Putuputuraa no te Taviniraa no Setepa
Hebedoma o te 6 no Setepa
Himene 190
10 mn: Mau parau faaara. Mau parau faaite e tano o Te taviniraa o te Basileia.
17 mn: “Te poro ra anei tatou ma te hoê tapao?” A haapoto i ta outou mau omuaraa parau iti mai i te hoê minuti e i muri iho, a hiˈopoa i te tumu parau ma te mau uiraa e te mau pahonoraa. A faaô i te tahi mau tatararaa no roto mai i te buka ra Notre ministère, mau api 89-90. A faaitoito i te feia poro atoa ia riro ei taata faaau maite e te haapao maitai i roto i ta ratou taviniraa.
18 mn: “E te mau metua, a horoa i te hiˈoraa maitai i ta outou mau tamarii.” E haapoto te matahiapo i te omuaraa parau e i muri iho, e tauaparau e piti taeae, e metua hoi raua, i te tumu parau. E faaite raua i to raua tapitapiraa e paruru i ta raua mau tamarii i te tahi mau faaheporaa iino ta ratou e faaruru ra i te haapiiraa, ia mataitai ratou i te afata teata e ia amuimui atu i te mau melo utuafare aore ra te tahi atu mau taata e ere i te Ite. E paraparau nau taeae i te mau haerea faatura ore, te huru paraparau e te faaahuraa a to teie ao e te mau faaanaanataeraa iino. I muri aˈe i te feruriraa i te faufaaraa e horoa i te hoê hiˈoraa maitai, e aparau raua i nia i te mau ravea e faatupu i te hoê anaanatae rahi atu â no te haapiiraa utuafare, te mau putuputuraa a te amuiraa e te pororaa.—Hiˈo Te Pare Tiairaa o te 1 no Tiurai 1999, mau api 8-22, e te A ara mai na! o te 8 no Setepa 1991, mau api 16-17.
Himene 101 e pure faaotiraa.
Hebedoma o te 13 no Setepa
Himene 171
10 mn: Mau parau faaara. Tabula faufaa moni.
20 mn: Eaha ta tatou i rave i te matahiti i mairi aˈenei? Oreroraa parau vauvauhia e te tiaau no te taviniraa. A faataa i te mau numera faufaa o te tabula a te amuiraa no te matahiti taviniraa 1999. A haapopou no te mau tuhaa maitatai. A haamatara i te mau tuhaa e titauhia te mau tutavaraa. A onoono i nia i tei ravehia e te amuiraa i te pae o te haereraa i te mau putuputuraa e te mau haapiiraa Bibilia. A horoa i te tahi mau tapao ohie no te matahiti apî.
15 mn: “Eaha ta outou e parau i te hoê Hindu?” Ma te mau uiraa e te mau pahonoraa. A faaite i te faufaaraa ia faatano i te aparauraa e te taata e paraparauhia ra e a haamatara i te mau manaˈo e nehenehe ai te hoê Hindu e farii. A faaite nafea ia faaau i te mau faaiteraa i faahitihia no te poro i te mau taata o te mau haapaoraa atoa. Faahiˈoraa faaineine-maitai-hia: pororaa i te hoê Hindu. E itea ia outou te tahi mau haamaramaramaraa no nia i te haapaoraa Hindu i te api hau o Te taviniraa o te Basileia no Febuare 1998; te buka ra Comment raisonner, api 22; e te buka ra L’humanité à la recherche de Dieu, pene 5.
Himene 140 e pure faaotiraa.
Hebedoma o te 20 no Setepa
Himene 193
12 mn: Mau parau faaara e mau faatiaraa no te pororaa.
15 mn: Mau hinaaro o te amuiraa.
18 mn: E faaohipa maitai anaˈe i te buka ra Créateur. Oreroraa parau e mau faahiˈoraa. Te faaite ra Te taviniraa o te Basileia no Eperera 1999 e e nehenehe e pûpû i te buka ra Créateur ia farerei tatou i te tahi mau taata o 1) te ore ra e tiaturi i te Atua aore ra 2) te tiaturi ra i te Atua aita râ te manaˈo e papu ra o vai oia, eaha to ˈna mau huru maitatai aore ra ta ˈna mau opuaraa. E tauturu te mau uiraa e turai ia feruri e te mau tatararaa i te api i muri i te buka ia faaara i te anaanatae no te taio i te buka. E nehenehe atoa e faaohipa ma te aravihi i te api 152. E nehenehe te hoê taata poro e ani i te taata e: “Ihea e itehia ˈi te mau aˈoraa maitai roa ˈˈe no te faatitiaifaro i te mau fifi hepohepo roa ˈˈe?” E nehenehe oia e faaite e ua haapopou te tahi mau taata tiaraa teitei i te Aˈoraa i nia i te Mouˈa, e ani ia ˈna ia maiti i te hoê o na manaˈo e hitu ta ˈna e anaanatae roa e e taio atu ai i te hoê tuhaa o te tahi mau irava i faahitihia. Mau faahiˈoraa no nia i te faaiteraa o te buka ra Créateur niuhia i nia i taua nau manaˈo e piti ra. A faaitoito i te feia poro atoa ia rave i taua buka ra i roto i te pororaa e ia ineine i te pûpû atu i te mau taime au atoa.
Himene 175 e pure faaotiraa.
Hebedoma o te 27 no Setepa
Himene 141
15 mn: Mau parau faaara. A faahaamanaˈo i te taata taitahi i te faufaaraa ia faahoˈi mai i ta ˈna tabula taviniraa no te avaˈe Setepa. A faaitoito i te feia i putuputu mai ia faanaho no te apiti hau atu i roto i te opereraa vea i te avaˈe Atopa. A hiˈo faahou vetahi mau manaˈo o Te taviniraa o te Basileia no Atopa 1996, api 8, nafea ia faaineine i te tahi mau faaiteraa. Ma te faaohipa i te mau vea hopea, a faahiti i te tahi mau manaˈo e nehenehe e aparau e a rave hoê aore ra e piti faahiˈoraa poto.
15 mn: Pahonoraa i ta outou mau uiraa. Oreroraa parau vauvauhia e te hoê matahiapo.
15 mn: “Te parareraa o te haamoriraa mau i Europa Hitia o te râ.” Tuatapaparaa ma te mau uiraa e te mau pahonoraa arataihia e te hoê matahiapo. Ma te faaohipa i te mau Annuaire hopea, a faahiti i te tahi mau tupuraa aore ra te tahi mau numera e faaite ra i te maraaraa i roto i te mau fenua e faahitihia ra.
Himene 87 e pure faaotiraa.