Eaha te parau i te hoê matini pahonoraa niuniu paraparau?

E ravea aravihi te niuniu paraparau no te horoa i te faaiteraa i te mau taata aita i ǒ ratou aore ra o te faaea ra i te tahi mau vahi eita e raeahia. Teie râ, te rahi noa ˈtura te taata o te ore e pahono ia taˈi te niuniu; na te hoê matini e pahono no ratou. Ia tupu te reira, eaha ta outou e nehenehe e rave? Eiaha e faarue i te niuniu. Ei pahonoraa papaihia faaineine-maitai-hia râ ta outou e taio atu. A haamataro ia outou ia taio i taua papairaa ra ma te toparaa reo au mau o te aparauraa. Eaha ta outou e parau?

E nehenehe outou e titau manihini i te taata ia haere mai i te Putuputuraa no te Taatoaraa i te hebedoma i mua nei i te Piha a te Basileia. Ei hiˈoraa, a parau atu e: “Te peapea nei au e aita vau i farerei ia oe i ǒ oe, teie râ, mai te peu e e hinaaro oe e faaroo i te hoê oreroraa parau Bibilia teie to ˈna tumu parau [upoo parau o te oreroraa parau], te titau manihini nei au ia oe ia haere mai i te Piha a te Basileia a te mau Ite no Iehova. E Putuputuraa no te Taatoaraa te reira. Aita roa ˈˈe e aniraa moni.” I muri iho, a faataa maitai i te mahana e te hora o te putuputuraa, a faaite atu i te vahi o te Piha, aore ra a faataa teihea roa te reira.

A hiˈo i te mau taata a tahi ra paha a haere mai ai i ta tatou mau putuputuraa e a farii popou atu ma te faaite o vai outou. Eiaha e haamoe i te pûpû atu i te hoê haapiiraa Bibilia tamoni ore i to ratou fare.