Putuputuraa no te Taviniraa

Hebedoma o te 12 no Mati

Himene 112

10 mn: Mau parau faaara. Mau parau faaite e tano o Ta tatou taviniraa i te Basileia.

15 mn: Mau hinaaro o te amuiraa.

20 mn: “Eperera: te hoê avaˈe no te ‘haa puai e te tutava.’” (Mau par. 1-13) Tuhaa faaterehia e te tiaau peretiteni. Aparauraa anaanatae no nia i te tahi mau fa ta tatou e hinaaro ia raea i te avaˈe Eperera. E faaitoitohia te melo taitahi o te amuiraa ia rave i ta ˈna tuhaa ia raea te fa 100 % o te apiti i roto i te taviniraa i te avaˈe Eperera.

Himene 147 e pure faaotiraa.

Hebedoma o te 19 no Mati

Himene 166

8 mn: Mau parau faaara. Tapura faufaa moni.

17 mn: E faaohipa maitai anaˈe i te Annuaire 2001. Oreroraa parau ma te apitihia mai e te feia e faaroo ra. A tapao i te mau numera faahiahia o te mau taatoaraa no te matahiti 2000 i roto i Te Pare Tiairaa o te 1 no Tenuare 2001, api 18, e neneihia i roto i te Annuaire 2001, api 31. A hiˈopoa atoa i te “Rata a te Tino Aratai” tei neneihia i nia i te hoê o te mau api hau o Ta tatou taviniraa i te Basileia no teie avaˈe e o te matara i roto i te Annuaire 2001, mau api 3-5. A ani i vetahi feia i putuputu mai ia faahiti i te hoê faatiaraa aore ra te hoê tupuraa i roto i te Annuaire 2000 o tei faaitoito rahi ia ratou aore ra o tei haapaari i to ratou faaroo. A faaitoito e ia taiohia te Annuaire ei utuafare, mai ta te utuafare o te Betela e rave nei i te roaraa o te matahiti. Te vai ra i te api 255 o te Annuaire apî te hoê anairaa uiraa o te nehenehe e faaohipahia no te hiˈo faahou i te mea i haapiihia. A ani i te tahi mau manaˈo no nia i te faaohiparaa i te Annuaire no te tauturu i te feia haapii ia mauruuru hau atu â i te faanahonahoraa a Iehova e te fanaˈoraa taa ê i te riroraa ei melo.

20 mn: “Eperera: te hoê avaˈe no te ‘haa puai e te tutava.’” (Mau par. 14-30) Oreroraa parau vauvauhia e te tiaau no te taviniraa ma te mau uiraa e te mau pahonoraa i vetahi mau tuhaa i maitihia. E tia i te taata taitahi ia haamau i te hoê tapura ohipa ohie no te apiti faahope roa i roto i te taviniraa i te avaˈe Eperera. A haamanaˈo i te porotarama o te mau putuputuraa no te pororaa i faanahohia no te avaˈe Eperera. A faaitoito i te feia atoa o te nehenehe ia riro ei pionie tauturu e ia faaî i te hoê aniraa i muri aˈe i te putuputuraa.

Himene 188 e pure faaotiraa.

Hebedoma o te 26 no Mati

Himene 204

10 mn: Mau parau faaara. A faataa e aitâ i maoro roa no te faaî i te hoê aniraa no te riro ei pionie tauturu i te avaˈe Eperera. A faaitoito i te taata taitahi ia pee i te porotarama taioraa taa ê o te Bibilia no te oroa Haamanaˈoraa i roto i te E hiˈopoa anaˈe i te mau Papai i te mau mahana atoa—2001 mai te 3 e tae atu i te 8 no Eperera. A faaite afea e tupu ai te haapiiraa o Te Pare Tiairaa i te hebedoma o te oroa Haamanaˈoraa. Eiaha e haamoe i te oreroraa parau no te taatoaraa i teie Tapati 1 no Eperera, teie hoi te upoo parau “O vai te faaorahia?” A titau manihini i te taata poro taitahi ia poro i taua mahana ra ia haamata maitai oia i te avaˈe Eperera.

20 mn: “Ia faahanahana tatou paatoa ia Iehova e ta ˈna Tamaiti.” Oreroraa parau bibilia faaitoito vauvauhia e te hoê matahiapo. A faaitoito i te taata taitahi ia apiti faahope roa i roto i te ohipa taa ê i faanahohia no te avaˈe Eperera e ia rave i te tahi tutavaraa taa ê no te titau manihini i te mau taata i te oroa Haamanaˈoraa.

15 mn: E faaineine anaˈe no te pûpû i te mau vea. I te avaˈe Eperera, e pûpû tatou i Te Pare Tiairaa e te A ara mai na! A hiˈo faahou i te mau paratarafa 3 e te 10 o Ta tatou taviniraa i te Basileia no Atopa 1996, api 8. A huti i te ara-maite-raa i nia i (1) te hoê tumu parau, (2) te hoê tauaparauraa e tano, (3) te hoê uiraa o te faatupu i te anaanatae, e (4) te hoê irava e au, ia nehenehe tatou e pûpû ma te manuïa i te mau vea taitahi o te avaˈe. E tutava anaˈe i te faaohipa i te buka rairai ra Titau aore ra te buka ra Ite no te haamata i te mau haapiiraa bibilia e te mau taata o te anaanatae ra. A faaoti ma te hoê faahiˈoraa faaineine-maitai-hia o te faaite nafea ia pûpû i te haapiiraa i te farereiraa matamua.

Himene 207 e pure faaotiraa.

Hebedoma o te 2 no Eperera

Himene 220

9 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Mati. A haapoto i te tumu parau tarenihia “Haamanaˈoraa no te oroa Haamanaˈoraa.”

18 mn: “Na te hinaaro e turai ia tatou ia poro.”a A haamataratara i te mau irava i horoahia. A faaô mai i te tahi mau manaˈo o te Étude perspicace, buka 2, api 633, par. 3. A ani i te hoê taata poro o te haa ra e rave rahi matahiti i te maoro ia faataa mai nafea te hinaaro i te Atua i te turairaa ia ˈna ia tamau noa i te poro. A faaitoito i te feia poro atoa ia poro i te avaˈe Eperera e ia na reira noa i te mau avaˈe i muri iho.

18 mn: “E tauturu anaˈe ia vetahi ê ia haere mai i te mau putuputuraa.”b Te horoa ra te api hau o Ta tatou taviniraa i te Basileia no Tiunu 1996, mau par. 14-16 i te tahi atu â mau manaˈo tauturu nafea ia aratai i te feia haapii i te Bibilia i te faanahonahoraa a Iehova ra. A faaite nafea ia faaohipa i te haamataraa iho â i te buka rairai ra Titau (haapiiraa 5, par. 7) e te buka ra Ite (pene 5, par. 22) no te faaitoito e ia tae mai i te mau putuputuraa. Faahiˈoraa faaineine-maitai-hia o te faahohoˈa i taua raveraa ra: e faaitoito te hoê taata poro aravihi i te hoê taata haapii ia opua maite e haere mai i te mau putuputuraa.

Himene 47 e pure faaotiraa.

[Nota i raro i te api]