Te tautururaa i te feia apî maoti te haapiiraa e tano
1 I te roaraa o te mau matahiti 1970, ua nenei te mau Ite no Iehova e toru atu â buka o tei haaputapû i te mafatu o te mau hanere tausani feia apî: Faaroo i te Orometua rahi, Votre jeunesse—Comment en tirer le meilleur parti e Ta ˈu Buka Aamu Bibilia. I te matahiti 1982 i haamata ˈi te tuhaa ra “Les jeunes s’interrogent . . .” i te mahiti i roto i te Réveillez-vous! Ua faaara teie mau tumu parau i te anaanatae o te feia apî e o te mau ruhiruhia. “I te mau po atoa, e haamauruuru vau i te Atua no to ˈna raveraa e ia neneihia te reira,” ta te hoê ïa potii 14 matahiti i parau. Teie ta te tahi atu potii 13 matahiti i parau: “Mea au roa na ˈu tera mau tumu parau; e au ra e e tae mai te reira i te taime tia.” Te tu atoa ra te manaˈo o te mau metua e o te mau matahiapo e mea tano e e mea faufaa teie tuhaa.
2 I te matahiti 1989, fatata e 200 tumu parau “Les jeunes s’interrogent . . .” tei mahiti i roto i te Réveillez-vous! I taua matahiti ra, i te tairururaa mataeinaa “Te paieti,” ua mahiti mai te buka ra Les jeunes s’interrogent—Réponses pratiques. Ua tauturu anei teie buka i te feia apî ia mau papu i roto i te faaroo? E toru o ratou tei papai e: “E turu faahiahia roa tera buka; e haapii mai te reira ia taa ia matou to matou mau fifi e ia faaruru atu. Mauruuru no to outou haapaoraa mai i to matou maitai.” Tera atoa te manaˈo o te feia taio apî e rave rahi i te ao nei.
3 “Ua mâha to mâua poia”: I te matahiti 1999, ua horoa faahou te mau Ite no Iehova i te tahi haapiiraa e tano i te mau hinaaro no taua taime ra, na roto ïa i te ripene video Beretane ra Les jeunes s’interrogent . . . Comment me faire de vrais amis? Ua faaara te reira i te hoê anaanatae rahi. Teie ta te hoê potii 14 matahiti i parau: “Ua putapû roa vau i teie ripene.” “E riro teie video ei tuhaa tamau o ta matou maa pae varua,” o ta te hoê ïa mama taa noa i parau. “Mea mahanahana mau â ia ite e te here ra to tatou Hoa rahi, o Iehova, i te feia apî o ta ˈna faanahonahoraa nunaa rau e te haapao mau ra oia ia ratou,” o ta te hoê ïa vahine faaipoipo apî i parau.
4 Eaha ta tera video i hopoi mai? Te na ô ra te tahi feia apî e: “Ua tauturu te reira ia ˈu ia ara i to ˈu mau hoa, ia mahora i roto i te amuiraa e ia faariro ia Iehova ei Hoa no ˈu.” “Ua tauturu te reira ia ˈu ia patoi i te mana o to ˈu mau hoa.” “Ua haapapu te reira i ta ˈu faaotiraa e tavini maitai roa ino ia Iehova.” Ua papai atoa nau hoa faaipoipo e: “Mauruuru roa no te horoaraa mai i teie ‘maa.’ Ua mâha to mâua poia.”
5 Ia au i ta ˈna ohipa i faauehia e te Atua, te horoa maira te pǔpǔ faatavaihia o “te tavini haapao maitai e te paari” i te maa varua i te taime tia na te feia atoa e farii atu. Auê te oaoa ia hiˈo tatou e te tauturu ra tera haapiiraa bibilia i te feia apî i teie mahana ia ‘mau maite ma te nehenehe e te [tiaturi papu] i te mau hinaaro atoa o te Atua ra’!—Kol. 4:12; MN.
6 Te tauturu na te feia apî: E hinaaro rahi to te mau Ite no Iehova e tauturu i te feia apî ia ape i te mau fifi e e faaite ia ratou nafea ia faaruru maitai aˈe i te mau fifi ta ratou e ore e nehenehe e ape. E no reira, i te roaraa o te mau matahiti, ua nenei ratou i te tahi mau papai no te haapao i te mau hinaaro o te feia apî, mai te faito matahiti tamahou e haere roa i te taurearearaa. Te vai ra nau buka ra Ta ˈu Buka Aamu Bibilia e Les jeunes s’interrogent—Réponses pratiques e te ripene video ra Les jeunes s’interrogent . . . Comment me faire de vrais amis?—Na roto noa i te reo Beretane i teie taime.