Putuputuraa no te taviniraa no tenuare
Hebedoma o te 3 no tenuare
Himene 101
5 mn: Parau faaara. A faahiti poto noa i te mau manaˈo papu o te mau vea hopea o te faaara i te anaanatae i roto i te tuhaa fenua.
25 mn: “‘Te mǎtaˈu paieti’—Tairururaa mataeinaa 1994.” E tatara te taeae papai parau i te api hau ma te mau uiraa e mau pahonoraa. A haapopou i te feia e turu nei i te mau faanahoraa a te Taiete. A tuatapapa i te mau paratarapha 16 e 17 mai te peu e te vai ra te feia tariˈa turi i roto i te amuiraa.
15 mn: “E tauturu tatou ia vetahi ê ia farii i te faufaaraa o ta tatou mau buka.” Hiˈopoaraa e te feia i putuputu mai. Mau faahiˈoraa poto i muri aˈe i te mau paratarapha 3 e 4. A faaite i te feia poro eaha te mau buka e 192 api e vai ra i te amuiraa. Mai te peu e aita e buka tahito, rave i teie faahiˈoraa: faaohiparaa i te buka Te huitaata i nia i te eˈa o te maimiraa i te Atua i muri aˈe i te hiˈopoaraa i te paratarapha 5.
Himene 116 e pure faaotiraa.
Hebedoma o te 10 no tenuare
Himene 147
10 mn: Parau faaara e Mau parau faaite tano o Te taviniraa o te Basileia.
15 mn: Ua ineine anei outou i te faaruru i te hoê fifi i te pae rapaauraa o te tamata i to outou faaroo? Oreroraa parau anaanatae a te hoê matahiapo aravihi. Ma te faaohipa i te mau manaˈo o te mau paratarapha 1-3 o te api hau o Te taviniraa o te Basileia no novema 1990, a tauturu i te feia e faaroo ra ia haapao i te faufaa paruru o te parau “Haapapuraa.” I te tahi mau tairururaa mataeinaa “Te haapiiraa no ǒ mai i te Atua ra” i te mau Hau amui no Marite, hau atu e 50 % o te mau parau tei faaitehia ia noaa mai te mau buka apî aita i tarimahia e aita atoa i haapapuhia e te mau ite, e mea tahito. A opere i te mau parau apî i te feia poro bapetizo, e i muri aˈe a hiˈopoa i te rata o te 10 no febuare 1992 e mau faaueraa to roto no nia i te huru ia faaî atu. A parau i te mau taeae EIAHA e faaî i te mau parau i te reira po, ia afai râ i ǒ ratou ra, ia hiˈopoa i te uiraa na roto i te pure, e i muri aˈe ia faaî. Tera râ, EITA RATOU E TARIMA i te mau parau i taua taime ra. E afai mai ratou i te mau parau i faaîhia i te haapiiraa buka i mua nei i reira te mau matahiapo e tarima ˈi, e haapapuhia e te mau ite e e tapaohia i te taio mahana i nia i te mau parau. E faaohipa te taeae aratai i te haapiiraa buka i te hoê tabula no te ite papu e aita i moehia te hoê taata i roto i ta ˈna pǔpǔ. (E nehenehe e tauturu i te mau metua bapetizo ia faaî i te Parau tiaraa a ta ratou mau tamarii.) E nehenehe noa te feia tei mairi i taua haapiiraa buka ra e tauturuhia e te taeae aratai i te haapiiraa buka e te mau matahiapo i te putuputuraa no te taviniraa a muri aˈe, ia faaî e ia tarima te taatoaraa o te taata poro bapetizohia ma te tano i ta ratou mau parau. E haamau te mau matahiapo i te hoê tabula o te feia aita i haere mai e e tamata ratou i te faaî i te mau parau atoa ma te haamarirau ore.
20 mn: “E hoˈi tatou e farerei no te faaara i te anaanatae.” Aparauraa e te feia i putuputu mai. Mai te peu e te faaohipa ra te feia poro i te mau buka tahito, faahiˈoraa: hoˈi-faahou-raa e farerei i te hoê taata tei farii i te hoê o taua mau buka ra. Ia ore anaˈe, faahiˈoraa: hoˈi-faahou-raa e farerei i te hoê taata tei farii i te buka Te huitaata i nia i te eˈa o te maimiraa i te Atua, ma te rave faahou i te mau manaˈo o te paratarapha 5.
Himene 154 e pure faaotiraa.
Hebedoma o te 17 no tenuare
Himene 167
10 mn: Parau faaara. Tabula faufaa moni e haamauruururaa no te mau ô. A haapopou i te feia i putuputu mai no ta ratou turu i te pae moni i te ohipa na te ao atoa nei e i te amuiraa. A faahaamanaˈo e tia i te feia aitâ i oti atura i te faaî i ta ratou parau “Haapapuraa” ia rave i te reira i teie po ma te haere e farerei i te taeae aratai i te haapiiraa buka aore ra i te hoê matahiapo.
20 mn: “Te pororaa i roto i te mau tuhaa fenua poro-pinepine-hia.” Na te tiaau no te taviniraa; mau uiraa e mau pahonoraa. I roto i te mau amuiraa e poro pinepine nei i ta ratou tuhaa fenua, faahiˈoraa: faaohiparaa i te hoê o te mau omuaraa parau o te buka Haaferuriraa faahitihia i roto i te mau paratarapha 4 e 5 e te hoê pûpûhia i roto i te mau paratarapha 6 e 7, aore ra te hoê e tano maitai i te tuhaa fenua. I roto i te mau amuiraa aita ratou e poro pinepine nei i to ratou tuhaa fenua, e nehenehe e faaohipahia te tahi atu mau omuaraa parau tano hutihia i roto i te buka Haaferuriraa no te mau faahiˈoraa. Ia faaineine-maitai-hia te reira.
