Putuputuraa no te taviniraa

Hebedoma o te 9 no Titema

Himene 193

12 mn: Mau parau faaara. Mau parau e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Novema 2002 no te pûpû i te mau vea (Te Pare Tiairaa o te 15 no Novema e te Réveillez-vous! o te 22 no Novema).

15 mn: “E faaite anaˈe i te poroi o te Basileia.”a A hiˈopoahia ˈi te paratarafa 3, a horoa i te tahi mau manaˈo tauturu e nafea ia taio roa ˈtu i roto i te Bibilia i te hoê irava ia poro tatou i te parau apî maitai.—km 12/01 api 1 par. 3.

18 mn: Ia tupu te mau ohipa maitatai ia tatou. Oreroraa parau ma te apitihia mai e te feia e faaroo ra. Tuhaa vauvauhia e te hoê matahiapo. A haamanaˈo i te tupuraa o te amuiraa, te mau tutavaraa o tei aratai i to ˈna haamauraahia e tae noa ˈtu i ta ˈna mau maraaraa. A ani aˈena i te tahi mau taeae e mau tuahine o tei ora i taua tau ra ia faaineine i te tahi mau tupuraa faaitoito. A haamanaˈo i te mau tuhaa o te maraaraa i mua nei e a faaitoito i te mau taata atoa e faaroo ra ia turu ma te itoito rahi i te mau ohipa a te amuiraa.

Himene 119 e pure faaotiraa.

Hebedoma o te 16 no Titema

Himene 29

10 mn: Mau parau faaara. Tapura faufaa moni. A faaite i te mau faanahoraa taa ê i faaineinehia no te pororaa i te 25 no Titema e i te 1 no Tenuare.

15 mn: E ite te feia paari. (Dan. 12:3, 10) Faahiˈoraa. E ui te hoê taata e anaanatae ra i te parau mau: “E nafea e papu ai e tei ia outou ra te ite-maitai-raa o te mau haapiiraa o te Bibilia?” E tatara te taata poro e nafea ia faaohipa i te tuatapaparaa ia au i te tumu parau ia rave tatou i te mau maimiraa i roto i te Bibilia. (w96 15/5 api 19-20) Na roto i te faaohiparaa hoê aore ra e piti faahiˈoraa no roto mai i te buka Haaferuriraa, api 135-40, e faaite o ˈna mea nafea to tatou taaraa i te opuaraa a te Atua no nia i te fenua na roto i te hiˈopoa-maite-raa i te mau irava o te mau Papai. E faataa te taata poro e nafea ia faaohipa i tera noâ raveraa no te taa i te tahi atu mau haapiiraa bibilia, e e pûpû atu o ˈna i te hoê haapiiraa.

20 mn: “Eiaha e moe ia tatou to tatou mau hoa ruhiruhia taiva ore noa.”b A faahiti atoa i te tahi mau manaˈo o Te Pare Tiairaa o te 1 no Atete 1994, api 29. A haamanaˈo i te faanahoraa oia hoi e nehenehe te feia poro tino paruparu e tapao 15 minuti pororaa. E ani-aˈena-hia i te tahi mau taeae e tuahine ia faatia i te mau tupuraa e faaite ra e nafea ratou e te mau taeae e tuahine ruhiruhia e faaitoito ai te tahi i te tahi.

Himene 154 e pure faaotiraa.

Hebedoma o te 23 no Titema

Himene 148

10 mn: Mau parau faaara. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Novema 2002 no te pûpû i te mau vea (Te Pare Tiairaa o te 1 no Titema e te Réveillez-vous! o te 8 no Titema).

15 mn: Mau hinaaro o te amuiraa.

20 mn: “Te turu ra anei outou i te tanoraa o te tapura taviniraa?”c A hiˈopoahia ˈi te paratarafa 2, a faahiti atoa i te tahi mau manaˈo o te buka Notre ministère, api 106-8.

