Putuputuraa no te taviniraa

Hebedoma o te 12 no Atete

Himene 76

13 mn: Mau parau faaara. Mau parau faaite e tano i Ta tatou taviniraa i te Basileia. A faaite i te mau faanahoraa i ravehia no te pororaa i te 15 no Atete. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Tiurai 2002 no te pûpû i te mau vea (Te Pare Tiairaa o te 15 no Tiurai e te Réveillez-vous! o te 22 no Tiurai). I roto i na faahiˈoraa taitahi, a faaô mai i te tahi ravea ê atu no te pahono i te patoiraa: “No te aha outou e hoˈi pinepine mai ai?”—A hiˈo i te buka Haaferuriraa, api 20.

20 mn: “E haamau anaˈe i te tahi mau fa pae varua.”a A hiˈopoahia ˈi te paratarafa 5, a faaô mai i te tahi mau parau faaitoitoraa i te taviniraa pionie tamau, te taviniraa mitionare e te taviniraa i te Betela, no roto mai i te buka Notre ministère, api 114-6.

12 mn: Mau aamu rii mau a te feia poro o te amuiraa. A titau manihini i te feia i putuputu mai ia faatia i te tahi mau tupuraa mau i te pûpûraahia te api parau E hinaaro anei outou e ite hau atu â no nia i te Bibilia? Ua haamatahia anei te tahi mau haapiiraa bibilia? Mai te peu e e, a faataa mai mea nafea aore ra a faanaho hoê aore ra e piti faahiˈoraa ma te hauti faahou mai i taua mau aamu rii ra. A hiˈo faahou i te tumu parau tarenihia “Mau taime maitatai no te opere i te api parau” i te api 4 o Ta tatou taviniraa i te Basileia no Novema 2001.

Himene 123 e pure faaotiraa.

Hebedoma o te 19 no Atete

Himene 182

12 mn: Mau parau faaara. Tapura faufaa moni. Aparauraa i nia i te tumu parau “Mahana tairururaa taa ê: te porotarama apî.” A faaite i te taio mahana o te mahana tairururaa taa ê i mua nei, e a onoono i nia i te faufaaraa ia tae oioi mai e ia faaroo maite i te taatoaraa o te porotarama. A faaitoito i te feia poro ia titau manihini i te mau taata i anaanatae apî mai i te poroi e te feia e haapii aˈena ra i te Bibilia.

15 mn: Na te aha e tapea ia ratou? Aparauraa e te feia e faaroo ra e faahiˈoraa. I roto i ta tatou taviniraa, te farerei pinepine nei tatou i te taata o te taiâ i te paraparau no nia i ta ratou mau tiaturiraa. E nehenehe te reira e haafifi ia tatou ia faaite i te poroi o te Basileia. Mai te peu e e haroaroa tatou na te aha e tapea i te hoê taata ia paraparau mai, e itea paha ia tatou te mau parau o te turai ia ˈna ia horoa mai i to ˈna manaˈo. A aparau e nafea ia faatano i ta tatou faaiteraa ia farerei tatou i te huru taata i muri nei: (1) Tei tâuˈa ore i te haapaoraa, i ta ratou iho atoa. (2) Tei poihere i te mau peu faaroo a to ratou fetii aore ra i te mau peu a te mau tupuna. (3) Tei au ore ia paraparau no nia i ta ratou mau tiaturiraa no te mea aita i noaa ia ratou te ite bibilia i hinaarohia no te tauaparau. (4) E manaˈo oti noa to ratou no nia ia tatou no te mau pariraa haavare e afaifaihia ra e te feia e patoi ra ia tatou. A faatano i teie tapura i te tupuraa o te tuhaa fenua a ta outou amuiraa ma te haamau i to outou feruriraa i nia i te huru o te taata e ite-pinepine-hia ra. A faanaho i te hoê faahiˈoraa poto o te faaite e nafea ia aratai i te hoê taata e taiâ ra ia apiti i roto i te hoê aparauraa bibilia.

