Ua hinaaro oia i te itoito no te riro ei hoa taiva ore

E PITI tane e ta raua mauhaa tamaˈi e pauma vitiviti ra i te aivi. Te haere ra raua e aro i te hoê puhapa faehau Philiseti. O Ionatana te aratai, te tamaiti a te arii matamua no Iseraela o Saula. Te apee atoa ra ta ˈna tavini amo mauhaa ia ˈna, e ua faaitoito Ionatana ia ˈna ia haere na muri ia ˈna no te aro i te mau Philiseti e ua na ô o ˈna: “Aita . . . e mea e nehenehe e haafifi ia Iehova ia hinaaro oia e horoa i te upootiaraa, mea rahi anei aore ra mea iti tatou.” Aita Iehova i haamarirau i te haapapu ua tano Ionatana. Ua tauturu oia na tane e piti ia haapohe e 20 faehau! Ua horoa ïa Iehova i te upootiaraa ia Iseraela i nia i te mau Philiseti.

Te faaite ra teie aamu i te itoito o Ionatana e ua faatupu râ oia i teie huru maitai e rave rahi taime i roto i to ˈna oraraa. E taata taiva ore mau o Ionatana, e ua hinaaro oia i te itoito no te faaite i te taiva ore. Ua faaite Ionatana i te taiva ore ia Saula, i te hoê râ taime ua faaroo ore Saula ia Iehova. Ua titauhia ia Ionatana i te itoito no te taiva ore ia Iehova na mua roa.

Tau matahiti i muri iho, i te 50raa o to Ionatana matahiti, ua faahoa oia ia Davida tei apî aˈe ia ˈna. Ua haapohe teie taurearea ia Golia te hoê tiapai Philiseti. Eita e ore, ua haapopou Saula e te nunaa taatoa ia Davida. Eaha te huru o Ionatana? Aita oia i pohehae noa ˈˈe. Ua horoa râ o ˈna i ta ˈna haana tamaˈi ia Davida e ta ˈna atoa fana. E ô faahiahia roa te reira, no te mea e taata aravihi o Ionatana i te teˈa. E noa ˈtu mea paari aˈe o ˈna ia Davida, ua euhe raua i te faaea ei hoa noa ˈtu eaha te tupu.

I te omuaraa mea here roa na Saula ia Davida. I muri iho râ, ua pohehae o ˈna ia Davida e ua haamata i te hae ia ˈna. Ua hinaaro atoa Saula ia apee Ionatana ia ˈna. Tera râ, ua vai taiva ore Ionatana i to ˈna hoa ra o Davida, noa ˈtu ua maiti Iehova ia Davida no te riro ei arii no Iseraela i muri mai. I to Saula parauraa e hinaaro oia e haapohe ia Davida, ua paturu Ionatana i to ˈna hoa. Ua titauhia ia ˈna i te itoito. E noa ˈtu ua paari o Saula e aito puai o ˈna. I te hoê taime, i to Ionatana patururaa i to ˈna hoa, ua taora o Saula i te hoê omore i nia i ta ˈna iho tamaiti! Aita te arii i manuïa, ua mauiui roa râ o Ionatana. Ua haere oia ia Davida ra e ua parau ia ˈna, ua faaoti papu Saula i te haapohe ia ˈna. Ua riro Ionatana ei hoa mau no Davida. Ua ani Ionatana ia Davida ia aupuru i to ˈna utuafare mai te peu e pohe o ˈna.

No te mea ua tamata Saula i te haapohe ia Davida, ua titauhia ia ˈna ia horo ê. Ua faaohipa atoa te arii i ta ˈna nuu no te aˈuaˈu ia Davida, ma te faahepo ia ˈna ia tauiui noa i te vahi tapuniraa. Ua apiti anei Ionatana ia ratou? Aita te Bibilia e faahiti ra i te reira, e nehenehe râ tatou e parau aita oia i na reira. I te hoê mahana, ua ite Ionatana ihea to Davida tapuniraa, e ua haere oia i to ˈna hoa ra. No te aha? Te taio ra tatou: “E tauturu atura [Ionatana] ia ˈna ia faarahi i to ˈna tiaturi ia Iehova.” Ua parau o ˈna ia Davida: “Eiaha e mǎtaˈu, eita hoi to ˈu metua tane o Saula e ite ia oe. E riro oe ei arii no Iseraela, e ei raro iti aˈe au ia oe,” e faataa ˈtura na hoa e piti. Teie ïa te taime hopea i farerei ai raua.

