Putuputuraa no te Taviniraa no Atete
Hebedoma o te 2 no Atete
Himene 39
10 mn: Parau faaara. Mau parau faaite e tano o Te taviniraa o te Basileia. A tauaparau i te tabula taviniraa no Me no te fenua e no te amuiraa. A faaitoito i te feia poro atoa ia poro i te avaˈe Atete.
17 mn: “E faatura anaˈe i te iˈoa hanahana o Iehova.” A haapoto i ta outou mau omuaraa parau hoê aˈe minuti e i muri iho, a hiˈopoa i te tumu parau ma te mau uiraa e te mau pahonoraa. A haamatara i te mau irava i horoahia ei faahororaa.—Hiˈo te buka ra E ora e a muri noa ˈtu, mau api 184-185.
18 mn: “Te haereraa i te haapiiraa e ta outou mau fa i te pae varua.” E aparau te hoê metua tane i te tumu parau e ta ˈna tamaiti aore ra e ta ˈna tamahine. E hiˈopoa atoa raua i te mau manaˈo e vai ra i roto i te A ara mai na! o te 8 no Titema 1995, mau api 7-11.
Himene 148 e pure faaotiraa.
Hebedoma o te 9 no Atete
Himene 138
8 mn: Parau faaara. Tabula faufaa moni.
12 mn: Te tauturu nei te mau pionie ia vetahi ê: eaha tei ravehia no te haere i mua? Oreroraa parau e uiuiraa manaˈo e vauvauhia e te tiaau no te taviniraa. A faahaamanaˈo i te mau faaueraa i horoahia i roto i Te taviniraa o te Basileia no Setepa 1998, api 4. A faataa nafea i faaohipahia ˈi te reira i roto i te amuiraa e a faaite eaha te mau haereraa i mua i ravehia e te feia i fanaˈo i te tauturu. A uiui hoê aore ra e piti pionie e vetahi atu feia poro i fanaˈo i ta ratou tauturu. A faaitoito i te feia e fanaˈo i taua tauturu ra ia haafaufaa rahi atu â i te reira.
25 mn: “Ua iritihia anei ia outou te uputa no te taviniraa pionie i teie nei?” Tuatapaparaa ma te mau uiraa e te mau pahonoraa arataihia e te hoê matahiapo. Ma te faaitoito, a faaite eaha te mau ravea ia riro mai e rave rahi atu â feia poro ei mau pionie. A ani i te tahi mau pionie ia faaite mai nafea ratou i haapaiuma ˈi vetahi mau fifi e tupu pinepine ra. A tuatapapa i te “Mau tabula ohipa a te mau pionie tamau” ma te haamatara e e titauhia te hoê faanahoraa maitai ia naeahia te tapao i te pae o te hora. A faaara i te feia atoa e hinaaro ra i te hoê parau aniraa no te taviniraa pionie ia tii atu i muri aˈe i te putuputuraa.
Himene 202 e pure faaotiraa.
Hebedoma o te 16 no Atete
Himene 131
10 mn: Parau faaara. E piti hopea hebedoma e toe ra hou e hope ai te avaˈe Atete; a titau manihini i te taata taitahi ia poro hou te hopea avaˈe. A haapoto i “Te porotarama o te mahana tairururaa taa ê i mua nei.”
15 mn: Mau hinaaro o te amuiraa.
20 mn: Te faariro ra anei outou i te taata ei pǐpǐ? Aparauraa e te feia i putuputu mai. No te rahiraa papai i operehia, ta tatou tapao, e tia ia haamatahia te mau haapiiraa Bibilia no te tauturu i te mau taata ia haafaufaa i te mau papai ta ratou i farii. A ani i te tahi mau taata poro ia faaite i te tahi mau mea e haafifi ra ia ratou ia faatere hau atu â i te mau haapiiraa: 1) Mea fifi ia itea mai te mau taata e farii i te haapii. 2) Mea ohipa roa vetahi feia e anaanatae ra no te haapii. 3) Ia haamatahia te hoê haapiiraa, e ere i te mea ohie ia farerei faahou i te taata i ǒ na ia rave-tamau-noa-hia te haapiiraa. A paraparau atoa i te mau manaˈo hohonu o vetahi feia poro no te mau haapiiraa Bibilia: 1) ‘Eita e maraa ia ˈu ia haapii.’ 2) ‘Aita to ˈu e taime no te faatere i te hoê haapiiraa i te mau hebedoma atoa.’ 3) ‘Te feaa ra vau i te faaau atu e te hoê taata.’ 4) ‘E apiti noa vau i roto i te tahi atu mau tuhaa o te taviniraa.’ A horoa i te tahi mau manaˈo tauturu no te haapaiuma i taua mau fifi ra ia nehenehe iho â e apiti atu i roto i te ohipa e faariro i te taata ei pǐpǐ. A ani i te tahi mau taata poro aravihi ia faaite i te oaoa ta ratou e ite i roto i te mau haapiiraa Bibilia.—Hiˈo te api hau o Te taviniraa o te Basileia no Eperera 1998, mau par. 3-8, 15.
