Te hoê melo apî no te Tino Aratai

NO TE opuaraa e faarahi i te numera o te mau melo o te Tino Aratai a te mau Ite no Iehova, tei haamata i te 1 no tiurai 1994, ua apitihia te tahi atu melo i te mau 11 matahiapo e tavini ra i teie nei. O Gerrit Lösch ïa te melo apî.

Ua haamata o taeae Lösch i te taviniraa ma te taime taatoa i te 1 no novema 1961, e ua noaa ta ˈna parau tuite i te 41raa o te pǔpǔ o te Haapiiraa bibilia no Gileada a te Taiete Watchtower. Ua tavini oia i roto i te tuhaa haaati e te tuhaa mataeinaa i te fenua Auteteria mai te matahiti 1963 tae noa ˈtu i te matahiti 1976. Ua faaipoipo oia i te matahiti 1967, e i muri iho ua tavini o ˈna raua ta ˈna vahine ra o Merete, e 14 matahiti ei mau melo o te fetii o te Betela no Auteteria, i Vienne. E maha matahiti i teie nei, ua tonohia raua i te pu rahi a te Taiete i Brooklyn, i New York, i reira te taeae Lösch i te taviniraa i roto i te mau piha ohipa faatereraa e ei taata tauturu i te Tomite no te Taviniraa. Maoti to ˈna aravihi e rave rau i noaa mai i roto i te mau fenua Europa tae noa ˈtu to ˈna ite i te mau reo helemani, beretane, rumania e italia ra, e riro oia ei tauturu faufaa roa no te ohipa a te Tino Aratai.