Putuputuraa no te Taviniraa

Hebedoma o te 12 no Novema

Himene 170

8 mn: Mau parau faaara. Mau parau faaite e tano i Ta tatou taviniraa i te Basileia.

15 mn: “A huti mai i te puai no ǒ mai ia Iehova ra.”a A faaô mai i te tahi mau tuhaa poto o Te Pare Tiairaa o te 1 no Atopa 1999, mau api 18-19, mau paratarafa 6-8.

22 mn: “Hoê mauhaa apî no te haamata i te mau haapiiraa!” Aparauraa e te feia e faaroo ra arataihia e te tiaau no te taviniraa. Mai te peu e te vai ra te api parau apî ra E hinaaro anei outou e ite hau atu â no nia i te Bibilia?, e horoa te mau taeae no te fariiraa i te tahi na te taata taitahi i tae mai. A faanaho e piti faahiˈoraa faaineine-maitai-hia ma te rave faahou mai i te mau manaˈo tauturu o te tumu parau tarenihia “Nafea ia pûpû i te mau vea.” E pûpû te hoê taata poro i Te Pare Tiairaa o te 15 no Novema e te tahi atu te Réveillez-vous! ïa o te 22 no Novema. I roto i na faahiˈoraa e piti, e faaoti te taata poro ma te horoa ˈtu i te api parau ra E ite hau atu â no nia i te Bibilia na te taata (tei farii i te mau vea, te tahi atu aita ïa). A faaitoito i te taata taitahi ia vaiiho i te api parau i te mau taata atoa e farereihia i roto i te taviniraa.

Himene 191 e pure faaotiraa.

Hebedoma o te 19 no Novema

Himene 172

5 mn: Mau parau faaara. Tapura faufaa moni.

20 mn: A ara i te mau ohipa e hopoi oioi mai i te moni. Oreroraa parau vauvauhia e te hoê matahiapo niuhia i nia i Te Pare Tiairaa o te 15 no Mati 1997, mau api 17-22 e i nia i La Tour de Garde o te 1 no Atopa 1984, mau api 24-27.

20 mn: “E faatupu anaˈe i to tatou puai feruriraa i te rahi.”b E aratai te hoê matahiapo i te hoê aparauraa oraora i nia i te porotarama o te mahana tairururaa taa ê o te matahiti taviniraa i mairi aˈenei.

Himene 195 e pure faaotiraa.

Hebedoma o te 26 no Novema

Himene 177

15 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Novema. E piti faahiˈoraa ma te rave faahou mai i te mau manaˈo tauturu o te tumu parau ra “Nafea ia pûpû i te mau vea.” (Te Pare Tiairaa o te 1 no Titema e Réveillez-vous! o te 8 no Titema.) A faataa i muri iho nafea ia itea mai te hoê faaiteraa e tano i te buka ra Te taata rahi roa ˈˈe aore ra te tahi atu mau papai e pûpûhia i te avaˈe Titema. A hiˈo i te Index des publications de la Société Watch Tower i te mau omuaraa parau “Présentation” i te upoo parau iti ra i ropu “Liste par publication.” A horoa hoê aore ra e piti hiˈoraa. A haamanaˈo i te taatoaraa i te faaitoitoraa e faarahi i te haaparare i te api parau E hinaaro anei outou e ite hau atu â no nia i te Bibilia?

15 mn: “Ihea e itehia ˈi te taime?” Oreroraa parau e aparauraa e te feia e faaroo ra. A faaô mai i te mau manaˈo faufaa o Te Pare Tiairaa o te 1 no Atopa 2000, mau api 20-21, mau paratarafa 9-10, i raro aˈe i te upoo parau iti ra “Nafea vetahi pae e faataa ˈi i te taime no te haapiiraa.” A titau manihini i te feia i putuputu mai ia faatia mai maoti teihea mau faanahoraa i nehenehe ai ratou e faataa i te taime no te mau mea faufaa roa ˈˈe ma te faaore i te tahi mau ohipa faufaa ore. A onoono i nia i te faufaaraa ia porotarama i to ˈna taime no te haapiiraa taitahi e ei utuafare, te mau putuputuraa, te pororaa e te taioraa bibilia tamahana.

15 mn: Te arue nei te feia apî ia Iehova. Aparauraa e te feia e faaroo ra. Te vai ra te feia apî i roto i te rahiraa o te mau amuiraa. Te apiti ra ratou i roto i te pororaa, mea tano aˈe iho â, noa ˈtu e e tia ia ratou ia poro i te mau taata paari. (Sal. 148:12, 13; Mat. 21:15, 16) Mai te peu e e anaanatae te mau metua aore ra te tahi atu mau taata poro ia ratou, e haamataro ia ratou e e faaitoito ia ratou, e oaoa roa te feia apî i roto i te pororaa. A titau manihini i te feia e faaroo ra ia horoa mai i te tahi mau ravea ia apiti mai te feia apî i roto i te pororaa aore ra i roto i te mau farerei-faahou-raa. A ani i te tahi mau metua ia faataa nafea ratou i tauturu ai i ta ratou mau tamarii ia pûpû i te mau vea, ia faaohipa i te Bibilia i roto i ta ratou mau pûpûraa aore ra ia paraparau ma te papu. A onoono i nia i te faufaaraa o te mau haapopouraa. A uiui hoê aore ra e piti taurearea poro, e a ani ia raua eaha ta raua e au ra i roto i te pororaa e no te aha.

Himene 198 e pure faaotiraa.

Hebedoma o te 3 no Titema

Himene 179

8 mn: Mau parau faaara.

17 mn: E haamatau anaˈe e te buka ra Haaferuriraa. Aparauraa e te feia e faaroo ra. Maoti te tahi mau hiˈoraa i muri nei, a haamahitihiti i te faufaaraa o te tahi mau huru taa ê o te buka no te faataa i te mau haapiiraa o te Bibilia: te tahi mau auraa, mai te tahi mau taˈo “Basileia” (api 68) aore ra “varua” (api 435); te mau faaauraa e rave rau huriraa bibilia o te faaite ra ihea e mea nafea te papairaahia te iˈoa o te Atua (mau api 179-181) aore ra o te haamaramarama ra i te auraa mau o te po auahi (mau api 303-305); te tahi mau tapura o te faataa ra i te mau tiaturiraa o te faataa ê ra ia tatou i te tahi atu mau haapaoraa (mau api 201-203) aore ra o te faaite ra nafea e itehia ˈi te haapaoraa mau (mau api 151-152); te tahi mau haamaramaramaraa i te pae tuatapaparaa o te faaite ra nohea mai te Noela (mau api 270-272) aore ra te tiaraa amui ore o te mau Kerisetiano matamua (mau api 393-396); te tahi mau haapapuraa aivanaa o te paturu ra i te poieteraa a te Atua (mau api 317-318) aore ra te ino o te marijuana aore ra te avaava (mau api 331-334). A faaitoito i te feia poro ia faaohipa i teie buka aratai haapiiraa faufaa i te mau taime atoa e nehenehe i roto i te pororaa.

20 mn: “Te mau maitai no roto mai i te mauruuru no te here o Iehova—Tuhaa matamua.”c A hiˈopoahia ˈi te mau paratarafa 3-6, a titau manihini i te feia i putuputu mai ia faatia i te tahi mau tupuraa mau faaitoito i roto i te pororaa i tera e tera fare, i roto i te pororaa i roto i te aroâ, i roto i te mau farerei-faahou-raa aore ra i roto i te mau haapiiraa bibilia.

Himene 200 e pure faaotiraa.

[Nota i raro i te api]