E nafea ia pûpû i te mau vea

Te Pare Tiairaa 15 no Atete

“I to oe manaˈo, eaha te huru taiva ore teitei roa ˈˈe? [A vaiiho i te taata ia pahono.] Te haamatara nei teie tumu parau i te faufaaraa o te taiva ore i te Atua mau. [A heheu i te vea i te api 5 e a taio i te Samuela 2, 22:26.] Ua ite anei oe e e nehenehe te taiva ore i te Atua e faaitoito i te mau taata ia ore e ohipa ma te etaeta i nia i te tahi atu? Ua papu ia ˈu e e anaanatae oe i te taio i teie vea.”

Réveillez-vous! 22 no Atete

“Te haapeapea ra anei oe i te iteraa i te aano vî ore o te haaviiviiraa? [A vaiiho i te taata ia pahono.] Te tumu rahi o teie fifi, o te haamâuˈaraa ïa. Ua haapii o Iesu i ta ˈna mau pǐpǐ eiaha e haamâuˈa. [A taio i te Ioane 6:12.] Te faaite ra teie vea e nafea te mau faaueraa tumu bibilia e tauturu ai i te mau utuafare ia ape i tera peu e haamâuˈa noa.”

Te Pare Tiairaa 1 no Tetepa

“Ua tapao anei oe e i te mau vahi e rave rahi aita te mau taata tapiri e matau faahou nei te tahi i te tahi mai mutaa iho? [A vaiiho i te taata ia pahono.] Ua faahiti o Iesu i te hoê faaueraa tumu faufaa no te riro ei taata tapiri maitai. [A taio i te Mataio 7:12.] Te faaite ra teie mau tumu parau e nafea tatou e riro ai ei taata tapiri maitai e e tauturu ai i te tahi atu ia na reira atoa.”

Réveillez-vous! 8 no Tetepa

“No te taata e rave rahi i teie mahana, ua î te oraraa i te papu ore. [A taio i te Koheleta 9:11.] Ihea e itehia ˈi te hoê aratai papu? [A vaiiho i te taata ia pahono.] Te faaohipa nei vetahi i te peu hiˈohiˈo parauhia te numérologie. O te ravea anei e ite ai oe i to oe oraraa faataahia? Ihea e itehia ˈi te mau haamaramaramaraa papu no nia i te tau no a muri aˈe? Te pahono nei te Réveillez-vous! i teie mau uiraa.”