Putuputuraa no te taviniraa

Hebedoma o te 10 no Mati

Himene 5

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Fepuare 2003 no te pûpû i te mau vea (Réveillez-vous! o te 22 no Fepuare e Te Pare Tiairaa o te 1 no Mati). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti.

15 mn: E haafaufaa anaˈe i te Annuaire 2003. Oreroraa parau e aparauraa e te feia e faaroo ra. A haamataratara i te “Rata a te Tino aratai” i roto i te api hau o teie nei Taviniraa i te Basileia e o te neneihia i roto i te Annuaire 2003, api 3-5. A ani i te tahi feia poro ia faatia i te tahi mau parau faataa e mau aamu tei faahitihia i roto i te Annuaire 2002 ta ratou i ite e mea faaitoito roa e o tei haapuai i to ratou faaroo. A faahiti i te tahi mau numera faahiahia o te tapura taviniraa o te ao atoa (a hiˈo i Te Pare Tiairaa o te 1 no Tenuare 2003, api 12-5). A faaitoito i te mau utuafare ia taio i te Annuaire taatoa i te roaraa o te matahiti. A faaite i te tahi mau ravea e faaohipa ˈi i te buka no te faaite i ta Iehova faanahonahoraa i te feia tae apî mai e no te faaitoito ia ratou ia haere i te mau putuputuraa.

20 mn: “E pee anaˈe i te mea maitai ma te itoito rahi.”a (Paratarafa 1-12) I muri aˈe i te hiˈopoaraa i te paratarafa 6, faahiˈoraa poto: e titau manihini te hoê taata poro i te hoê melo o to ˈna utuafare, te hoê taata tapiri, te hoê hoa haapiiraa aore ra hoa ohipa i te Oroa haamanaˈoraa maoti te parau titau-manihini-raa i neneihia. Mai te peu e aitâ i operehia, a horoa ˈtu i te mau parau titau-manihini-raa i neneihia i te feia poro ia oti te putuputuraa.

Himene 19 e pure faaotiraa.

Hebedoma o te 17 no Mati

Himene 34

10 mn: Parau faaara. Tapura faufaa moni.

15 mn: A maiti i to outou mau hoa ma te paari. Oreroraa parau a te hoê matahiapo niuhia i nia i te A ara mai na! o te 8 no Fepuare 1997, api 30, e te tuhaa “Te mau amuimuiraa iino” i te mau api 119 e 120 o te buka Haaferuriraa. A faaite e nafea te mau faaueraa tumu e au ai i te feia apî e te feia paari atoa. A haamahitihiti i te mau maitai ia maiti i to ˈna mau hoa i rotopu i te feia e here ra ia Iehova e o te faaite ra e te faaitoito ra ratou i te pee i ta ˈna mau ture aveia.

20 mn: “E pee anaˈe i te mea maitai ma te itoito rahi.”b (Paratarafa 13-26) Na te tiaau peretiteni e vauvau. Ia hiˈopoahia te paratarafa 14, faahiˈoraa poto: e haere te hoê matahiapo e faaitoito i te hoê taeae tino paruparu; e faataa maitai atu oia e nafea ia apiti i roto i te ohipa rahi a te amuiraa i te tau o te Oroa haamanaˈoraa.

Himene 53 e pure faaotiraa.

Hebedoma o te 24 no Mati

Himene 72

10 mn: Parau faaara. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Fepuare 2003 no te pûpû i te mau vea (La Tour de Garde o te 1 no Mati e te Réveillez-vous! o te 8 no Mati).

15 mn: Hinaaro o te amuiraa.

