Putuputuraa no te taviniraa

Hebedoma o te 9 no Tenuare

Himene 10

10 mn: Parau faaara. Ma te faaohipa i te mau manaˈo tauturu i te api 4 o Ta tatou taviniraa i te Basileia no Novema 2005 aore ra te tahi atu faaiteraa e tano i ta outou tuhaa fenua, a faaite na roto i te hoê faahiˈoraa e nafea ia pûpû i Te Pare Tiairaa o te 1 no Titema e te Réveillez-vous! o te 8 no Titema. I roto hoê o na faahiˈoraa, e horoa te taata poro i te faaiteraa i roto i te hoê tuhaa fenua tapihoo.

15 mn: “Te buka Bibilia haapii—ta tatou buka haapiiraa bibilia matamua.”a A faatupu i te anaanatae no te haamata i te mau haapiiraa bibilia i nia i te buka apî.

20 mn: “E nafea ia haamata i te haapiiraa i nia i te buka Bibilia haapii.” Aparauraa e te feia e faaroo ra ma te mau faahiˈoraa niuhia i nia i te api 3 o te api hau. E nehenehe tatou e faaohipa oioi i te buka Bibilia haapii no te haamata e no te faatere i te mau haapiiraa bibilia e te feia e faaite ra i te anaanatae. A faanaho e toru faahiˈoraa faaineine-maitai-hia o te faaite e nafea ia faaohipa (1) i te mau api 4-5, (2) i te api 6, e (3) i te paratarafa matamua i te api 7 no te haamata i te hoê haapiiraa bibilia ia ravehia te hoê farerei-faahou-raa. A haamahitihiti na mua i te mau tuhaa faufaa o te faaiteraa taitahi, e a hiˈo faahou i te reira i muri iho. E nehenehe e haapotohia te hiˈopoaraa o te mau paratarafa o te buka Bibilia haapii ia titauhia. I te pae hopea o te faahiˈoraa taitahi, e faanaho te taata poro no te farereiraa i mua.

Himene 125 e pure faaotiraa.

Hebedoma o te 16 no Tenuare

Himene 178

10 mn: Parau faaara. Parau faaite e tano o Ta tatou taviniraa i te Basileia. A faaitoito i te taatoaraa ia mataitai i te video Soigner sans transfuser—Besoins et droits du patient no te faaineine i te aparauraa e tupu i roto e piti hebedoma i te Putuputuraa no te taviniraa. A titau manihini i te taatoaraa ia afai mai i te Réveillez-vous! no Tenuare 2006 i te Putuputuraa no te taviniraa i mua nei.

15 mn: Faanahohia no te rave i te hinaaro o Iehova. Oreroraa parau e aparauraa e te feia e faaroo ra niuhia i nia i te mau api 4-7 o te buka Organisés pour faire la volonté de Jéhovah. I muri aˈe i te hoê omuaraa parau iti mai i te toru minuti niuhia i nia i te api 4, a faatere i te hoê aparauraa e te feia e faaroo ra mai te api 5 e tae atu i te upoo parau iti o te api 7. E hiˈopoahia te tahi atu mau tuhaa o te buka Organisés i te mau Putuputuraa no te taviniraa no a muri aˈe.

20 mn: “Te feia apî o te anaana maite nei mai te mau tiarama.”b A titau manihini i te feia apî ia faataa mai e mea nafea ratou i te neheneheraa e poro i te fare haapiiraa. E nehenehe e faanaho-oioi-hia hoê aore ra e piti faatiaraa.

Himene 107 e pure faaotiraa.

Hebedoma o te 23 no Tenuare

Himene 60

10 mn: Parau faaara. A taio i te tapura faufaa moni e te mau haamauruururaa no nia i te mau ô. Ma te faaohipa i te mau manaˈo tauturu i te api 8 o Ta tatou taviniraa i te Basileia no Titema 2005 aore ra te tahi atu faaiteraa e tano i ta outou tuhaa fenua, a faaite na roto i te hoê faahiˈoraa e nafea ia pûpû i te Tour de Garde o te 15 no Titema e te Réveillez-vous! o te 22 no Titema. Na te hoê taurearea e rave hoê o na faaiteraa.

