Putuputuraa no te taviniraa

Hebedoma o te 14 no Tenuare

Himene 3

10 mn: Mau parau faaara. Mau parau faaite e tano i Ta tatou taviniraa i te Basileia.

25 mn: E haafaufaa anaˈe i te mau faanahoraa hamani maitai. Oreroraa parau na te hoê matahiapo aravihi no nia i te mau faanahoraa i ravehia no te tauturu atu ia ravehia te tahi mau faaotiraa i te pae rapaauraa, mai te mau tareta faaueraa e te “Mau uiraa a te feia taio” i roto i Te Pare Tiairaa o te 15 no Tiunu 2000 e o te 15 no Atopa 2000. Ia navai maitai ta te amuiraa “Attestation prévisionnelle.” E horoahia ˈtu teie tareta i te feia poro bapetizohia i muri aˈe i te putuputuraa o teie ahiahi, EIAHA râ e faaî i te reira i teie ahiahi. E tuu te taata iho i to ˈna rima e te taio mahana i nia i te tareta i te hopea o te haapiiraa buka i mua nei, ma te tauturu a te taeae faatere i te haapiiraa buka mai te peu e e hinaarohia. E nehenehe te feia poro bapetizo-ore-hia e papai i ta ratou iho mau faaueraa no ratou e no ta ratou mau tamarii, ma te faatano i te mau parau o taua mau tareta ra i to ratou iho tupuraa e ta ratou mau tiaturiraa. A haapapu e e haerea paari ia rave oioi i te mau faaotiraa i te pae rapaauraa niuhia i nia i to ratou manaˈo haava haapiihia ia au i te Bibilia. (Mas. 27:12; 14:15) Mea faufaa roa ia aparau oioi e te pǔpǔ rapaau ma te faataa maitai eaha te mau ravea rapaauraa e eaha te mau raau e fariihia. Mea titauhia ia haapii maite tatou taitahi no te rave i te mau faaotiraa e tano. A taio i te mau paratarafa e tano o te mau tumu parau o Te Pare Tiairaa i faahitihia ˈtu. Ua ineine te mau matahiapo i te tauturu atu, eiaha râ i te rave i te faaotiraa no vetahi ê. A faaite i te mau ravea no te faataa i te mau parau haamaramaramaraa papaihia o ta ratou mau faaotiraa.

10 mn: “Nafea ia pûpû i te mau vea.” Faahiˈoraa: pûpûraa i Te Pare Tiairaa o te 15 no Titema e o te Réveillez-vous! o te 22 no Titema. (A hiˈo i Ta tatou taviniraa i te Basileia no Titema 2001, api 8.) A faaitoito i te feia poro atoa ia apiti mai i te mahana opereraa vea.

Himene 55 e pure faaotiraa.

Hebedoma o te 21 no Tenuare

Himene 104

10 mn: Mau parau faaara. Tapura faufaa moni. A haapoto i te tumu parau ‘A vaiiho i te tahi pae moni.’

13 mn: Te hiˈopoa ra anei outou i te mau Papai i te mau mahana atoa? Aparauraa e te utuafare. Ia faufaa ˈtu â te aparauraa i nia i te irava i te mau mahana atoa, e hiˈo faahou te utuafare i Te Pare Tiairaa o te 15 no Titema 1996, api 18, mau par. 13-14. A haamanaˈo poto e piti aore ra e toru irava i hiˈopoahia aita i maoro aˈenei, e a faataa nafea te mau manaˈo i tauaparauhia i riro taa ê ai ei mea faufaa. A haapapu e e tia i teie faanahoraa ia ô atoa i roto i te porotarama haapiiraa bibilia tamau a te utuafare ia haa noa te taatoaraa i te pae varua.

22 mn: “E tamau noa anaˈe i te tuu i te Basileia i te parahiraa matamua.”a A faahiti atoa i te tahi mau uiraa no nia i te mau manaˈo faufaa o Te Pare Tiairaa o te 1 no Tetepa 1998, mau api 19-21.

Himene 168 e pure faaotiraa.

Hebedoma o te 28 no Tenuare

Himene 196

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Tenuare. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Titema 2001, no te pûpû poto noa i te mau vea (Te Pare Tiairaa o te 1 no Tenuare e te Réveillez-vous! o te 8 no Tenuare). A faahiti i te mau buka e pûpûhia i te avaˈe Fepuare ma te faataa maitai eaha te mau buka e vai ra i roto i te amuiraa.

20 mn: “E te mau metua, a haapii i ta outou mau tamarii i to ratou tamarii-rii-raa mai â.”b A faahiti atoa i te tahi mau manaˈo o Te Pare Tiairaa o te 15 no Eperera 1998, api 32. A ani i te tahi mau metua ia faatia mai i te mau faahopearaa maitatai ta ratou i fanaˈo na roto i te haapiiraa i ta ratou mau tamarii i te pae varua mai to ratou tamarii-rii-raa mai â.

15 mn: Mau hinaaro o te amuiraa. A ani i te tahi mau taata poro ia faatia mai i te mau tupuraa ta ratou i farerei i roto i te pororaa i to ratou faaohiparaa i te buka Haaferuriraa, i to ratou pûpûraa i te hoê buka rairai o te pahono maitai ra i te uiraa a te hoê taata, aore ra i to ratou taioraa i te hoê manaˈo bibilia tamǎrû i roto i te buka rairai Ia pohe tei herehia e outou na. E nehenehe atoa outou e hauti faahou hoê aore ra e piti o tera mau tupuraa.

Himene 202 e pure faaotiraa.

Hebedoma o te 4 no Fepuare

Himene 212

8 mn: Mau parau faaara.

17 mn: “Eaha hoi ratou e tia ˈi ia faaroo?”c A ani i te feia e faaroo ra ia tatara i te faaohiparaa i te mau irava. A faahiti atoa i te mau uiraa o Te Pare Tiairaa o te 15 no Atete 1998, api 20, mau par. 17-18.

20 mn: “Mau manaˈo tauturu no nia i te mau faaiteraa no te taviniraa.” Aparauraa e te feia e faaroo ra arataihia e te tiaau no te taviniraa. E rave faahou te api hau i te mau manaˈo tauturu no nia i te mau faaiteraa o te mau numera tahito o Ta tatou taviniraa i te Basileia, e e pûpû i te tahi mau faaiteraa apî. E nehenehe outou e tapao i roto i te mau area aita i papaihia, i te tahi atu mau manaˈo tauturu apî e te tahi mau faaiteraa maitatai i roto i ta outou tuhaa fenua. A ani i te feia i tae mai ia faataa eaha te mau faaiteraa mea au aˈe na ratou e no te aha. A faanaho hoê aore ra e piti faahiˈoraa i te mau faaiteraa faatanohia i te mau buka e pûpûhia i te avaˈe Fepuare. A faaitoito i te feia poro atoa ia tapea noa i teie api hau e ia hiˈo pinepine atu i roto i ta ratou faaineineraa no te taviniraa.

Himene 224 e pure faaotiraa.

[Nota i raro i te api]