15 mn: Eaha te ohipa e tupu i mua no te fenua? Buka Haaferuriraa mau api 403-8. 5 mn: Oreroraa parau o te rave faahou i te mau manaˈo o te mau upoo parau iti o te mau api 403-5 (e tae roa i te upoo parau iti). 7 mn: E hiˈopoa te hoê taata poro apî e te tahi atu, paari e aravihi, i te mau api 405-7. Te parau nei te fetii piri o te taata poro apî e ia au i te Bibilia e haamouhia te fenua. E ani teie taata i te taata poro aravihi ia tauturu ia ˈna ia haamaramarama ia ratou i te mau irava bibilia no nia i te fenua. 3 mn: Ei faahopearaa, a hiˈopoa i te uiraa o te api 408: “E horoa te Atua te haamaitairaa e ora e a muri noa ˈtu i raro nei ia vai ra?” A faaitoito i te feia atoa i putuputu mai ia tutava ia fanaˈo i teie haamaitairaa.
Himene 176 e pure faaotiraa.
Hebedoma o te 24 no tenuare
Himene 178
5 mn: Parau faaara. A faaitoito i te feia poro ia poro i teie hebedoma. A faaite i te mau vahi farereiraa o te pororaa.
10 mn: Pahonoraa i ta outou mau uiraa. Oreroraa parau e te apitiraa o te feia i putuputu mai. A tauturu i te feia i putuputu mai ia taa e no te aha e tia ia tatou ia ohipa mai tei faaitehia i roto i na paratarapha matamua e toru. Te faataehia nei i te Taiete, te tahi mau taime, te mau niuniu e te mau rata a te feia o te amuamu nei i te mea te tamau noa ra te mau Ite no Iehova i te haere i to ratou uputa, area ua ani ratou e rave rahi taime ia ore e hoˈi faahou mai. No reira, ia poro tatou i tera e tera fare, e hiˈopoa maitai tatou i te vehi o te tuhaa fenua e e tapao tatou i te mau fare e e parauhia mai ia tatou ia ore e hoˈi faahou atu.
15 mn: Hiˈopoaraa e te utuafare i te Buka matahiti apî. E haamata te hoê metua tane e to ˈna utuafare i te hiˈopoaraa anaanatae i na 64 api o te omuaraa parau o te Buka matahiti 1994. A faaoti ma te haapapu i te mau faanahoraa e rave no te utuafare no te taio i te tahi mau api o te Buka matahiti i te mau hebedoma atoa.
15 mn: Te ohipa a te amuiraa. E hiˈopoa te tiaau no te taviniraa e te tahi atu matahiapo i te ohipa a te amuiraa i na avaˈe hopea e maha i mairi aˈenei. Ua mairi te toru o te tuhaa o te matahiti taviniraa (setepa-titema). Eaha ta te amuiraa i rave? A haapopou ia ˈna ma te aau rotahi no te mau tuhaa ta ˈna i ohipa maitai. A faahiti atoa i te mau tuhaa ta ˈna e nehenehe e haamaitai e a horoa i te mau manaˈo ohie. A faahiti hoê aore ra e piti aamu itoito poto noa no nia i na avaˈe matamua e maha o te matahiti taviniraa. Ia horoa outou i te hoê faaotiraa maitai e te itoito. Ua oaoa roa o Iesu i to ˈna rave faaotiraa i ta ˈna taviniraa. O tatou atoa, e ite tatou i te hoê oaoa rahi ia vai ohipa noa tatou i roto i te taviniraa ta Iehova i horoa mai na tatou.—Ioane 4:34; Kor. 1, 15:58.
Himene 179 e pure faaotiraa.
Hebedoma o te 31 no tenuare
Himene 186
5 mn: Parau faaara. A faaitoito i te feia poro ia poro i te hopea hebedoma matamua o te avaˈe. E nehenehe outou e horoa i te mau manaˈo faufaa no nia i te huru ia faaite i te mau vea hopea.
10 mn: E pûpû tatou i tera e tera fare te buka E nehenehe oe e ora e a muri noa ˈtu i roto i te paradaiso i nia i te fenua nei. Oreroraa parau poto anaanatae no te faaite e ua horoa teie buka i te haapapuraa o to ˈna aravihi ma te aratai i te mau taata ia ite e ia tavini ia Iehova. Faahiˈoraa: Te faaineine ra te hoê taata poro ia ˈna ia faaohipa i te buka i roto i te taviniraa ma te rave i te mau manaˈo o Te taviniraa o te Basileia no teie avaˈe.
20 mn: “Te haereraa i te mau putuputuraa: te hoê hopoia faufaa.” Ma te mau uiraa e mau pahonoraa. I roto i te hiˈopoaraa i te paratarapha 2, a uiui i te feia poro tei haapaiuma i te mau fifi no te haere tamau i te mau putuputuraa.
10 mn: Mau hinaaro o te amuiraa aore ra “Ei hiˈoraa tano to tatou no nia i te aroha o te Atua.” Oreroraa parau a te hoê matahiapo, no roto mai i te vea o Te Pare Tiairaa no te 1 no atopa 1993, mau api 22-5.
Himene 188 e pure faaotiraa.