‘E tauturu rahi oia no ˈu’

NOA ˈtu e tane apî, ua faaite noa Ioane Mareko i te itoito. No tapea-noa-hia mai ra o Iesu, taamuhia e afaihia na te hoê nahoa taata e ta ratou mauhaa. Ua horo ê te mau aposetolo. Tera râ, te parau ra te Bibilia no nia i “te hoê tane apî” tei faaite i te itoito no te pee ia Iesu. Ua itehia o ˈna na te nahoa e ua hinaaro ratou e haru ia ˈna. Tei noaa noa mai i te nahoa, to ˈna ahu lino. Ua ‘horo ê ïa oia ma te ahu ore.’ No te mea o te buka a Mareko anaˈe te buka Bibilia o te faaite ra i teie aamu, e rave rahi ïa taata tei tiaturi o Mareko iho â tei papai i te reira.

Ua ora Mareko i Ierusalema, peneiaˈe e to ˈna metua vahine, tei navai maitai i te moni. I muri noa mai i to Iesu poheraa, ua putuputu te amuiraa i ǒ te mama o Mareko. Ua haere atoa te aposetolo Petero i ǒ, i te hoê po i muri noa mai i to te hoê melahi faaoraraa ia ˈna mai te fare tapearaa. Aita e ore, ua farerei Mareko e rave rahi aposetolo e pǐpǐ a Iesu e ua fanaˈo oia no ǒ mai ia ratou i te itoito.

I 46 muri aˈe te tau o Iesu, ua haere mai Baranaba te taeae fetii o Mareko na Ierusalema e te aposetolo Paulo e ua tâuˈa raua ia Mareko. I to raua hoˈiraa i Anetiohia, ua apee Mareko ia raua. Fatata hoê matahiti i muri iho, ua titau manihini Paulo e o Baranaba, ia Ioane Mareko ia amui i ta raua tere mitionare! Ua ineine Mareko i te apee ia raua e i te aupuru i na piti mitionare itoito mau.

I tera tau, mea fifi e atâta mau te mau tere. I muri iho, ua papai Paulo no nia i to ˈna mau tere e ua faaruru oia ‘i te pape pue, i te eiâ, i te ati i roto i te oire, te medebara e te miti.’ (Kor. 2, 11:26) Ua ineine Mareko i te rave i ta Paulo e Baranaba e hinaaro ra ia rave oia. Mea teimaha anei tera hopoia? Aita te Bibilia e parau ra. Tera râ, te parau ra te Bibilia e ua faarue Mareko ia Paulo e Baranaba i to raua taeraa i Pamephulia e ua hoˈi oia i ǒ ˈna i Ierusalema. I to Mareko faarueraa ia raua, ua inoino roa Paulo raua Baranaba, o Paulo iho â ra.

I muri iho i te roaraa o to raua tere, ua haamata Paulo e Baranaba i te faanaho i te piti o to raua tere. Ua hinaaro faahou o Baranaba e rave ia Mareko na muri ia raua, aita râ o Paulo i mauruuru i te reira. Peneiaˈe ua manaˈo Paulo aita e nehenehe e tiaturi ia Mareko. Aita o Paulo e Baranaba i afaro, “riri roa ˈtura te tahi i te tahi.” Ua rave Baranaba ia Mareko ia ˈna i Kupero, i ǒ ua tamau raua i te poro. Ua itehia mai ia Paulo i te tahi atu hoa e haere atura i to ˈna tere.

Mea fifi roa no Mareko, ua haamauiui oia ia Paulo ta ˈna i faatura rahi, e no ˈna hoi i taa ê ai na hoa piri. Ua inoino anei Mareko i te reira? Aita roa ˈtu!

