Pahonoraa i ta outou mau uiraa

◼ E tapaohia te mau Ite no Iehova i raro aˈe i teihea iˈoa i roto i te buka numera niuniu?

Ua itehia e ua rau te mau iˈoa o te mau Ite no Iehova i roto i te buka numera niuniu. E ere vetahi i te mea papu maitai e aita vetahi e horoa ra i te mau haamaramaramaraa e navai. Mai te peu e e niuniu paraparau ta te amuiraa i roto i te Piha no te Basileia, e mea faufaa ia taa-maitai-hia te mau haamaramaramaraa i roto i te buka niuniu ia nehenehe te mau taata farii maitai e to tatou mau taeae e taniuniu atu i te amuiraa i reira.

Teie ïa te iˈoa ta matou e faaitoito atu nei ia outou: Ite no Iehova, (oire, motu aore ra mataeinaa), e te vahi o te Piha no te Basileia e ta ˈna numera niuniu.

Mai te peu e e rave rahi amuiraa i roto i te hoê oire, teie ïa te papaihia: Ite no Iehova, (oire, motu aore ra mataeinaa), e te hoê tabula ia au i te piapa e horoa ra i te iˈoa, te vahi o te Piha no te Basileia e te numera niuniu a te mau amuiraa.

E faataahia i reira mai te peu e e mea faufaa te tahi atu numera niuniu. Mai te peu e te faaohipa nei outou i te Piha no te Basileia e te tahi atu amuiraa no te tahi atu oire, aita hoi i roto i te hoê â buka numera niuniu, e tia atoa ia papaihia te iˈoa o taua oire ra i pihai iho i te vahi o te Piha no te Basileia e te numera niuniu.