Te Pare Tiairaa e te A ara mai na!—Mau afai parau o te parau mau
1 Te faahaamanaˈo ra Te Pare Tiairaa no te 1 no tenuare 1994, i te api 22, ia tatou e te pia ra ta tatou mau vea i te “mau tumu parau i te tau au no nia i te mau mea titau-mau-hia ra e te taata”. Te hinaaro nei tatou e opere rahi atu i te reira. I te mau avaˈe eperera e me, e pûpû tatou i Te Pare Tiairaa e te A ara mai na!, e te mau vea iti atoa faito rahi eiaha râ te vea iti Te fare haapiiraa (farani).
2 E taime tano roa te pororaa i tera e tera fare no tatou no te opere i taua mau vea ra. E nehenehe atoa e vaiiho tamau i te mau buka e te mau vea i roto i te faaiteraa faanaho-ore-hia e te amuiraa e te mau hoˈi-faahou-raa e farerei aravihi.
3 Tumu parau tauaparauraa: E tuatapapa Te Pare Tiairaa no te 15 no tenuare i te mau tumu parau: “Eita anei te mau tamaˈi e nehenehe e apehia?” e “Fatata roa—Te hoê ao aita e tamaˈi faahou!” Te tuea mau nei taua mau upoo parau ra i te tumu o te vea oia hoi ia faaite i te Basileia o te Atua. Te faaite ra te pae hopea o na tumu parau e piti e nafea te Atua ia faaore roa i te mau tamaˈi atoa.—Salamo 46:9.
4 E faaite te tumu parau no nia i “Te mau varua iino” o Te Pare Tiairaa no te 1 no febuare i te mau taata aau rotahi i te tiaraa o te mau demoni i roto i te mau ohipa a te taata nei e e pahono oia i te mau uiraa faufaa no nia i te ino o te ore roa e nehenehe e faataa na roto i te tahi atu ravea.
5 Nafea ia opere rahi i te mau vea: Te horoa ra Te Pare Tiairaa no te 1 no tenuare e maha manaˈo no te opere rahi i te mau vea. 1) Te faaitoito maira ia tatou ia “anaanatae i te mau vea”. Ia taio anaˈe tatou, e tia ia tatou ia feruri i nia i te mau tumu parau o te nehenehe e faaanaanatae taa ê i te mau taata o ta tatou tuhaa fenua. I te tahi aˈe pae, mai te peu e e rave tamau tatou i te mau vea, e nehenehe ïa tatou e pûpû i to tatou mau hoa ohipa, i te feia tapiri, i ta tatou mau orometua haapii e te mau hoa haapiiraa aore ra i te feia e hoohoo ra.
6 Te faahaamanaˈo atoa ra te vea ia tatou e 2) ia ohie noa te pûpûraa. A maiti i te hoê manaˈo anaanatae e a faaite na roto i te tahi noa mau parau. Mai te peu e e nehenehe outou e vaiiho i te hoê vea i roto i te hoê utuafare, e “paraparau” oia i te taata ta outou i farerei e i te tahi atu mau taata o te fare.
7 E tia atoa 3) ia ineine i te taui. E mea maitai ia mau e rave rahi mau tumu parau i roto i te feruriraa ia ineine noa tatou i te tauaparau e te mau taurearea, te mau tane e te mau vahine.
8 E i te pae hopea, 4) e tia ia tatou ia faaoti ehia rahiraa vea e opere. Noa ˈtu e aita te amuiraa i haamau i te numera faito au noa, e tutava râ tatou iho i te titau i te hoê tapao. E faaara te reira i to tatou anaanatae ia pûpû tatou i te mau vea. Ia ani tatou i te rahiraa numera vea taa maitai, e turai te reira ia tatou ia rave i te tahi mau tutavaraa.
9 Te hinaaro nei tatou e ia ite te tahi atu mau taata i te Basileia o te Atua. No reira, ia haafaufaa ïa tatou i te tauturu maitai ta te mau vea e horoa nei no te faaite i te poroi o te Basileia.—Mat. 10:7.