Ia taai anaˈe na tatou i te mau api parau iti e te tahi atu mau buka
1 I rotopu i te mau vea tei neneihia i to tatou nei mahana, o Te Pare Tiairaa e te A ara mai na! anaˈe o te tauturu nei i te feia taio aau rotahi ia ite i te eˈa o te ora. I te avaˈe eperera e te avaˈe me, e anaanatae te tahi o to tatou mau taata ma te patoiraa ore i te poroi o te Basileia, e huti tahaa tatou i to ratou ara-maite-raa i nia i te mau numera hopea o ta tatou mau vea aore ra i nia i te hoê o te mau vea iti penihia a te Taiete. E faaite te tahi i te hoê anaanatae haihai i te taime matamua. I roto i taua huru tupuraa ra, e hinaaro tatou e aparau na mua i te hoê aore ra e piti manaˈo na roto i te hoê api parau iti; e i muri iho, mai te peu e anaanatae hau atu â te taata, e faatupu tatou i te hoê taairaa i rotopu i te api parau iti e te hoê vea aore ra te hoê vea iti.
2 E nehenehe tatou e parau e:
◼ “Te manaˈo ra te rahiraa e i to tatou tau te vai nei te mau fifi e rave rahi aita e ravea. Ua ite anei oe e ua tohu-aˈena-hia te mau fifi iino roa ˈˈe o ta to tatou ao e faaruru ra i roto i te Bibilia?” E faaite ïa tatou i te mau api 4 e te 5 o te api parau iti E ora anei teie nei ao? e tauaparau i te tahi mau fifi o te faaitehia ra.
3 Mai te peu e te anaanatae ra te taata i te mea o ta tatou e taio atura i roto i te api parau iti e e hinaaro tatou e faaite i Te Pare Tiairaa o te 1 no mati, e haafaufaa tatou te tumu parau “E faaroo anei outou i te faaararaa a te Atua?”, e faaite atu e te haapapu ra te hoê tapao rahi e te fatata roa maira te haamouraa o teie nei ao. E i muri iho e ani atu tatou ia hoˈi faahou mai i te tahi taime tano no te tamau i te aparauraa.
4 Mai te peu e te hinaaro nei tatou i te huti i te ara-maite-raa i nia i te numera o te “A ara mai na!” o te 8 no mati, e faaohipa tatou i te omuaraa parau matamua o te upoo parau ra “Taparahiraa taata/Te oraraa ma te ino ore” i te api 7 o te vea iti “Haaferuriraa”, e parau faahou atu e:
◼ “Te feaa nei e rave rahi e nehenehe anei te mau taata politita e haamau i te ino ore no te mau fifi no te maferaraa, mai ta taua vea e tatara ra, tera râ a tapao i te faahopearaa o teie vea . . . ” E taio tatou i muri mai te mau paratarapha o te upoo parau “Te hoê fifi e fatata roa i te ore” i te api 11 o te vea. E mea papu e faaara teie vea i te anaanatae o te feia e rave rahi.
5 Mai te peu e e faaite tatou i te vea iti “Inaha”, e haamata taa ê tatou i te aparauraa ma te taa ê e:
◼ “Te uiui nei e rave rahi eaha te tupu ia pohe tatou. Te parau nei vetahi e haere paha tatou i nia i te raˈi, aore ra i roto i te po auahi; aita te tahi i papu. E mea maere e mea tamǎrû te pahonoraa a te Bibilia.” E faaite ïa tatou i te api parau iti Eaha te tiaturiraa no te feia herehia e tatou tei pohe? e tauaparau atu ai i te tahi mau manaˈo o tei faahitihia i reira. Mai te peu e te anaanatae ra te taata i ta te api parau iti e parau nei, e nehenehe tatou e faahaere atu i nia i te mau api 16 e 17 o te vea iti.
6 Ia poro tatou i te hoê taata aita e tiaturi ra, ma te faaohipa i te api parau iti E ora anei teie nei ao?, e ani tatou ia ˈna i te mau uiraa o te paratarapha piti. E vaiiho ia ˈna ia pahono, e i muri iho e huti i to ˈna ara-maite-raa i nia i na paratarapha hopea e toru o te api 3. Te faaite nei taua mau paratarapha ra e te tǎpǔ maira te Mesia te hoê ao apî i roto i te hau. Mai te peu e te faaite ra te taata i te anaanatae, e faaite tatou i Te Pare Tiairaa no te 1 no mati ma te pee i te ravea i faahitihia i te paratarapha 3 o teie tumu parau.
7 Mai te peu e taata poro apî outou, e mea papu e oaoa outou i te haamata i te aparauraa ma te ohie. No te aha e ore ai e rave i te mau api parau E ora anei teie nei ao? e faaohipa i te mau manaˈo o te mau paratarapha 2 e te 6?
8 O te hoê hoi haamaitairaa ia amo i te poroi o te ora i te fare o te mau taata. I roto i ta tatou maimiraa i te mau taata ‘o te au’, e faaohipa tatou ma te maitai i te mau api parau iti e, mai te peu e e ite tatou i te anaanatae, e faatupu anaˈe i te taairaa i roto i taua mau api parau ra e te tahi atu mau buka. — Mat. 10:13.