Ua tamau Mareko i te tauturu i te mau taeae e tuahine i roto i te amuiraa. I 60-61 muri aˈe te tau o Iesu, ua tapeahia Paulo i Roma. Ua papai oia i te hoê rata, ma te faahiti e tei ia ˈna ra o Mareko. Ua parau Paulo ‘e tamahanahana rahi o Mareko.’ I te area matahiti 62 e 64 muri aˈe te tau o Iesu, ua papai Petero i te hoê rata ma te faahiti ia Mareko. E au ra e, ua haere roa Mareko i Babulonia ia Petero tei ruhiruhia. Ua parau te aposetolo Petero ia Mareko “ta ˈu tamaiti.” Auê ïa tamahanahanaraa Mareko no Petero! Mea papu, ua faatia te aposetolo ia Mareko e rave rahi ohipa no nia i na rahiraa matahiti e o Iesu. I to Mareko papairaa i to ˈna aamu, peneiaˈe i Roma, ua faahiti oia e rave rahi ohipa ta Petero i ite e peneiaˈe o ta ˈna atoa i faatia.

Na Paulo i faahiti hopea no nia ia Mareko i roto i te mau Papai. Ua tapea-faahou-hia Paulo i te fare tapearaa, e ua ani o ˈna ia Timoteo ia haere mai e farerei ia ˈna, e ia afai atoa mai ia Mareko. No te aha? Ua parau Paulo: ‘E tauturu rahi oia no ˈu i roto i te taviniraa.’ Eita e ore ua oaoa raua i te haere e farerei ia Paulo, e i te tamahanahana ia ˈna i te hopea o to ˈna pue mahana. Noa ˈtu te mau fifi ta Mareko i faaruru i roto i ta ˈna taviniraa ia Iehova, ua tamau oia i te tauturu i to ˈna mau taeae e ua here rahi Iehova i teie taata itoito.

A taio i te aamu Bibilia:

• Mareko 14:50-52

• Ohipa 13:2-5, 13; 15:36-40

• Kolosa 4:10, 11

• Timoteo 2, 4:11

• Petero 1, 5:13

A aparau:

Mea nafea to Mareko faaiteraa i te itoito?

A faahohonu atu â

1. 1. Eaha te faaite ra no roto mai Mareko i te hoê utuafare moni? (w10 15/3 6 par. 6–7 par. 1)

   Ta oe pahonoraa

2. 2. Eaha paha ta Mareko i rave “ei tauturu” no Baranaba e Paulo? (Ohi. 13:5; w10 15/3 7 par. 5)

   Ta oe pahonoraa

3. 3. Ehia taime to Mareko ratereraa? (w10 15/3 8 par. 6-8) A

   Ta oe pahonoraa

   

4. 4. A horoa i te hoê hiˈoraa, no te faaite e ua papai Mareko i te tahi atu mau ohipa i roto i ta ˈna buka, o ta ˈna paha i faaroo no ǒ mai ia Petero. (w08 1/2 26 par. 1)

   Ta oe pahonoraa

A feruri i te mau haapiiraa

• Aita i parauhia e aposetolo aore ra e peropheta o Mareko. Tera râ, ma te haehaa ua tavini oia ia vetahi ê. E nafea tatou e tavini ai i te tahi i teie mahana?

  Ta oe pahonoraa

• Ua erehia Mareko i ta ˈna hopoia e tavini e o Paulo i te hoê taime, tera râ ua vai taiva ore noa oia. Eaha te haapii mai no nia ia ˈna ia ere anaˈe tatou i te hoê hopoia? B

  Ta oe pahonoraa

  

• I roto i teihea tuhaa e nehenehe ai oe e pee i te itoito o Mareko i roto i to oe oraraa?

  Ta oe pahonoraa

A huti mai i te haapiiraa

• Eaha ta teie aamu e haapii mai no nia ia Iehova?

  Ta oe pahonoraa

• E nafea teie aamu e tuati ai i te opuaraa a Iehova?

  Ta oe pahonoraa

• No te aha e mauruuru ai oe e ua maitihia Mareko no te faatere e te Mesia i nia i te raˈi?

  Ta oe pahonoraa

A haapii hau atu â

Eaha te mea faahiahia i roto i te buka a Mareko?

Omuaraa parau o te buka Mareko (3:18)

A faaohipa i te hiˈoraa o Mareko no te haapii i ta outou mau tamarii i te mau haamaitairaa ia tutava.

“Aita Mareko i faaea” (w08 1/2 24-26)