Putuputuraa no te taviniraa no tenuare

Hebedoma o te 4 no tenuare

Himene 23

10 mn: Parau faaara a te amuiraa e Parau faaite e tano a Te taviniraa o te Basileia.

15 mn: “E faanaho anaˈe no te turu i te mau haaputuputuraa moˈa”. Oreroraa parau faaitoito a te taeae papai parau. Faaohipa i te mau manaˈo i roto i te tumu parau “Te faahanahana nei te mau tairururaa taa ê ia Iehova” tei matara mai i roto i te Taviniraa o te Basileia no novema 1990.

20 mn: Mau hinaaro o te amuiraa aore ra “Te hoê hiˈoraa aifaito i nia i te mau peu faaanaanataeraa manaˈo”, oreroraa parau hutihia mai mai roto mai i te mau api 3-10 o te A ara mai na! no te 8 no novema 1992 (farani).

Himene 139 e pure faaotiraa.

Hebedoma o te 11 no tenuare

Himene 162

10 mn: Parau faaara a te amuiraa. A faaite i te mau faanahoraa i ravehia no te pororaa i roto i te hebedoma.

20 mn: “E faaite anaˈe e nafea Iehova ia haamau i te hau e te ino ore.” Ma te mau uiraa e mau pahonoraa. A faaitoito i te mau taata i putuputu mai ia faaohipa i te mau api parau iti i roto i te pororaa. I muri aˈe i te tuatapaparaa i te paratarapha 3, faahiˈoraa: e faaite te hoê taata poro faaineine-maitai-hia e mea nafea ia haamata i te hoê haapiiraa bibilia, i te tauaparauraa matamua anei, aore ra i te hoê hoˈi-faahou-raa e farerei, maoti te api parau iti E ora anei teie nei ao? Te taata poro: “Iaorana. Te tauaparau nei matou e te mau taata ta matou e farerei nei no nia i te huru o te oraraa. E manaˈo anei oe e te haere ra te huru o te oraraa i te maitairaa?” Te taata: “Aita paha.” Te taata poro: “E manaˈo anei oe e e afaro mai te mau ohipa?” Te taata: “Aita vau i ite.” E faaite atu te taata poro i te api parau iti e e parau atu e: “Te manaˈo nei vetahi e te faatupu ra te mau ohipa e tupu nei i teie mahana i te mau parau tohu a te Bibilia e te piri maira te hopea o teie nei ao. Eaha to oe manaˈo?” Te taata: “Aita vau i ite. Peneiaˈe paha e tupu mau iho â.” E faaohipa te taata poro i te api parau iti no te faataa e te auraa o te hopea o teie nei ao, e ere ïa te hopea o te mau raˈi e o te fenua iho nei. E faataa oia i te hoê farereiraa no te tauaparauraa i te taime i mua nei i nia i te mau haapapuraa bibilia e te piri maira te hopea o teie faanahoraa.

15 mn: E ara anaˈe i te mau haafifiraa o te pâmuraa toto: ua tae i te taime no te faaapîraa i ta tatou parau “Mau faaueraa i te pae rapaauraa” na te hoê matahiapo. A opere i te mau parau apî i te mau taata poro bapetizohia, i muri iho a hiˈopoa riirii atu ai i te rata o te 10 no febuare 1992 o te faataa ra i to ratou faaohiparaa. I roto i ta outou faaineineraa, a hiˈopoa riirii i te rata o te 1 no tenuare 1990. E tia i te mau taata i tarima ei ite, ia ite roa ˈtu i te taata amo i te parau ia tarima. A titau manihini atu i te mau taata atoa o tei roaa mai ia ratou te hoê parau apî ia faaî hou a faarue mai ai i te Piha o te Basileia. Eita roa ˈtu e tia i te mau taata poro bapetizohia ia haere atu i rapae au i to ratou fare e aita ta ratou parau “Mau faaueraa i te pae rapaauraa matamua/Iritiraa i te hopoia” i nia iho ia ratou. Oia atoa, e tia i te mau tamarii aita i naeahia te matahiti bapetizo-ore-hia a te mau Ite ia amo noa i ta ratou Parau tiaraa. Ua faaite mai te hoê hiˈopoaraa tei ravehia aita i maoro aˈenei i roto i te hoê amuiraa i te taime o te hoê putuputuraa e hoê taata poro i nia i te pae aita ta ˈna parau i nia iho ia ˈna e aita hoê noa ˈˈe tamarii i amo i ta ˈna Parau tiaraa. Ei faaotiraa, a taio e a faaohipa i te Maseli 22:3.

