Putuputuraa no te taviniraa no Tiurai

NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te mau hebedoma atoa no te mau avaˈe Tiurai e Atete. E rave te mau amuiraa i te mau tauiraa e titauhia ma te haapao e e apiti atu ratou i te tairururaa “E aratai te eˈa o te Atua i te ora” e e rave ratou i te putuputuraa no te taviniraa i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa o te porotarama. E horoa-oioi-hia taua hiˈo-faahou-raa o te mahana tataitahi ra na e piti aore ra e toru taeae aravihi o te haamatara mai i te mau manaˈo faufaa. Ma te faaineine maitai, e tauturu oia i te mau melo o te amuiraa ia haamanaˈo i te mau manaˈo faufaa, ia nehenehe ratou e faaohipa no ratou iho e i roto i te pororaa. E mea poto e te papu te mau pahonoraa a te feia e tae mai e tae noa ˈtu te mau tupuraa e faahitihia.

Hebedoma o te 6 no Tiurai

Himene 110

10 mn: Parau faaara. Mau parau faaite e tano a Te taviniraa o te Basileia. A tauaparau i te tabula taviniraa no Eperera no te fenua e no te amuiraa. Mau parau apî teotaratia. A faaite i te mau faanahoraa taa ê i ravehia no te pororaa i te 14 no Tiurai.

15 mn: “E mea maitai roa ia tae tamau noa mai tatou!” Ma te mau uiraa e te mau pahonoraa. A faahiti atoa i te tahi mau manaˈo i roto i te A ara mai na! o te 8 no Tiunu 1988, mau api 11-13, no te faaitoito i te feia apî ia haere i te mau putuputuraa atoa.

20 mn: “Te titauhia ra i to tatou mau taata-tupu ia faaroo i te parau apî maitai.” E haapoto e piti aore ra e toru feia poro aravihi i te mau manaˈo e horoahia ra no te pûpû i te tahi mau vea iti e vai ra a te amuiraa. A faataa e no te aha e nehenehe teie mau vea iti e faufaahia i roto i te tuhaa fenua. A onoono i nia i te tapao ia haamata i te mau haapiiraa Bibilia ma te faaohipa i te vea iti ra Titau aore ra te buka ra Te ite. A rave e piti faahiˈoraa o te faaite mai i te farereiraa matamua e i muri iho te hoˈi-faahou-raa e farerei, i reira e pûpûhia ˈtu ai te hoê haapiiraa Bibilia.

Himene 73 e pure faaotiraa.

Hebedoma o te 13 no Tiurai

Himene 116

10 mn: Parau faaara. Tabula faufaa moni. A ani i te feia poro atoa ia feruri maitai i te riroraa mai ei pionie tauturu i te avaˈe Atete, no te mea e pae hopea hebedoma taatoa i roto taua avaˈe ra.

15 mn: Mau hinaaro o te amuiraa.

20 mn: Te taero ra anei outou i te varua o teie nei ao? Oreroraa parau vauvauhia e te hoê matahiapo, ia au i Te Pare Tiairaa o te 1 no Atopa 1997, mau api 25-29.

Himene 182 e pure faaotiraa.

Hebedoma o te 20 no Tiurai

Himene 18

8 mn: Parau faaara. A haapoto i te tumu parau tarenihia “Te tabula ohipa.”

12 mn: “Te hoê tere farereiraa o te nehenehe e riro mai ei haamaitairaa.” E tauaparauraa i rotopu e piti matahiapo. A faataa i te mau tapao o te tere farereiraa a te tiai mamoe, mai tei faahitihia i roto i Te Pare Tiairaa o te 15 no Setepa 1993, mau api 20-23. A faaitoito ma te mahanahana i te amuiraa ia tiai i te tere farereiraa a te mau matahiapo.

25 mn: “Te taviniraa pionie: no outou anei?” (Par. 1-14) E faahiti te tiaau no te taviniraa i te tahi mau parau omuaraa poto no te turai i te feia poro atoa ia feruri maitai i te taviniraa pionie tamau. I muri iho, e tuatapapa oia i te uiraa 1 e e paraparau atoa oia i nia i te mau paratarapha i muri aˈe i te upoo parau iti ra “Te hoê feruriraa pionie oaoa,” i roto i te Buka matahiti 1998, mau api 104-105 (Farani). E apiti mai e piti aore ra e toru melo o te amuiraa o tei rave aˈena i te taviniraa pionie, e o ˈna i mua no te tauaparau i nia i te uiraa 2. E faaite ratou ma te ohie e te papu maitai nafea ia amo i te hopoia i te pae materia a riro noa ˈi ei pionie. I muri iho, e apiti mai e piti metua i te pǔpǔ no te tuatapapa i te uiraa 3. E faahiti ratou i te mau tumu maitatai ia nehenehe te mau Kerisetiano apî e faariro i te taviniraa ma te taime taatoa ei toroa. A faaitoito i te feia atoa i tae mai ia haere mai i te putuputuraa no te taviniraa i te hebedoma i mua, no te tuatapapa i te mau uiraa hopea.

Himene 80 e pure faaotiraa.

Hebedoma o te 27 no Tiurai

Himene 155

15 mn: Parau faaara. A faahaamanaˈo i te taata tataitahi ia faahoˈi i ta ˈna tabula taviniraa no te avaˈe Tiurai. A faaite i te mau faanahoraa i ravehia no te pororaa i te hopea hebedoma matamua i te avaˈe Atete e a titau manihini i te taatoaraa ia apiti atu. A haapoto i “Te porotarama o te rururaa haaati i mua nei.”

30 mn: “Te taviniraa pionie: no outou anei?” (Par. 15-25) E oreroraa parau e e tauaparauraa vauvauhia e te hoê matahiapo. A faanaho e ia tauaparau te mau pionie e te feia o tei riro aˈena ei pionie i mutaa ihora, i nia i te mau uiraa 4 e 5 ma te aau rotahi. E haamatara ratou i te faufaaraa o te hoê tabula ohipa maitai e ia faaturahia te reira, e e horoa ratou i te tahi mau hiˈoraa o te porotarama pororaa i te hebedoma o te riro na e mea faufaa roa. E faahope roa te matahiapo ma te pahono i te uiraa 6 ma te anaanatae. E haamata te matahiti taviniraa i te 1 no Setepa, e taime tano teie no te rave i te taviniraa ma te taime taatoa. E nehenehe tatou e ani i te hoê parau aniraa i te hoê melo o te tomite no te taviniraa a te amuiraa.

Himene 51 e pure faaotiraa.