Himene 165 e pure faaotiraa.

Hebedoma o te 30 no Titema

Himene 152

Faaararaa: Eiaha te mau amuiraa e faanuu mai i te mahana o te Putuputuraa no te taviniraa o te hebedoma o te 30 no Titema, taa ê noa ˈtu ia tere atu te tiaau haaati. I roto i te mau amuiraa atoa, e mea tia ia hiˈopoahia te api hau no nia i te tairururaa mataeinaa i te Putuputuraa no te taviniraa mai tei faanahohia e teie porotarama.

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Titema. Mai te peu e e taui te mau hora putuputuraa no te matahiti apî, a faaitoito ma te maitai i te mau taeae e te mau tuahine ia apiti tamau i te mau hora putuputuraa apî. No te mau buka e pûpûhia i Tenuare, a haapapu i te tapura o te mau buka e vai ra i roto i te amuiraa.

15 mn: Te mau manaˈo faahiahia o te buka Adorez Dieu. Oreroraa parau e aparauraa e te feia e faaroo ra. A faataa e ua faanahohia tera buka apî mai te piti o te buka haapiiraa. (km 6/00 api 4 par. 5-6) A ani i te mau taata e faaroo ra ia faataa eaha te mau tuhaa o tera buka ta ratou e au. A haamanaˈo e te vai ra te mau uiraa e te mau irava bibilia faahororaa i roto i te tahi mau tuhaa o te buka, o te titau i te taata haapii ia hiˈopoa ma te hohonu i te Parau a te Atua. A tatara i te hiˈoraa e vai ra i te api 47-8, paratarafa 13.

20 mn: “‘A faahanahana i te Atua’—tairururaa mataeinaa 2003 a te mau Ite no Iehova.”d Tuhaa vauvauhia e te papai parau, o te haafaufaa iho â râ i te mau paratarafa 3-7. Hou a hiˈopoa ˈi i te api hau, e taio oia i te rata o te 15 no Titema 2002 e faaara ra i teihea tairururaa e titau-manihini-hia ˈi te amuiraa. A hiˈopoahia ˈi te paratarafa 7, a haamahitihiti i te tuhaa a te papai parau ei taata faanaho i te tairururaa no te amuiraa. A faaitoito i te mau taeae e tuahine ia rave i te mau faanahoraa i te neheneheraa iho â no te haere i te tairururaa.

Himene 147 e pure faaotiraa.

Hebedoma o te 6 no Tenuare

Himene 67

13 mn: Mau parau faaara.

15 mn: Te tauturu no te auraro i te ture a te Atua no nia i te toto. Oreroraa parau vauvauhia e te hoê matahiapo aravihi, niuhia i nia i te tino parau ta te amaa e horoa ˈtu. Ia navai maitai ta te papai parau mau api parau i muri nei e tia ˈi: te tareta Attestation prévisionnelle, Document d’identité médical. E tuuhia teie mau api parau i te feia poro i muri aˈe i te putuputuraa, EIAHA râ e faaî i teie po. E nehenehe e tuu i te rima e te taio mahana i nia i te tareta i te haapiiraa buka i mua nei, ma te tauturu a te tiaau no te haapiiraa buka ia hinaarohia. [E tuuhia te mau Documents d’identité médicaux i te mau metua no ta ratou mau tamarii.] E nehenehe te feia poro bapetizo-ore-hia e papai i ta ratou iho mau faaueraa no ratou iho e no ta ratou mau tamarii ma te faatano i te mau parau i to ratou iho tupuraa e ta ratou mau tiaturiraa.

17 mn: “Te pûpû ra anei outou i te haapiiraa bibilia?”e A faatia i te mau tupuraa i maitihia e faaite ra e e nehenehe tatou e haamata i te mau haapiiraa bibilia i te farereiraa matamua aore ra i te farerei-faahou-raa.

Himene 79 e pure faaotiraa.

[Nota i raro i te api]