18 mn: “E tamatahia te taiva ore Kerisetiano ia tiavaruhia te hoê fetii.”b (Paratarafa 1-8) Aparauraa maoti te mau uiraa i horoahia, faaterehia e te hoê matahiapo aravihi mau. Na te hoê taeae ite maitai i te taio e taio i te mau paratarafa atoa.

Himene 136 e pure faaotiraa.

Hebedoma o te 26 no Atete

Himene 189

10 mn: Mau parau faaara. Faahiˈoraa: ma te rave faahou mai i te mau manaˈo tauturu o te api 4 o Ta tatou taviniraa i te Basileia no Tiurai 2002, e faaite te hoê pionie tamau aore ra tauturu e nafea ia pûpû i Te Pare Tiairaa o te 1 no Atete, e e pûpû te hoê taata poro i te Réveillez-vous! o te 8 no Atete. A faaitoito i te feia poro atoa ia faaô i te hoê irava bibilia i roto i ta ratou faaiteraa.

17 mn: “Ia ite outou i te paraparau!”c Ei faahoperaa, a faaitoito i te feia poro ia hiˈo faahou i te pene ra “Comment améliorer vos conversations” i roto i te buka Tirez profit de l’École du ministère théocratique, api 62-5 (“Te mau aparauraa o te faaitoito” i roto i te Buka no te Haapiiraa o te taviniraa teotaratia, api 78-84).

18 mn: “E tamatahia te taiva ore Kerisetiano ia tiavaruhia te hoê fetii.”d (Paratarafa 9-14) Aparauraa maoti te mau uiraa i horoahia, faaterehia e te hoê matahiapo aravihi mau. Na te hoê taeae ite maitai i te taio e taio i te mau paratarafa atoa.

Himene 125 e pure faaotiraa.

Hebedoma o te 2 no Tetepa

Himene 84

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Atete. A haamataratara poto noa i te tahi mau manaˈo faufaa o te tumu parau “A taio e ta outou mau tamarii” neneihia i roto i Te Pare Tiairaa o te 1 no Me 1999, api 25.

20 mn: A faaineine ia outou hou a haere atu ai. Aparauraa e faahiˈoraa. E manuïa te taviniraa maoti te faaineineraa maitai. A haapao maite na mua ïa i te mau manaˈo i muri nei: (1) A rave mai i te mau papai e hinaarohia. (2) Ia navai maitai ta outou mau api parau tapaopaoraa i tera fare i tera fare e a afai atu i te hoê penitara. (3) Mai te peu e e hinaaro outou i te hoê faurao, a rave i te tahi mau faanahoraa no te reira. (4) A hiˈo i te mau farerei-faahou-raa ta outou e rave. (5) A feruri i te mea ta outou e parau. Mai te peu e e tia ia outou ia faatere i te putuputuraa no te pororaa, ia navai maitai te tuhaa fenua. A aparau e te feia e faaroo ra i nia e piti aore ra e toru ravea no te pûpû i te buka Création i Tetepa. A faanaho i te hoê faahiˈoraa ma te rave faahou mai hoê o taua mau faaiteraa ra ma te faaô mai i te hoê irava bibilia i roto i te aparauraa.—A hiˈo i te mau manaˈo tauturu i horoahia i roto i Ta tatou taviniraa i te Basileia no Tetepa 1996, api 8, e no Tiunu 1995, api 4.

15 mn: Mau hinaaro o te amuiraa. Aore ra a titau manihini i te amuiraa ia faatia mai i te tahi mau aamu rii mau i roto i te pororaa faanaho-ore-hia, ei hiˈoraa na roto i te paraparauraa no nia i te parau apî maitai i te hoê vahi tapearaa pereoo, i nia i te mau pereoo faauta taata, i roto i te hoê aua, i te hoê vahi hoohooraa rahi, i te hoê vahi tapaeraa pereoo mataeinaa, aore ra i te tahi atu mau vahi taata. A faanaho hoê aore ra e piti faahiˈoraa ma te hauti faahou mai i taua mau tupuraa ra.

Himene 99 e pure faaotiraa.

[Nota i raro i te api]