Mau parau apî teotaratia

◼ Ua tapao paatoa mai o Benin, Cameroun, Côte d’Ivoire, Ghana, Liberia e o Nigeria, e mau fenua teie no Afirika Tooa o te râ, i te mau maraaraa apî o te feia poro i te avaˈe Febuare.

◼ E rave rahi feia i horo ê o te hoˈi ra i Liberia, e te hiaai-mau-hia ra te parau mau i taua fenua ra. I te avaˈe Febuare, ua faatere te hoê numera e 2 286 feia poro e 6 277 haapiiraa Bibilia.

◼ I Macao, ua maraa te numera o te feia poro 16 % ia faaauhia i te faito au noa o te matahiti i mairi aˈenei, 135 taata tei tuu i te hoê tabula ohipa i te avaˈe Febuare.

◼ Ua naeahia ia Fiti ma, te mau motu Solomona, e ia Tahiti, i Patitifa Apatoa, i te mau numera apî o te feia poro i te avaˈe Febuare.

◼ I Matetata, ua naeahia te hoê numera teitei apî e 9 484 feia poro, o te hoê ïa maraaraa 14 % ia faaauhia i te faito au noa o te matahiti i mairi aˈenei. I te avaˈe Febuare, hau atu i te 20 000 haapiiraa Bibilia tei faatere-atoa-hia.