15 mn: Te mau tuhaa apî o te Réveillez-vous! Oreroraa parau e aparauraa e te feia e faaroo ra. A faahiti i te mau tauiraa i faaarahia no te Réveillez-vous! i roto i Ta tatou taviniraa i te Basileia no Mati 2005, api 1, paratarafa 5 e 6. A faahiti i te tumu parau “À nos lecteurs,” i roto i te Réveillez-vous! no Tenuare 2006, api 3 e 4. A faaite i te mau hiˈoraa e mea nafea te ara-maite-raa o te taata taio e hutihia ˈi ma te ohie roa i nia i te Bibilia. A titau manihini i te feia e faaroo ra ia faaite i to ratou manaˈo no nia i te tumu parau apî i te api 31. E tamau tatou i te pûpû i na vea e piti Te Pare Tiairaa e te Réveillez-vous! i te tauaparauraa matamua. Parau mau, e vaiiho tatou hoê anaˈe vea o te numera taitahi o te Réveillez-vous! i te feia o ta tatou opereraa vea e i te feia atoa e rave tamau nei i ta tatou mau vea. Faahiˈoraa: faaiteraa o Te Pare Tiairaa o te 1 no Tenuare e o te Réveillez-vous! no Tenuare; a rave faahou mai i te mau manaˈo tauturu o te api 8 o Ta tatou taviniraa i te Basileia no Titema 2005 (mai te peu e e tano i te tuhaa fenua o ta outou amuiraa). E nehenehe outou e faaohipa i te tahi atu mau faaiteraa au noa. Te vai ra i roto i Ta tatou taviniraa i te Basileia nei te piti o te faaiteraa no te Réveillez-vous! no Tenuare. Tei nia ïa i te hoê o te tahi atu mau tumu parau. E nehenehe na faaiteraa e piti e faaohipahia i te roaraa o te avaˈe.

20 mn: “E faaite anaˈe i te anaanatae mau: ma te ui i te mau uiraa e ma te faaroo atu.”c A tauaparauhia ˈi te paratarafa 2, a ani i te feia e faaroo ra eaha te mau uiraa ta ratou i ite e mea maitai no te haamata i te mau aparauraa. A faaite na roto i te hoê faahiˈoraa e nafea ia haaparaparau i te hoê taata na roto i te faaohiparaa i te mau uiraa ma te aravihi e na roto i te faaroo-maite-raa ˈtu.

Himene 205 e pure faaotiraa.

Hebedoma o te 30 no Tenuare

Himene 197

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tenuare. A faaite eaha te mau papai e pûpûhia i Fepuare, e a rave i te hoê faahiˈoraa.

15 mn: Te mau faanahoraa î i te here no to tatou maitai. Vauvauhia e te hoê matahiapo. A taio e a aparau i te rata o te 3 no Tenuare 2006, ta te piha a te amaa i faatae i te mau amuiraa atoa, no nia i te mau ravea e fanaˈo ai ratou i te tauturu a te tomite tuatiraa e te fare maˈi (CLH na roto i te reo Farani) e te pǔpǔ farereiraa i te feia maˈi (GVM na roto i te reo Farani).

20 mn: “Te hoê video o te haamahitihiti i te hoê haereraa i mua i te pae rapaauraa.” A taio i te Ohipa 15:28, 29, e a haamahitihiti poto e te tumu rahi e patoi ai te mau Kerisetiano i te mau pâmuraa toto, no te auraro ïa i ta te Atua ture no nia i te moˈaraa o te toto. E a tauaparau i nia i te video Besoins et droits du patient, ma te faaohipa i te mau uiraa i roto i te tumu parau. A faaoti na roto i te taioraa i te paratarafa hopea.

Himene 45 e pure faaotiraa.

Hebedoma o te 6 no Fepuare

Himene 74

10 mn: Parau faaara.

25 mn: E haamatau anaˈe i ta tatou buka haapiiraa apî. Oreroraa parau e aparauraa e te feia e faaroo ra. A titau manihini i te feia e faaroo ra ia faataa mai i te mau tuhaa faufaa o te buka Bibilia haapii ta ratou i au, mai te mau uiraa faaomuaraa e te tumu parau tarenihia o te haamanaˈoraa o te haamahitihiti i te mau tuhaa faufaa o te pene taitahi (api 106, 114), te mau tauturu ite-mata-hia (api 122-3, 147, 198), e te tuhaa hau (api 197, par. 1-2). Mea mahanahana e te anaanatae te huru haapiiraa a te buka (api 12, par. 12). Te horoa ra te buka i te mau haamaramaramaraa ohie e te papu (api 58, par. 5) e te faaohipa ra i te mau taˈo faahohoˈaraa maitai (api 159, par. 12). Ua faaineinehia te omuaraa parau no te tauturu ia tatou ia haamata i te mau haapiiraa bibilia (api 3-7). A faaite na roto i te hoê faahiˈoraa e nafea ia faaohipa i te tumu parau tarenihia i te api 7 e te hoê piahi Bibilia apî. A faatia i te mau tupuraa oaoa a faaohipahia ˈi te buka apî.

10 mn: E hopoi mai te taviniraa pionie tauturu i te mau haamaitairaa. (Mas. 10:22) A titau manihini i te feia i tavini ei pionie tauturu i Mati e Eperera i mairi ia faatia e mea nafea ratou i te faanahoraa ia ratou no te rave i te taviniraa, e eaha te mau oaoaraa e haamaitairaa ta ratou i fanaˈo i te pae hopea. A faaitoito i te taatoaraa ia hiˈopoa na roto i te pure e nehenehe anei ratou e rave i te taviniraa pionie tauturu i te roaraa o te mau avaˈe Mati, Eperera e Me.

Himene 16 e pure faaotiraa.

[Nota i raro i te api]