Ia faaite tatou i te parau mau i to tatou taata-tupu
1 Teie hoê o na faaueraa rahi roa ˈˈe e piti: “E [here atu] oe i to taata-tupu, mai to [here] ia oe iho na.” (Mat. 22:39) E turai teie here ia tatou ia tufa ˈtu na to tatou taata-tupu te taoˈa faufaa roa ˈˈe e vai ra ia tatou nei: te parau mau e vai ra i roto i te Parau a te Atua. I te mea e te tavevo nei Te Pare Tiairaa e te A ara mai na! i te poroi parau mau a te Bibilia, ua riro ïa te opereraa i teie mau vea i te avaˈe me ei ravea na tatou no te ‘faaite i te parau mau i to tatou taata-tupu.’—Eph. 4:25, MN.
2 Ia pûpû tatou i te “A ara mai na!” o te 8 no mati, e nehenehe tatou e haamata i te aparauraa ma te ani e:
◼ “E mea fifi roa ia itea mai i te ohipa i teie mahana; i to oe manaˈoraa, eaha te mau tumu o te ereraa i te ohipa? [A tiai i te pahonoraa.] Ia feruri tatou i te mau utuafare atoa e fifihia nei, te papu ra ia tatou i te hepohepo e te mauiui ta ratou e faaruru ra. Ia manaˈo anaˈe oe, e titiaifaro anei teie fifi i te hoê mahana?” A huti i te ara-maite-raa o te taata i nia i te api 10, e a pûpû atu i te vea. I muri iho, a faaoti na roto i te parauraa ˈtu e: “Te hinaaro nei au e hoˈi faahou mai no te faaite ia oe i te tahi atu mau parau tǎpǔ faahiahia e vai ra i roto i te Bibilia.”
3 Ia pûpû tatou i “Te Pare Tiairaa” o te 1 no eperera, a ani e:
◼ “Ua ite anei oe e nohea mai te oroa Pakate? [A faaroo i te pahonoraa.] E rave rahi peu tahito tei anoihia i taua oroa nei. No reira, e tauturu teie vea ia oe ia ite i to ˈna auraa mau.” A pûpû atu i te vea i te taata. A huri i te api 6 no nia i te faatupuraa i te oroa Haamanaˈoraa i haamauhia e Iesu e i muri iho, a taio i te Luka 22:19. E a faaite atu e, na roto i te tusia o te Mesia, e nehenehe tatou e tiaturi i te hoê oraraa oaoa no te taata a muri aˈe. A ani atu i te taata ia vaiiho tatou i te tahi mau vea na ˈna e ia hoˈi mai tatou no te tauaparau e nafea ia noaa i teie nei iho te ite mau na roto i te haapii-hohonu-raa i te Parau a te Atua.
4 E tia ia tatou ia opere i te “A ara mai na!” o te 8 no eperera haapao pau roa ta tatou pueraa vea. E nehenehe tatou e haamata i te aparauraa na roto i te aniraa e:
◼ “Eaha to oe manaˈo no nia i te hoê ao aita e tamaˈi faahou? [A vaiiho i te taata ia pahono.] I to oe manaˈoraa, aita anei te mau haapaoraa e faaitoito ra, na te ao nei, i te mau tamaˈi e te mau taparahiraa taata? [A tiai i te pahonoraa.] I te tahi aˈe pae, a hiˈo na eaha ta te Bibilia i tohu no nia i te feia haamori mau i te Atua.” A taio i te Isaia 2:2-4 i te omuaraa o te api 4 o te vea, e i muri iho i te api 10, te paratarapha matamua i raro aˈe i te upoo parau iti ra “Piiraa i te feia e here ra i te hau.” A ani atu: “Ua ite anei oe nafea te Atua e faatupu ai i te reira? Tei roto te pahonoraa i teie vea, e teie te tahi na oe ta ˈu e ani atu nei ia oe ia taio.”
5 Ia hinaaro tatou e haapoto noa, e nehenehe tatou e tamata i teie faaiteraa:
◼ “E rave rahi taata te manaˈo nei e te tuu roa nei te rahiraa o te mau vea tei parare i teie tau, i te tapao i nia i te mau faatianianiraa, te taatiraa i te pae tino aore ra te haavîraa uˈana. [A faaite i Te Pare Tiairaa e te A ara mai na!] Te opere nei matou i teie mau vea niuhia i nia i te Bibilia e mau manaˈo tura anaˈe to roto. Mea rahi te mau haamaramaramaraa i roto e te haapii atoa mai nei nafea ia haamori i te Atua, ia here i to tatou taata-tupu e ia pee noa i te hoê haerea tia. Mai te peu e mea au na oe ia taio i teie mau huru vea, ua papu ia ˈu e e au roa atoa oe i teie mau numera.”
6 Mai te peu e e faaite tatou i te parau mau i to tatou taata-tupu ma te itoito, e riro ïa tatou ei tumu oaoaraa no te taata e rave rahi.—Ohi. 8:4, 8.