Mau parau faaite

◼ Mau papai e pûpûhia i te avaˈe Setepa: Te ite e aratai i te ora mure ore no te tino moni e 400 F. Atopa: Te Pare Tiairaa e te A ara mai na! no te tino moni 100 F hoê. Mai te peu e e anaanatae te taata i roto i te mau hoˈi-faahou-raa e farerei, e nehenehe e pûpû i te tamatahitiraa. Novema: Eaha ta te Atua e titau ra ia tatou no te tino moni e 200 F aore ra te buka Te ite e aratai i te ora mure ore no te tino moni e 400 F. Titema: Te ite e aratai i te ora mure ore e te Traduction du monde nouveau no te tino moni e 1 600 F.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tabula faufaa moni a te amuiraa i te 1 no Setepa, aore ra i muri noa iho i teie taio mahana. I muri iho, e faaarahia ˈtu te amuiraa e ua oti teie hiˈopoaraa i muri aˈe i te taioraa i te tabula faufaa moni i mua nei.

◼ E ara te mau matahiapo i te pee i te mau aˈoraa a Te Pare Tiairaa o te 1 no Eperera 1991, mau api 25-27, no te mau taata tiavaruhia atoa aore ra tei iriti ia ratou e o te hinaaro e hoˈi faahou mai i roto i te amuiraa.

◼ E tia i te feia e apiti ra i roto i te hoê amuiraa ia hapono i te mau tamatahitiraa aore ra te mau faaapîraa i te mau tamatahitiraa i Te Pare Tiairaa aore ra te A ara mai na! na roto i te arai o te amuiraa, e ta ratou iho atoa.

◼ Eita te Taiete e farii i te mau aniraa buka e faataehia mai na te taata poro taitahi. E haapao te tiaau peretiteni e ia horoahia te hoê parau faaite i te mau avaˈe atoa hou te aniraa buka a te amuiraa e haponohia ˈi i te Taiete. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka te tia ia anihia i nia i te hoê api aniraa taa ê.

◼ Ua riro mau te mau Tairururaa Mataeinaa e Nunaa 1998 “E aratai te eˈa o te Atua i te ora” ei haamaitairaa no te feia atoa i tairuru mai. I rotopu ia ratou, te vai ra e 2 764 mitionare e mau tavini na te ara tei nehenehe e hoˈi atu i to ratou iho fenua maoti te mau ô horoa maitai a te mau amuiraa. Ua farii-popou-roa-hia te tauturu i horoahia i teie faanahoraa. I te mea e ua hope hoi taua mau tairururaa ra, te faaohipahia ra te mau ô hau no te turu i te ohipa pororaa na te ao nei.

◼ Te vai ra ta te Taiete te mau buka tahoêhia na roto i te reo FARANI o Te Pare Tiairaa o te mau matahiti 1987-1996, e o te A ara mai na! o te mau matahiti 1993-1995. Hau atu â, te vai ra te mau Annuaire des Témoins de Jéhovah o te mau matahiti 1991-1996 na roto i te reo FARANI. Te tuatapapa ra te Annuaire 1992 i te ohipa pororaa i Kenya, i te tahi atu mau fenua i te pae hitia o te râ no Afirika e i te mau motu Solomona ma; ua faahitihia i roto i te Annuaire 1993 te mau fenua Danemata, Honduras e Malaisia; i roto i te Annuaire 1994, te faaitehia ra te mau fenua Heleni, Haïti e Polonia. E ani ïa te feia poro aore ra te mau amuiraa apî e hinaaro ra i taua mau buka ra i teie nei i te taeae haapao i te mau buka. (Hiˈo Te taviniraa o te Basileia no Eperera 1997, Pahonoraa i ta outou mau uiraa; Te Pare Tiairaa o te 1 no Novema 1994, mau api 28-31.)

◼ Te faahaamanaˈohia ra e e nehenehe te mau amuiraa no Tahiti e Moorea e ani i te hoê taeae orero o te Betela ia horoa hoê o na 124 oreroraa parau i matauhia. E tia ïa ia faataehia te aniraa e piti aˈe avaˈe na mua ˈˈe, ma te faaite i te tahi mau oreroraa parau te nehenehe e vauvauhia. E tutava te Taiete, ia au i te vataraa o te mau taeae orero, i te maiti i te hoê taeae no te hoê o taua mau oreroraa parau ra. Ia nehenehe anaˈe, e apiti atoa ˈtu te taeae orero i roto i te pororaa i te Sabati poipoi. Mai te peu e e hinaaro te mau matahiapo, e nehenehe ratou e ani i te taeae orero ia vauvau atoa mai i te hoê oreroraa parau taviniraa.

◼ Te oaoa nei matou i te faaara ˈtu ia outou e e avarihia te hoê Piha no te Basileia apî i te motu no Tubuai i te Mahana maa 2 no Atopa 1999.

◼ Buka apî e vai ra:

Farani: “Toute Écriture est inspirée de Dieu et utile” (neneiraa no 1997)

◼ Ripene video apî e vai ra:

Farani: Noé: Il marchait avec Dieu (vcno)