E nafea ia pûpû i te mau vea

La Tour de Garde 15 no Tenuare

“I teie mau matahiti i mairi aˈenei, ua rahi te anaanataeraa i te mau melahi. Ua uiui aˈena anei oe o vai ma ratou e e nafea ratou e ohipa ˈi i nia i to tatou oraraa? [A vaiiho i te taata ia pahono. E a taio i te Salamo 34:7.] Te faataa ra teie vea eaha ta te Bibilia e parau ra no nia i te mau ohipa a te mau melahi—i mutaa iho, i teie nei, e a muri aˈe.”

Réveillez-vous! Tenuare

“Te vai nei te aˈoraa no nia i te mau tumu parau atoa i teie mahana. Ia manaˈo oe, ehia rahiraa o te reira ta tatou e nehenehe e tiaturi? [A vaiiho i te taata ia pahono. E a taio i te Timoteo 2, 3:16.] Te faaite ra teie vea no te aha tatou e nehenehe ai e hiˈo i te Bibilia ei tumu papu o te paari maitai.” A rave i te tumu parau o te haamata i te api 18.

Te Pare Tiairaa 1 no Fepuare

“E hinaaro pauroa tatou i te moni no te ora. Teie râ, e farii anei oe e mea tia ia ara i te fifi atâta i faahitihia i ǒ nei? [A taio i te Timoteo 1, 6:10, e a vaiiho i te taata ia pahono.] Te tauturu ra teie vea ia tatou ia ite i te tahi mau marei matauhia o te ruperuperaa materia e te faataa ra te reira e nafea ia ape atu.”

Réveillez-vous! Fepuare

“Te uiui ra e rave rahi o tatou, e fetii e e hoa ruhiruhia to tatou, e nafea tatou e nehenehe ai e tauturu ia ratou ia faaû i te mau fifi o te ruhiruhiaraa. E ere anei? [A vaiiho i te taata ia pahono.] Te horoa ra teie vea i te mau ohipa ta tatou e nehenehe e rave no te faaoromai atu â i te ruhiruhiaraa. Te faataa atoa ra te reira e nafea teie parau tohu e tupu ai.” A taio i te Ioba 33:25.