Te melo apî o te Tino aratai

I te Mahana toru poipoi, i te 5 no Tetepa 2012, ua faaitehia i te utuafare o te Betela i Marite e Kanada e e melo apî to roto i te Tino aratai a te mau Ite no Iehova. Ua haamata ïa Mark Sanderson i te na reira i te 1 no Tetepa 2012.

Ua paari te taeae Sanderson e to ˈna na metua Kerisetiano i San Diego, Kalifonia, Marite. E ua bapetizo o ˈna ia ˈna i te 9 no Fepuare 1975. I te 1 no Tetepa 1983, ua riro oia ei pionie i Saskatchewan, Kanada. I Titema 1990, ua apiti o ˈna i te hituraa o te pǔpǔ o te Haapiiraa faaineineraa no te taviniraa (Haapiiraa no te mau taeae taa noa i teie nei) i Marite. Ua faatoroahia oia ei pionie taa ê i te motu o Terre-Neuve, Kanada, i te Eperera 1991. Ua mono atoa na o ˈna i te tiaau haaati e i muri aˈe, i Fepuare 1997, titau-manihini-hia ˈtura oia ia riro ei melo o te Betela i Kanada. I Novema 2000, ua tonohia o ˈna i te amaa i Marite e tavini atura i roto i te Tuhaa haamaramaramaraa i te pae rapaauraa e i muri aˈe i roto i te Tuhaa taviniraa.

I Tetepa 2008, ua apiti te taeae Sanderson i te Haapiiraa no te mau melo o te tomite amaa. E i muri aˈe, maitihia ˈtura oia ei melo o te tomite amaa i Philipino. I Tetepa 2010, titau-manihini-hia ˈtura oia e hoˈi i Marite e tauturu i te Tomite taviniraa a te Tino aratai.