Pahonoraa i ta outou mau uiraa

◼ Eaha te tia i te papai parau ia rave ia tae mai te hoê pionie tamau i roto i te amuiraa?

E tia i te papai parau ia faaara i te Taiete, ma te faaohipa i te tuhaa faataahia no te reira i muri i te tabula a te amuiraa (S-1). E tia atoa ia ˈna ia niuniu oioi i te papai parau o te amuiraa tahito a te pionie e e ani ia ˈna i te taatoaraa o te mau tabula taviniraa a te taata poro (S-21) e te hoê rata faaôraa a te tomite no te taviniraa.

Te farerei pinepine nei te hoê pionie o te taui roa i to ˈna faaearaa i te tahi mau fifi ia faanaho i to ˈna nohoraa e ia haamau i te hoê porotarama maitai o te pororaa. Te mauruuru rahi nei râ oia i te tauturu maitai a te mau matahiapo ia taui oia i roto i te mau tupuraa maitai roa ˈˈe.

Faahaamanaˈoraa: E horoa te papai parau i te hoê Parau tiaraa e tonoraa apî (S-202) i te mau pionie anaˈe no roto mai i te hoê â amaa o te haere mai ra i roto i ta ˈna amuiraa. Na te Taiete e horoa i te mau parau tiaraa apî i te mau pionie e ua moe ta ratou, o te taui i te iˈoa i muri aˈe i te faaipoiporaa aore ra i te hoê faataaraa, aore ra tei tonohia mai e te tahi atu amaa, e ere râ na te papai parau. E papai ïa oia aore ra te pionie i te Taiete no te faataa i te tupuraa e e ani i te hoê parau tiaraa apî.