Unis grâce à l’enseignement divin: te hoê hiˈoraa o te autaeaeraa mau

I te hoê mahana, ua haere atu te hoê tiaau haaati i ǒ te hoê vahine o te haapii ra i te Bibilia, aita râ oia i haere atura i te hoê putuputuraa a te amuiraa. Ua titau manihini oia ia ˈna ia mataitai i te ripene video Unis grâce à l’enseignement divin. I taua noâ hebedoma ra, ua haere atu oia i te hoê putuputuraa e ua oaoa roa i te taeraa ˈtu. Nafea teie ripene i te manuïa-oioi-roa-raa? Ua putapû teie vahine i te faataaraa o to tatou autaeaeraa faufaa e ohipa ra i roto i te hoê ao peu uˈana e te î i te riri.—Ioa. 13:35.

A mataitai i te ripene no te hiˈo e no te ite i te hau e te here ta te mau Ite no Iehova e fanaˈo ra i te fenua atoa nei. E a feruri na i teie mau uiraa:

(1) No te aha te tumu parau ra “Te haapiiraa no ǒ mai i te Atua ra” i tano ai i te mau tairururaa 1993-1994?—Mika 4:2.

(2) Eaha te mau faahopearaa o te parau mau bibilia i nia i te tahi mau utuafare? E i nia i to outou?

(3) No te aha mea faufaa ia haapiihia tatou e Iehova?—Sal. 143:10.

(4) No te faaineine i te mau tairururaa rarahi nunaa rau, eaha te tia ia ferurihia?

(5) Nafea te Salamo 133:1 e te Mataio 5:3 i te tupuraa i te mau tairururaa ta outou i haere?

(6) Nafea te ohiparaa puai a te haapiiraa no ǒ mai i te Atua ra i te faaiteraahia i mua i te taata?—Apo. 7:9.

(7) Eaha te bapetizoraa o te mau Kerisetiano mau faufaa roa ˈˈe tei ore i itehia aˈenei?

(8) Eaha te mau parau a Mika, a Petero e a Iesu o te tupu nei i rotopu i te mau Ite no Iehova?

(9) Eaha te haapapu ra ia outou e e ere te hoê fetii taata oaoa e te tahoê i te hoê noa moemoeâ?

(10) E faaite outou i teie ripene ia vai e no te aha?

I muri aˈe i to ˈna mataitairaa i te ripene, ua haapoto maitai te hoê tuahine i te mau mea i roto ma teie mau parau: “E tauturu teie ripene ia ˈu ia manaˈo puai i to ˈu mau taeae e tuahine e rave rahi roa o te haa ra i te tavini ia Iehova ma te haapao maitai i te fenua atoa nei. . . . Mea faahiahia to tatou auhoêraa.”—Eph. 4:3.