E tumu no te oaoa te faaineineraa
1 E tumu no te oaoa rahi te pororaa. (Sal. 89:15, 16) Parau mau, e tuhaa rahi ta te faaineineraa i roto i te rahi o teie oaoa. Rahi noa ˈtu tatou i te faaineine ia tatou, e rahi roa ˈtu â tatou i te aravihi, e rahi noa ˈtu tatou i te aravihiraa, e rahi roa ˈtu â to tatou oaoa.
2 E faaohipa anaˈe i te mau ravea i horoahia mai: I roto i ta tatou faaineineraa, e haamata anaˈe i te taio e i te hiˈopoa i te mau tumu parau o Te taviniraa o te Basileia. E ite-pinepine-hia te mau faaiteraa faaineine-maitai-hia o te tauturu ia tatou ia faaite i te poroi o te Basileia ma te ohie e ma te aravihi. Te pûpûhia maira te mau ravea huru rau no te haapaiuma i te mau patoiraa e te tahi mau manaˈo taa ê no te rave i te mau hoˈi-faahou-raa e farerei aravihi ma te fa e haamata i te hoê haapiiraa Bibilia. Na tatou iho e maiti i muri aˈe i te faatano i teie mau manaˈo ia au i to tatou hinaaro. Ma te apitihia i te reira i te buka rairai ra Nafea ia haamata e ia tamau â i te mau aparauraa Bibilia i reira tatou e ite ai e rave rahi mau omuaraa parau e te mau pahonoraa no te haapaiuma i te mau patoiraa e i te buka ra Comment raisonner. Tei ia tatou ra ïa te mau ravea no te faaaravihi roa ˈtu â ia tatou i roto e rave rau tupuraa.
3 E heheu anaˈe i te papai o ta tatou e pûpû ra, e tapao anaˈe hoê aore ra e piti manaˈo anaanatae ta tatou e nehenehe e paraparau atu e te taata. E nehenehe te hoê tupuraa faufaa ta te mau parau apî i faaite e riro ei omuaraa no te hoê tauaparauraa. E haapaiuma oioi anaˈe i te mau patoiraa matauhia e e faaineine anaˈe i te tahi mau parau haapapu no te pahono atu. I muri iho, e faaohipa anaˈe tau minuti no te faaite i taua mau manaˈo ra.
4 E haere anaˈe mai i te mau Putuputuraa atoa no te Taviniraa: E faaroo maite anaˈe i te mau manaˈo o Te taviniraa o te Basileia e faataahia aore ra i faahaamanaˈohia, e te mau faahiˈoraa i te mau Putuputuraa no te Taviniraa. E tapao anaˈe i te mau manaˈo ta tatou i au no te faaô atu i roto i ta tatou faaiteraa. E haamanaˈo anaˈe i te tahi mau tupuraa ta tatou e farerei pinepine nei i roto i te taviniraa e e feruri anaˈe i te mea ta tatou e nehenehe e parau no te faaite ma te aravihi roa ˈtu â. E paraparau anaˈe i te tahi atu feia poro na mua ˈˈe e i muri aˈe i te putuputuraa.
5 Papu maitai e, mai te peu e ua ‘[“faaineine,” MN] tatou i te rave i te mau ohipa maitatai atoa ra,’ e tauturu ïa tatou i to tatou taata-tupu ia ite oia i te eˈa o te ora ma te oaoa rahi e ma te mau faahopearaa maitatai aˈe.—Tim. 2, 2:21.