Tau taime i muri iho, ua aro Ionatana na muri i to ˈna metua tane i te enemi mau, oia hoi te nuu Philiseti. I tera râ taime ua riro Saula ei apotata, o te rave atoa i te peu tahutahu. Aita Iehova i haamaitai faahou ia ˈna. Ua pepe te arii e ua haapohe oia ia ˈna iho. E toru o ta ˈna mau tamaiti, oia atoa o Ionatana tei pohe i te aroraa i tera mahana.

Ua oto roa o Davida. Ua papai oia i te tahi himene otoraa no te faataa i to ˈna mauiui e to ˈna here i to ˈna hoa. Ua pii o ˈna te reira “Te fana,” peneiaˈe ei haamanaˈoraa i te ô ta Ionatana i horoa na ˈna tau matahiti na mua ˈtu. Ua papai Davida: “Te oto nei au ia oe, to ˈu taeae e Ionatana, e here rahi to ˈu ia oe.” Ua tapea oia i ta ˈna i euhe ia Ionatana. I muri iho i to Davida riroraa mai ei arii, ua paimi o ˈna i te mau fetii o Ionatana e ua itehia mai ia ˈna i te hoê tamaiti pirioi. Ua rave Davida i teie tamaiti, o Mephiboseta, no te ora i pihai iho i te oire o Ierusalema e ua aupuru atoa ia ˈna.

A taio i te aamu Bibilia:

• Samuela 1, 13:2, 19-23; 14:1-15; 16:21; 18:1-9; 19:4-6; 20:1-42; 23:16-18; 28:6-8; 31:1-6

• Samuela 2, 1:17-27; 9:1-7

A aparau:

Mea nafea to Ionatana faaiteraa i te itoito?

A faahohonu atu â

1. 1. O vai mau na te mau Philiseti? (w95 1/2 31)

   Ta oe pahonoraa

2. 2. E nafea teie taˈo “hoê pima” e haapapu ai ua tupu iho â teie aamu? (Sam. 1, 13:21; w05 15/3 29) A

   Ta oe pahonoraa

   

Todd Bolen/BiblePlaces.com

1. 4. Eaha ta Davida i rave no te tapea i ta ˈna i euhe ia Ionatana no te aupuru i to ˈna utuafare? (it “Mephiboseta” N^o 2 par. 1)

   Ta oe pahonoraa

A feruri i te mau haapiiraa

• Ua faaite Ionatana i te taiva ore ia Iehova na mua roa ia Saula. E nafea tatou e vai taiva ore ai i roto i te hoê â tupuraa? C

  Ta oe pahonoraa

  

• Eaha ta te aamu o Ionatana e Davida e haapii mai no nia . . .

  • i te auhoaraa?

    Ta oe pahonoraa

  • i te haehaa?

    Ta oe pahonoraa

  • i te taiva ore?

    Ta oe pahonoraa

• I roto i teihea ˈtu â tuhaa e nehenehe ai oe e pee i te itoito o Ionatana?

  Ta oe pahonoraa

A huti mai i te haapiiraa

• Eaha ta teie aamu e haapii mai no nia ia Iehova?

  Ta oe pahonoraa

• E nafea teie aamu e tuati ai i te opuaraa a Iehova?

  Ta oe pahonoraa

• Eaha ta ˈu e hinaaro e ani ia Ionatana i te tia-faahou-raa?

  Ta oe pahonoraa

A haapii hau atu â

Eaha tei tauturu ia Ionatana e Davida ia vai piri noa ei hoa? E nafea tatou e faufaahia ˈi i te hoê â auhoaraa i teie mahana?

“A tamau i te here rahi te tahi i te tahi!” (w21.01 20-25)

A tauturu i ta oe mau tamarii ia huti mai i te haapiiraa i te oraraa o Ionatana.

“Ionatana” (Api parau no nia i te tahi mau taata o te Bibilia)