Putuputuraa no te Taviniraa no Tiurai
NOTA: Te vai ra i roto i Te taviniraa o te Basileia te porotarama o te hoê Putuputuraa no te Taviniraa no te mau hebedoma atoa no te mau avaˈe Tiurai e Atete. E rave te mau amuiraa i te mau tauiraa e titauhia ma te haapao e e apiti atu ratou i te Tairururaa Mataeinaa “Te parau tohu a te Atua” e e rave ratou i te Putuputuraa no te Taviniraa i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa o te porotarama. E horoa-oioi-hia taua hiˈo-faahou-raa o te mahana tataitahi ra na e toru taeae aravihi o te haamatara mai i te mau manaˈo faufaa. Ma te faaineine-maitai-hia, e tauturu te reira i te mau melo o te amuiraa ia haamanaˈo i te tahi mau manaˈo faufaa, ia nehenehe ratou e faaohipa no ratou iho e i roto i te pororaa. E mea poto e te papu te mau pahonoraa a te feia e tae mai e tae noa ˈtu te mau tupuraa e faahitihia.
Hebedoma o te 5 no Tiurai
Himene 6
10 mn: Parau faaara. Mau parau faaite e tano o Te taviniraa o te Basileia. A tauaparau i te tabula taviniraa no Eperera no te fenua e no te amuiraa. Mau parau apî teotaratia.
20 mn: “A ani i te tauturu a Iehova na roto i te pure.” A haapoto i ta outou mau omuaraa parau hoê aˈe minuti e i muri iho, a hiˈopoa i te reira ma te mau uiraa e te mau pahonoraa. A faataa i te tuhaa faufaa o te mau pure rotahi e rave rau ia manuïa te taviniraa. A titau manihini i te feia i putuputu mai ia faatia i te tahi mau tupuraa e faaite ra e ua tauturu te mau pure e tano ia ratou i roto i ta ratou taviniraa.—Hiˈo Te Pare Tiairaa o te 15 no Atopa 1996, api 32.
15 mn: E faaohipa maitai anaˈe i te mau buka rairai. Oreroraa parau e e mau faahiˈoraa. A faataa no te aha e mau ravea faufaa te mau buka rairai no ta tatou taviniraa. Te faahiti nei te reira ma te aravihi i te mau tumu parau e anaanataehia ra e te taata e rave rahi, te tuatapapa nei i te hoê anaˈe tumu parau, e te faataa ra ma te ohie i te mau haapiiraa o te Bibilia. A faahaamanaˈo i te mau buka rairai e pûpûhia i teie avaˈe e a faaite eaha te mau buka rairai e vai ra i roto i te amuiraa. Mau faahiˈoraa: hoê aore ra e piti mau faahiˈoraa poto niuhia i nia i te tahi mau manaˈo tei itehia i roto i te Index des publications i te upoo parau ra “Présentation.”
Himene 181 e pure faaotiraa.
Hebedoma o te 12 no Tiurai
Himene 103
10 mn: Parau faaara. A faaite i te mau faanahoraa taa ê i ravehia no te pororaa i te 14 no Tiurai. Tabula faufaa moni.
15 mn: “E tumu no te oaoa te faaineineraa.” Oreroraa parau e e mau uiuiraa manaˈo. A faataa no te aha e mea faufaa ia faaineine no te pororaa e no te aha, maoti te reira, e oaoa rahi ai tatou i ta tatou ohipa. (Hiˈo te Buka no te Haapiiraa, api 39, par. 1-3.) A uiui e piti aore ra e toru taata poro aravihi o te faataa nafea ratou e faaineine ai ia ratou hou e haere ai e poro e eaha ta te reira e hopoi mai na ratou. A faatia i te tupuraa i faahitihia i roto i Te Pare Tiairaa o te 15 no Eperera 1993, api 30, e faaite ra i te faaohipa-maitai-raa o te buka rairai ra Nafea ia haamata e ia tamau â i te mau aparauraa Bibilia e o te buka ra Comment raisonner no te faaineine no te taviniraa.
