E faanaho anaˈe no te turu i te mau haaputuputuraa moˈa

Taa ê atu i te oroa haamanaˈoraa, e mea papu e ua riro te mau tairururaa ei mau tupuraa o tei tapao i te matahiti teotaratia. Mai te mau oroa o te mau tau no te mau ati Iseraela, ua riro te mau tairururaa ei mau “haaputuputuraa moˈa” no tatou o tei faanahohia no te faaitoitoraa ia tatou e no to tatou oaoa. — Lev. 23:2.

I teie matahiti, ua faanaho te Taiete i te mau taime ê atu no te tautururaa ia tatou ia nehenehe tatou e turu hoê aore ra e rave rahi mau tairururaa na te mau motu. Te faaite maira te tumu parau tarenihia o te Taviniraa i te mau taio mahana e te mau vahi o te mau tairururaa taa ê o te tupu i to tatou tuhaa fenua nei mai teie avaˈe e tae atu i te hopea avaˈe atete 93.

Mai te peu e nehenehe outou e turu i te hoê mahana tairururaa taa ê i te mau motu, a faaara roa ˈtu i te amaa, tuhaa “MAU TAIRURURAA 93”. E arataihia ˈtu outou i te tiaau haaati o te haapao i taua tairururaa ra.

No te mau tairururaa mataeinaa i Rurutu e i Hiva Oa, te opua nei te Taiete e faanaho i te mau revaraa tapǔpǔ na Tahiti atu. Te titau-manihini-hia ˈtu nei te mau taata o te farii i te turu i taua mau tairururaa ra ia faaite mai ia ratou i teie nei i te amaa ra, tuhaa “MAU TAIRURURAA 93”. E horoahia ˈtu te tahi atu â mau haamaramaramaraa a muri aˈe no nia i te faanahoraa o taua mau tere ra.