Putuputuraa no te taviniraa

Hebedoma o te 8 no Eperera

Himene 39

13 mn: Mau parau faaara. Mau parau faaite e tano i Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Mati 2002 no te pûpû i te mau vea (Te Pare Tiairaa o te 15 no Mati e te Réveillez-vous! o te 22 no Mati). I roto i na faahiˈoraa taitahi, a faaô mai i te tahi ravea taa ê no te pahono i te patoiraa ra “E haapaoraa iho â ta ˈu.”—A hiˈo i te buka Haaferuriraa, mau api 17-9.

12 mn: Mau hinaaro o te amuiraa.

20 mn: “E hamani maitai tatou i te taata atoa.”a I muri aˈe i te hiˈopoaraa ma te mau uiraa e te mau pahonoraa, a uiui hoê aore ra e piti feia poro o te faataa mai nafea raua e faarahi ai i ta raua taviniraa.

Himene 157 e pure faaotiraa.

Hebedoma o te 15 no Eperera

Himene 101

10 mn: Mau parau faaara. Tapura faufaa moni.

15 mn: Te tamau noa ra te mau pionie i te tauturu ia vetahi ê. E aratai te tiaau no te taviniraa i te hoê aparauraa e te hoê tiaau no te haapiiraa buka, te hoê pionie e te hoê taata poro. E haamanaˈo oia eaha te porotarama ra “Te tauturu nei te mau pionie ia vetahi ê” tei faataahia i roto i Ta tatou taviniraa i te Basileia no Tetepa 1998, api 4. E aparau atu ai oia e te taata taitahi no nia i ta ˈna tuhaa i roto i taua porotarama ra e nafea ta ˈna ohipa e tauturu ai e ia naeahia te fa o taua faanahoraa ra. Eaha tei ravehia ia manuïa te reira? E titau manihini te tiaau no te taviniraa i te feia poro atoa ia farerei ia ˈna ia hinaaro ratou e fanaˈo i te hoê tauturu i roto i te taviniraa. E nehenehe te feia i fanaˈo aˈena i taua faanahoraa ra e fanaˈo faahou i te reira no te haamataro ia ratou i roto i te tahi atu â tuhaa o te taviniraa.

20 mn: “Te mau oaoa o te taviniraa taime taatoa.”b A faaitoito i te feia apî ia faaî i te tahi mau api parau aniraa no te taviniraa pionie tauturu no te mau avaˈe i mua.

Himene 199 e pure faaotiraa.

Hebedoma o te 22 no Eperera

Himene 90

10 mn: Mau parau faaara. A haamanaˈo i te mau faanahoraa i ravehia no te pororaa i te 1 no Me, mahana faaearaa ohipa. Mau faahiˈoraa ma te rave faahou mai i te mau manaˈo tauturu o te api 8 o Ta tatou taviniraa i te Basileia no Mati 2002, e faaite te hoê tavini taururu e nafea ia pûpû i Te Pare Tiairaa o te 1 no Eperera, e e pûpû te hoê tuahine i te Réveillez-vous! o te 8 no Eperera. I muri aˈe i na faahiˈoraa taitahi, a haamanaˈo i te aore ra i na pereota matamua e piti o tei faaara i te anaanatae o te taata.

15 mn: E tae anaˈe mai i te hora tia! Oreroraa parau. Mea faufaa te mau ohipa i taaihia i ta tatou haamoriraa e i te taviniraa, e titauhia ia faanaho tatou i te “taime.” (Koh. 3:1) Te hinaaro nei tatou e faahoona maitai i te mau faanahoraa teotaratia. E tia ia haamata te mau putuputuraa o te amuiraa e tei faanahohia no te pororaa i te hora tia. Aita roa Iehova i maoro aˈe i roto i ta ˈna mau ohipa. (Hab. 2:3) E tia anei ia tatou ia haamaitai i taua tuhaa ra? E maoro paha tatou no te tahi mau mea manaˈo-ore-hia. Teie râ, maoti te hoê faanahonahoraa maitai, e nehenehe tatou e ape i te riro ei taata maoro tamau o te tae mai i muri aˈe i te himene e te pure aore ra i te hopea o te putuputuraa no te taviniraa. A faahiti i te tahi mau ravea e au ia faaohipahia no te atuatu i te tahi mau peu mataro maitai aˈe ia nehenehe tatou e tae mai i te hora tia i ta tatou mau ohipa pae varua atoa.—A hiˈo La Tour de Garde o te 15 no Tiunu 1990, api 29.