20 mn: “‘E faaite anaˈe eaha mau na to tatou tere.’” Apitihia mai e te feia e faaroo ra e e mau faahiˈoraa. A hiˈo faahou i te manaˈo taitahi no nia i te ravea e huti i te ara-maite-raa o te mau taata ta tatou e paraparau ra. Mau faahiˈoraa: e faaite mai te tahi mau taata poro aravihi e rave rahi mau omuaraa parau aravihi. A titau manihini i te feia e faaroo ra ia horoa mai i te tahi mau manaˈo e a faatia i te tahi mau tupuraa anaanatae e manuïa mau ra i roto i te tuhaa fenua.
Himene 183 e pure faaotiraa.
Hebedoma o te 19 no Tiurai
Himene 31
10 mn: Parau faaara.
15 mn: Mau hinaaro o te amuiraa.
20 mn: E tia anei ia apiti atu i te hoê faanahonahoraa? Aparauraa e te feia e faaroo ra niuhia i nia i te buka ra Comment raisonner, mau api 270-274. Te farerei pinepine nei tatou i te mau taata e faaroo ra i te poroi o te Basileia aita râ ratou e au i te manaˈo e apiti atu i te hoê faanahonahoraa faaroo. A hiˈo faahou i te faataaraa o te parau ra “faanahonahoraa” e na tapao e hitu e faaite ra i te faanahonahoraa iteahia a Iehova. A faataa no te aha oia e taa ê ai i te tahi atu mau faanahonahoraa e te mau haamaitairaa mau ta tatou e fanaˈo nei ei melo.
Himene 189 e pure faaotiraa.
Hebedoma o te 26 no Tiurai
Himene 184
15 mn: Parau faaara. A faahaamanaˈo i te taata taitahi i te faufaaraa ia faahoˈi mai i ta ˈna tabula taviniraa no te avaˈe Tiurai. Pahonoraa i ta outou mau uiraa.
10 mn: “Tairururaa haaati: te porotarama apî.” Oreroraa parau. A faaara i te taio mahana o te tairururaa haaati. A faaitoito i te feia api ia feruri no nia i te bapetizoraa. A titau manihini i te taata taitahi ia haere mai i te tairururaa taatoa.
20 mn: Te faariro ra anei tatou i te taata ei pǐpǐ? E aparau te tiaau no te taviniraa e piti aore ra e toru tavini tauturu i nia i te tahi mau manaˈo o Te Pare Tiairaa o te 15 no Febuare 1996, mau api 19-22. A haamatara i te mau tumu Bibilia e faaite ra no te aha e tia ia tatou ia maimi i roto i ta tatou tuhaa fenua i te mau taata ‘e au’ e ia faariro ia ratou ei pǐpǐ. (Mat. 10:11) E mau taata ratou o te autâ ra no nia i te mau tupuraa iino e te paieti ore ta ratou e ite ra e o te hinaaro ra e imi ia Iehova hou a tae mai ai te mahana o to ˈna riri. (Ezek. 9:4; Zeph. 2:2, 3) I rotopu ia ratou, te vai ra ‘te feia [“e au,” MN] no te ora mure ore ra.’ (Ohi. 13:48) Ta tatou hopoia, o te faariroraa ïa i te taata ei pǐpǐ, te haapiiraa i te mau taata i te mau mea atoa ta Iesu i faaue mai. (Mat. 24:14; 28:19, 20) Na roto i te pororaa na te mau fare, te hoê pororaa faanaho-ore-hia aore ra te pororaa i roto i te mau aroâ, te faaanaanatae ra tatou i te mau taata, no te faariroraa râ i te taata ei pǐpǐ, e titauhia ïa ia apiti tamau i roto i te taviniraa na roto i te hoˈi-faahou-raa e farerei e te mau haapiiraa Bibilia. A haamatara i te tahi mau manaˈo ohie ia na reirahia.
Himene 14 e pure faaotiraa.