Te porotarama o te tairururaa taa ê hoê mahana i mua
1 Te upoo parau o te tairururaa taa ê hoê mahana o te haamata mai te avaˈe setepa oia hoi: “Ia tamau tatou i te faaite i te parau mau.” E tuu te taatoaraa o te porotarama i te tapao i nia i te hiˈoraa ta Iesu i vaiiho mai no tatou e no nia i ta ˈna huru raveraa no te faaite i te parau mau i te mau taime atoa. E haapapuhia e hopoia ta tatou, tatou ta ˈna mau pǐpǐ, ia apee i te Mesia e ia faaite i te parau mau.—Kor. 1, 11:1.
2 E faahiti-atoa-hia te tiaraa o te amuiraa no te turu i te parau mau. E haafaufaa atoa te tairururaa te faaohipa-maitai-raa i te mau vea e te tahi atu mau buka a te Taiete.
3 Te tumu parau o te oreroraa parau tumu, hohorahia e te hoê taeae orero ratere, oia hoi: “Te faaite nei te mau kerisetiano mau i te parau mau—Eaha te mau faahopearaa?” (Ioane 8:32). E tauturu te tairururaa taa ê hoê mahana ia tatou ia mau ‘papu noâ i roto i taua parau mau nei’ e e faarahi mau â i to tatou aau mehara no te reira.—Petero 2, 1:12; Kor. 1, 15:58.