20 mn: “Te tautururaa i te feia apî maoti te haapiiraa e tano.”c A ani i te feia e faaroo ra ia faataa nafea te mau mauhaa i faanahohia no te tauturu i te feia apî e riro ai ei mea manuïa e te maitatai.

Himene 191 e pure faaotiraa.

Hebedoma o te 29 no Eperera

Himene 162

10 mn: Mau parau faaara. A faaite i te mau faanahoraa i ravehia no te pororaa i te 8 e te 9 no Me, mau mahana faaearaa ohipa. A haamanaˈo i te feia poro ia faahoˈi mai i ta ratou tapura taviniraa no Eperera.

15 mn: “E faaora te pororaa i te taata.”d A ani i te feia e faaroo ra ia faataa mai nafea te mau irava i horoahia e au ai i te tumu parau.

20 mn: E nafea ia rave i te mau maimiraa maoti te buka Haaferuriraa. Aparauraa e te feia e faaroo ra. E pinepine tatou i te uihia i nia i te tahi mau tumu parau aita i papaihia i roto i te “Tapura tumu parau” (api 5) o te buka Haaferuriraa. E au roa ia faaohipahia te “Tapura faahororaa” (mau api 439-45) ia itea mai te tahi mau manaˈo bibilia e paturu ra i ta tatou mau tiaturiraa. A titau manihini i te feia i putuputu mai ia maimi e o outou i te tahi mau pahonoraa i te mau uiraa i muri nei, ma te hiˈo i te tapura faahororaa i te mau omuaraa e tuati ra i te mau taˈo papai-faaopa-hia: Eaha te manaˈo o te Kerisetiano i te mau reva e te mau himene here aiˈa? No te aha te Atua e faatia ˈi i te mau ati? Eaha te manaˈo bibilia no nia i te faataaraa? No te aha e afea e tia ˈi i te mau tuahine ia tapoˈi i to ratou upoo? Nohea mai te oroa o te mau mama? Nafea tatou e ite ai e auraa pae tino te numera 144 000 i roto i te Bibilia? Eaha te auraa o te parabole o te taata taoˈa rahi e o Lazaro? A faaitoito i te taata taitahi ia faaohipa i te buka Haaferuriraa i roto i te taviniraa.

Himene 28 e pure faaotiraa.

Hebedoma o te 6 no Me

Himene 141

10 mn: Mau parau faaara. A hiˈopoa i te tumu parau ra “E tamau anaˈe i te haafaufaa i Te Pare Tiairaa e te Réveillez-vous!”

10 mn: E rave anaˈe i te tahi mau opuaraa no te mau avaˈe Tiurai e Atete. Oreroraa parau e aparauraa e te feia e faaroo ra. A faahiti i te mau ohipa e faanaho-noa-hia i te mau avaˈe Tiurai e Atete: te taeraa mai i te mau rururaa atoa o te tairururaa mataeinaa, te riroraa ei pionie tauturu hoê avaˈe aore ra hau atu, te raveraa i te ohipa i te fare, e te revaraa paha no te tau faafaaearaa aore ra te faaanaanataeraa. A titau manihini i te tahi mau taata poro ia paraparau no nia i ta ratou mau opuaraa no te mau avaˈe Tiurai e Atete e eaha ta ratou e rave ia ore ratou e haamoe i ta ratou haapiiraa ei utuafare, te mau putuputuraa e te pororaa, noa ˈtu e e reva ratou i te fenua ê. Mai te peu e te vai ra ta te amuiraa mau tuhaa fenua e poro-varavara-hia ra, a faaite i te mau faanahoraa i ravehia ia poro-roa-hia ˈtu. A haamanaˈo i te feia poro i te faufaaraa ia faahoˈi mai ma te ore e haamarirau i ta ratou tapura pororaa i te tiaau no te haapiiraa buka, ia haere mai anei ratou i te putuputuraa aore ra ia tere atu ratou.

25 mn: “Mau utuafare puai i te pae varua: nafea?”e I muri aˈe i te hiˈopoaraa i te tumu parau, a faahiti i te tahi mau hiˈoraa e au ia faaohipahia no roto mai i Te Pare Tiairaa o te 15 no Fepuare 1999, mau api 10-2.

Himene 17 e pure faaotiraa.

[Nota i raro i te api]