E nafea ia pûpû i te mau vea

La Tour de Garde 1 no Tenuare

“E farii anei oe i tei parauhia ra i ǒ nei? [A taio i te Iakobo 3:2.] Te horoa ra teie vea i te tahi mau manaˈo tauturu e au ia faaohipa no roto mai i te Bibilia no te tauturu ia tatou ia ore e haamauiui i te mau melo utuafare na roto i ta tatou mau parau.” A rave i te tumu parau e haamata i te api 10.

Réveillez-vous! Tenuare

“E fifi to te mau faaipoiporaa atoa. Ia manaˈo oe, ihea te feia faaipoipo e nehenehe ai e imi i te aˈoraa papu? [A vaiiho i te taata ia pahono.] A tapao na i teie aratairaa papu. [A taio i te Ephesia 5:22, 25.] Te faataa ra teie tumu parau eaha te auraa no te hoê vahine ia auraro i ta ˈna tane.” A rave i te tumu parau e haamata i te api 28.

Te Pare Tiairaa 1 no Mati

“Ia hiˈohia te mau fifi atoa ta tatou e ite ra i teie mahana, e nehenehe anei e fanaˈo i te hau mau o te feruriraa, ia manaˈo oe? [A vaiiho i te taata ia pahono.] Ua tauturu te hiˈopoaraa i te tiaturiraa o te Bibilia no te tau no a muri aˈe i e rave rahi. [A taio i te hoê o te mau irava papaihia aore ra faahitihia i roto i te tumu parau ta oe e haamahitihiti.] Te faaite ra teie vea eaha ta te Bibilia e parau ra no nia i te parau ra nohea mai tatou, te tumu o te oraraa, e eaha ta te tau no a muri aˈe e hopoi mai.”

Réveillez-vous! Fepuare

“No te rahi o te ohipa ino, te taiâ nei te taata e rave rahi. Ia manaˈo oe, e maitai mai anei te mau mea? [A vaiiho i te taata ia pahono.] A tapao na i teie parau tohu bibilia anaanatae. [A taio i te Salamo 37:10.] Te faataa ra teie vea i te tumu mau o te ohipa ino e te ravea a te Bibilia i tera fifi.”