Te hoê avaˈe taa ê no te pororaa
1 E faariro anei outou i te avaˈe titema ei avaˈe taa ê no te pororaa? E tia paha ia outou ia taui i te tahi o ta outou mau peu, tera râ, eita anei e mea faufaa aˈe te mau haamaitairaa o te matara mai?
2 Te vai ra vetahi feia poro bapetizo, i rotopu i te feia apî roa, i te mau tau faafaaearaa haapiiraa, e e hinaaro ratou e rave i te taviniraa pionie tauturu i te avaˈe titema. E faaitoito-mau-hia ratou mai te peu e e poro te mau matahiapo, te mau tavini tauturu e te tahi atu feia poro e o ratou. Mai te peu e eita outou e nehenehe e riro mai ei pionie i te avaˈe titema, eita anei outou e nehenehe e rave tau hora noa i roto i te taviniraa e te mau pionie? I te na reiraraa, e mea papu e faaitoito noa outou ia outou iho.
3 Mai te peu e tutava te feia poro atoa ia rave hau atu â, e faanaho ïa te mau matahiapo i te mau vahi farereiraa no te pororaa i te mau mahana atoa i te roaraa o te tau o te mau oroa; e roaa ïa i te feia e riro mai ei pionie i te mau hoa no te poro.
4 Teie te taime no te faanaho, i te pae tataitahi aore ra e te utuafare e i te pae o te amuiraa, ia faariro i te avaˈe titema ei avaˈe taa ê no te pororaa.