te taparuraa, hau atu eita tatou e rave i te mau ô ei faahoˈiraa i te tahi mea.