Himene 100 e pure faaotiraa.
Hebedoma o te 23 no Atete
Himene 94
10 mn: Parau faaara.
15 mn: E tauturu anaˈe i te mau taata e anaanatae apî ra ia haafaufaa i te moˈaraa o te faaipoiporaa. E aratai te hoê matahiapo i te hoê aparauraa e te feia i putuputu mai niuhia i nia i te buka ra Comment raisonner, mau api 224-225. Te farerei nei tatou i te feia e farii maitai ra i te poroi o te Basileia, o te haere mǎrû râ i mua no te mea te ora amui nei ratou ma te faaea noa. A faaite nafea ia tauturu ia ratou ia taa no te aha e tia i te mau Kerisetiano ia faatura i te mau titauraa o te faaipoiporaa tura. (Hiˈo te A ara mai na! o te 8 no Tenuare 1992, mau api 14-15.) A faaite nafea ia tauturu ma te mǎrû i taua mau taata ra ia taa e eita ratou e nehenehe e riro ei melo o te amuiraa mai te peu e aita to ratou faaipoiporaa i haamanahia.
20 mn: “Eaha ta outou e parau i te hoê taata faaroo Buddha?” Ma te mau uiraa e te mau pahonoraa. E uiui pinepine tatou eaha ta tatou e parau ia farerei tatou i te mau taata e melo ratou no te hoê haapaoraa e ere i te Kerisetiano e aita tatou i matau i to ratou mau manaˈo, ta ratou mau ohipa e mau peu. E tuhaa matamua teie o na tuhaa e pae o teie tumu parau. A rave i te hoê faahiˈoraa faaineine-maitai-hia. E ite outou i te tahi atu mau haamaramaramaraa i nia i te faaroo Buddha i roto i te api hau o Te taviniraa o te Basileia no Febuare 1998; te buka ra Comment raisonner, api 21; e L’humanité à la recherche de Dieu, pene 6.
Himene 133 e pure faaotiraa.
Hebedoma o te 30 no Atete
Himene 99
10 mn: Parau faaara. A faahaamanaˈo i te taata taitahi i te faufaaraa ia faahoˈi mai i ta ˈna tabula taviniraa no te avaˈe Atete. Ia papu i te mau taeae faatere i te mau haapiiraa buka a te amuiraa e ua na reira te melo taitahi o ta ratou pǔpǔ, ia faaotihia te tabularaa no te 6 no Setepa.
17 mn: Te here nei tatou i to tatou mau taeae. Oreroraa parau vauvauhia e te hoê matahiapo, oia atoa te hoê aparauraa e te feia i putuputu mai niuhia i nia i Te Pare Tiairaa o te 1 no Titema 1995, mau api 15-17, mau par. 7-11. A haamatara i te mau haamaitairaa ta tatou e fanaˈo te tahi e te tahi, ia matau maitai tatou i to tatou mau taeae, ia faaitoito e ia tauturu tatou te tahi i te tahi i roto i te mau fifi. A titau manihini i te feia i putuputu mai ia faataa nafea te mau faaitoitoraa î i te here i tamahanahana ˈi e i haapuai ai ia ratou.
18 mn: E faaite anaˈe i te hoê tumu o to tatou tiaturiraa. E aparau te hoê matahiapo e hoê aore ra e piti taurearea hiˈoraa maitai e haere ra i te haapiiraa. Te farerei noa ra raua i te tahi mau tupuraa i reira to raua mau hoa haapiiraa e hinaaro ai e ite no te aha eita te mau taurearea Ite no Iehova e apiti atu i roto i ta ratou mau ohipa. Ma te faaohipa i taua mau taime ra no te faataa i to raua mau tiaturiraa niuhia i nia i te Bibilia, e tia ia raua ia vai aueue ore. E paraparau te pǔpǔ e nafea te mau taurearea ia pûpûhia mai te avaava aore ra te raau taero. A hiˈo faahou i te huru feruriraa e faaitehia ra i roto i te buka ra Les jeunes s’interrogent, mau api 277-281. A faataa e ma te opua maite e rave i te mea tia, te paruru ra raua ia raua e te horoa ra i te hoê faaiteraa maitai.
Himene 129 e pure faaotiraa.