Pahonoraa i ta outou mau uiraa

◼ Afea e faaterehia ˈi te mau haapiiraa buka?

I roto i te rahiraa o te mau tupuraa, e mea ohie aˈe ia faaterehia e rave rahi mau haapiiraa buka i te mau vahi ěê o te tuhaa fenua o te amuiraa i te hoê noa i te Piha no te Basileia. E tia ia faaterehia taua mau haapiiraa ra i te hoê taime e tano no te rahiraa o te feia i maitihia no te apiti atu. E mea matauhia i te rave i te hoê po o te hebedoma e aita e putuputuraa e aita atoa e faanahoraa i ravehia no te pororaa. E mea maitai atoa râ ia faanaho i te hoê haapiiraa buka i te ao no te feia e mǎtaˈu rii i te haere i rapae i te po no to ratou faito matahiti e no te feia e rave ra i te ohipa i te po. I roto i te tahi mau tupuraa, e nehenehe e faatupuhia te hoê haapiiraa buka i te ao i te hopea hebedoma.

E ani paha te mau matahiapo i te mau haamaramaramaraa no te faaoti i te mahana e te hora o te mau putuputuraa ‘e tano i te rahiraa o te feia poro’ e i te feia tei anaanatae apî mai (om api 62 [farani]). Eita e tia ia faanaho i te hoê putuputuraa i te hoê mahana e i te hoê hora o te haafifi i te mau faanahoraa tei ravehia no te pororaa.