Porotarama o te mahana tairururaa taa ê 2010
1. (a) Eaha te mau manaˈo tumu bibilia i haamahitihitihia i te mau mahana tairururaa taa ê o te mau matahiti i mairi? (b) Ua tauturu anei te tahi mau manaˈo faufaa o te mau tairururaa taa ê i mahemo ia oe i roto i ta oe taviniraa?
1 “Ia au maite na outou i te mau mea tei hau i te maitai ra,” “Ia mau papu na outou ma te nǎnǎ hoê,” “Ia tamau tatou i te faaite i te parau mau,” e “E araea tatou—Na Iehova tatou i hamani.” (Phil. 1:9, 10, 27; Ioa. 18:37; Isa. 64:8) O te tahi teie o te mau manaˈo tumu e rave rahi o te mau mahana tairururaa taa ê i mahemo. Te tiai ru ra anei oe i te mahana tairururaa taa ê o te matahiti taviniraa 2010? Teie te manaˈo tumu: “Te poto nei te taime,” no roto mai i te Korinetia 1, 7:29.
2. E nafea ia faatupu i te anaanatae no teie tairururaa?
2 A haamata i te tauaparau ma te anaanatae no nia i te porotarama o te mahana tairururaa taa ê a faaitehia iho â ˈi te taio mahana. E tauturu vetahi mau metua i ta ratou mau tamarii ia tiai ru i te tairururaa ma te tapao i te taio mahana i nia i te tarena e vai ra i te fare, oia atoa te mea e afai atu, a taio atu ai i te mau mahana e toe ra. I te arui haamoriraa utuafare, e hinaaro paha oe e hiˈo faahou i ta oe i tapao i te mau mahana tairururaa taa ê i mahemo. E nehenehe atoa oe e faaineine i to oe aau ma te hiˈo i te buka Tirez profit de l’École du ministère théocratique, api 13-16, no te tauturu ia oe e i to oe utuafare “ia ara i to outou faarooraa.”—Luka 8:18.
3. E nafea ia faufaa-roa-hia i tei vauvauhia mai?
3 A rave i ta oe i haapii: “Mea faahiahia te porotarama, e ere anei?” E faaroo-pinepine-hia te reira i muri aˈe i te hoê tairururaa. E parau mau noa te reira, hoê hoi teie o te mau maitai e rave rahi no ǒ mai ia Iehova ra. (Mas. 10:22) No te faahotu i ta oe i faaroo, e mea tia ia feruriruri e ia tapea maite oe i te reira. (Luka 8:15) A hoˈi ai oe i te fare, a aparau no nia i te tairururaa e to oe utuafare aore ra e te feia i na muri mai ia oe. A tauaparau no nia i te mau fa e manaˈo faufaa e tauturu ia outou i roto i ta outou taviniraa. I te na reiraraa, e maitai-maoro-hia outou i tei vauvauhia mai.—Iak. 1:25.
4. No te aha e mea taa ê ai teie tairururaa no tatou?
4 Auê tatou i te oaoa ia fanaˈo tatou i te hoê ô faufaa e tuati ra i ta tatou iho â e hinaaro ra! Aita anei tatou e ru ra i te ite i ta Iehova i faaineine na tatou i te mahana tairururaa taa ê i mua nei? E faufaahia iho â tatou i roto i te mau tuhaa atoa. E nehenehe tatou e tiaturi e e ho mai to tatou Metua i te raˈi ra o Iehova i te ô tano maitai na roto i te mau faaitoitoraa e faaineineraa no te rave â i ta ˈna i faaue mai.—Tim. 2, 4:2; Iak. 1:17.