Himene 151 et pure faaotiraa.

Hebedoma o te 18 no tenuare

Himene 130

10 mn: Parau faaara a te amuiraa; Mau parau apî teotaratia; tabula faufaa moni; haamauruururaa no te mau ô. A haapopou i te feia i tae mai no ta ratou turu i te pae moni i te mau ohipa a te amuiraa e tae noa ˈtu i te Faufaa a te Taiete no te mau paturaa.

20 mn: “Te hoê faaohiparaa maitai i te mau mauhaa faufaa.” I muri aˈe i te hoê omuaraa parau poto noa, e piti faahiˈoraa ma te rave mai i te mau manaˈo o te mau paratarapha 2-5. I te hopea o te faahiˈoraa matamua, e farii te taata e piti vea. E tǎpǔ te taata poro e hoˈi mai o ˈna e pahono i te uiraa: “No te aha te Atua i faatia ˈi te mauiui?” I te hopea o te pitiraa o te faahiˈoraa, e haamata te taata poro i te hoê haapiiraa bibilia maoti te hoê api parau iti tano maitai. A faaitoito i te taatoaraa o te feia poro ia haamata i te hoê tauaparauraa bibilia i roto i te pororaa i teie hopea hebedoma.

15 mn: No te aha te mau kerisetiano e haapae ai i te toto. Oreroraa parau a te hoê matahiapo. Vea iti Haaferuriraa n° 1, i te tumu parau “Te toto”, auraa e na toru upoo parau matamua, api 14, 15.

Himene 177 e pure faaotiraa.

Hebedoma o te 25 no tenuare

Himene 128

10 mn: Parau faaara a te amuiraa. A vauvau i te mau manaˈo faufaa mau o te tumu parau “Te hoê maitai taa ê o te taviniraa”. Mai te peu e e taimehia, a uiui i te hoê taata poro e eˈa opereraa vea ta ˈna. Mea nafea to ˈna haamataraa? Mea nafea taua faanahoraa ra i te tautururaa ia ˈna ia atuatu i te anaanatae o te mau taata aore ra ia taa ma te papu e mea nafea ia faarahi i to ˈna anaanatae no te poroi?

15 mn: “E nehenehe anei outou e tavini ia Iehova ei pionie?” Ma te mau uiraa e mau pahonoraa. A uiui i te hoê taurearea pionie tamau aore ra te hoê taata poro o tei riro na ei pionie i to ˈna apîraa. A haamatara maitai e e nehenehe te mau metua e te tahi atu â e tauturu i te mau taurearea ia titau i te tapao ra e riro mai ei mau pionie. A titau manihini atu ma te mahanahana ia feruri maitai te taata tataitahi i te ravea ra ia apiti atu i roto i te taviniraa ma te taime taatoa. Teie te taime no te opuaraa e riro mai ei pionie tauturu i te avaˈe eperera.

20 mn: “E atuatu anaˈe i te anaanatae na roto i te mau hoˈi-faahou-raa aravihi.” Oreroraa parau poto noa apeehia e te hoê faahiˈoraa: aparauraa horoahia i roto i te paratarapha 3. Mai te peu e e taimehia, a hoˈi faahou mai i nia iho i te mau manaˈo faufaa o te pûpûraa: omuaraa parau aore ra parau faataaraa no te aratai mai te irava bibilia.

Himene 160 e pure faaotiraa.