20 mn: Te mau Ite no Iehova: te hoê mana maitai i roto i te tuhaa oire. Oreroraa parau e aparauraa e te feia e faaroo ra. I te tahi taime, e anihia mai ia tatou ia faataa e nafea ta tatou taviniraa e to tatou hiˈoraa e mana maitai ai i roto i te tuhaa oire. A ani i te feia poro ia tatara mai i teie mau manaˈo: (1) Te haapii ra tatou i te taata ia faaohipa i te mau ture aveia bibilia i te pae morare. (2) Te faaitoito ra tatou i te haerea tia e te faatura i te mana faatere. (3) Te faaitoito ra tatou i te faatura te tahi i te tahi i rotopu i te mau nunaa, te mau aiˈa, e te mau pǔpǔ totiare. (4) Te tauturu ra tatou i to tatou taata-tupu ia haamaitai i to ratou oraraa utuafare ma te faaitoito ia ratou ia faaohipa i te mau faaueraa tumu bibilia. (5) Ua haapii tatou i te mau tausani taata ia taio e ia papai. (6) Te faaitoito ra tatou i te tauturu ia vetahi ê ia tupu te ati. (7) E tuhaa faufaa ta tatou i rave e ia faaturahia te mau tiamâraa i te pae faaroo ta te taatoaraa e fanaˈo ra.—A hiˈo i te buka Prédicateurs, api 699.

Himene 121 e pure faaotiraa.

Hebedoma o te 31 no Mati

Himene 130

12 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Mati. A faaite eaha te mau papai e pûpûhia i Eperera. A haamanaˈo i te mau manaˈo faufaa o te tumu parau ra “E faaohipa anaˈe i te buka Adorez Dieu no te faatere i te mau haapiiraa bibilia.” A haapoto i te mau manaˈo faufaa o te tumu parau tarenihia “Haamanaˈoraa no te Amuraa maa a te Fatu.”

13 mn: Te tahi mau tupuraa i farereihia e te tahi feia poro o te amuiraa. A ani i te feia i putuputu mai ia faatia i te tahi mau tupuraa ta ratou i farerei i te roaraa o te ohipa rahi i ravehia i Mati. A haapopou ia ratou no ta ratou mau tutavaraa e a faaitoito atu ia poro hope atu â ia au i to ratou huru tupuraa i Eperera.

20 mn: “Ia haamaitai-rahi-hia o Iehova.”c A haamahitihiti i te faufaaraa o te Oroa haamanaˈoraa. A faaite e nafea te taatoaraa e tia ˈi ia tauturu ia vetahi ê ia tae mai. A faataa eaha te rave no te farerei i te feia aita e poro faahou ra ia anaanatae faahou. A ani i te feia e faaroo ra ia faatia i te tahi mau tupuraa faaitoito i farereihia i te Oroa haamanaˈoraa o te matahiti i mahemo.

Himene 173 e pure faaotiraa.

Hebedoma o te 7 no Eperera

Himene 191

10 mn: Parau faaara.

15 mn: E nafea ia haaferuri i nia i te mau Papai. Aparauraa e te feia e faaroo ra. E nafea tatou e faaohipa ˈi i te aravihi i te haaferuri i roto i ta tatou taviniraa? (1) Ma te titau i te hoê ite papu i te mau Papai maoti te haapii-tamau-raa tatou iho e te tae-tamau-raa i te mau putuputuraa. (2) Ma te feruriruri i ta tatou e haapii ra, oia hoi ma te maimi i roto i te feruriraa i te pue parau mau i roto i te mau tuhaa rau. (3) Ma te imi eiaha noa i te mau tatararaa o te mau irava, oia atoa râ te mau tumu bibilia o te reira. (4) Ma te feruri e nafea ia faataa i te mau irava i te mau huru taata rau. (5) Ma te feruri e nafea ia faataa i te tahi mau manaˈo.

20 mn: “E nafea te parau mau e faatiamâ ˈi ia tatou.”d A faahiti atoa i te mau manaˈo o te tumu parau tarenihia i te api 6 o Te Pare Tiairaa o te 1 no Atopa 1998. A ani i te feia e faaroo ra ia faataa mea nafea to te pue parau mau o te Parau a te Atua faatiamâraa ia ratou.

Himene 217 e pure faaotiraa.

[Nota i raro i te api]